Hch. 4:17 - Yaminahua

¹⁷ Akka iskaratĩa nõ ato yoinõ anã Jesúsnoax mekanõfoma. Nõ ato yoinõ iskafakĩ: ‘Mã anã Jesúsnoa yoiaito nõ nikakĩ nõ mato omiskõimani,’ ” ikanax ãa ranã yoinãnifo.

Hch. 4:17 ပူးပေါင်းရင်းမြစ်များ

Mateo 27:64

Nãskakẽ mĩ sorarofo nĩchife a maia ano kexeyonõfo tres nia aõxõ tãpimisfo fakishi fẽkaxõ ãfe yora fiyamanõfo. Fĩakaxõ yorafo yoitirofo iskafakĩ: ‘Mã Jesús otoaki,’ ato fatirofoki. Akka ẽ otoxira ikax a chanĩmiskĩ. Nãskakẽ mã otoara ikaxõ ato parakĩ finakõitirofoki,” fanifo.

Mateo 9:30

Ato askafaino õisharanifo. Nãskakẽ Jesús ato yoisharani: “Ea nikakapo. A ẽ mato sharafaa tsoa yoiyamakãfe,” ato fani.

Juan 15:21

Akka mã ea Ifofaito, nã ea amisfo keskafakakĩ matori askafaxikani. Akka a ea nĩchini tsõa tãpiama. Nãskaxõ mato chakafaxikani.

Hch. 4:21

Ato askafaifono ato yoinifo iskafakakĩ: “Mã anã Jesúsnoa yoiaito nikaxõ nõ mato omiskõimani,” ato fanifo xanĩfo tiito. Ato askafakaxõ ato nĩchinifo yora fetsafãfemãi ato õiaifono. A xanĩfo tiito ato koshapaifikakĩ ato koshanifoma yorafoki mesekakĩ. Akka a yorafãfe, “Epa Nios sharakõira,” fanifo Pedro feta Juanmãi Niosxõ ato sharafaino.

Hch. 5:24

nikakani a Nios kĩfiti pexefã kexemisfãfe a ato xanĩfofo fe, a ato Nios kĩfixomisfo xanĩfokõifo ãa ranã yoinãnifo: “¡Aira! ¿Afeskax tsekeafomẽ?” ikanax ratenifo.

Hch. 5:28

“Mã nõ mato yoita, ‘Anã ato Jesúsnoa yoiyamakãfe,’ nõ mato faita, akka, ¿afeskakĩ Jesúsnoa mã ato yoirifaimẽ? Jerusalén anoafo mã ato yoiki mã mã ato tãpimakõia. Nãskaxõ mã noko pãrapai nafãfe Jesús reteitafora mã noko fapai, noko chakafapaikĩ.”

Efesios 6:9

Nãskakẽ mã xanĩfofofãferi, a mato yonoxomisfo ato shara fakãfe. Nõ mato chakafaira ixõ ato ferateki koshapaiyamakãfe. Shinãkãfe, mãri Ifoyakĩ a nai mẽra ika. Nõko Ifo Cristo keyokõi nãskarafos noko õi kiki.

1 Tesalonicenses 1:8

Matoõxõ nõko Ifãfe meka shara nikakĩ taefanifo Macedonia anoafo feta Acaya anoxõ. Akka anoxos nikanifoma. Nã pexe fetsafo anoxori nikanifo. Nãskaxõ mã tãpiafo mã Nios Ifokõifakẽ. Nãskakẽ nõ anã matoõnoa ato yoitiroma, mãmãi matoõnoa tãpikõiafono.

1 Pedro 2:23

Fetsafãfe mekafakakĩ ĩchafiaifono, atorikai kopikĩ tsoa ĩchamisma. Askatari omiskõimanaifono, “Ẽri mato kopixii,” ixõ ato yoinima. Askatamaroko Apaõnoa shinãkĩ iskafani: “Epa, mĩ eõnoa tãpiaki. Nãskarifakĩ mĩ ato tãpikõia. Nãskakẽ a mĩ ato chipo omiskõimaxiai chanĩmakõi,” ixõ Apa shinãni, Apamãi mẽstekõi ikẽ.