Hch. 22:24 - Yaminahua

²⁴ Askafaifãfe nikakĩ a soraro xanĩfãfe ato yoini Pablo karaxa mẽra ikimanõfo, koshaketsakaxõ, nãskafaifono ato yoinõ afeskai a yorafo akiki chakai mekakanimãkai.

Hch. 22:24 ပူးပေါင်းရင်းမြစ်များ

Juan 19:1

Nãskaxõ Pilato ato yoiano Jesús iyonifo sorarofãfe koshatinĩ koshaxikakĩ.

Hch. 16:37

Pablo a ato kexeafo yoini iskafakĩ: “Nõri romanõfofiano noko koshaketsafo yorafãfe ferotaifi, noko yõkasharakaxoma. Nãskakaxõ noko karaxa mẽra ikimanafo. Akka, ¿afeskakĩ one mã noko kãimapaimẽ? Ãakõi noko kãimani fenõfo ato yoitakãfe,” Pablo ato fani.

Hch. 21:34

Akka askafaino yorafo fanĩrira mekai fetsenifo anoris yoinifoma. Nãskai mekai fetseaifono soraro xanĩfãfe tãpitiroma ini. Nãskaxõ sorarofo mẽra ato iyomani.

Hch. 21:37

A sorarofo ika mẽra mã ikimanaifono, a sorarofãfe ãto xanĩfo Pablo yõkani: “¿Ẽ mefe pishta mekatiromẽ?” faito soraro xanĩfãfe kemani iskafakĩ: “¿Griego mekapa mĩ mekatiromẽ?

Hch. 23:10

Ato askafaino fãsikõi mekai xatenifoma. Nãskakaxõ Pablo achikaxõ nini nini akanaifono nã soraro xanĩfo ratekõini. Nãskakẽ ãfe sorarofo kenamani, ato anoa ifixõ anã ãfe pexe ano iyoikaxiki.

Hch. 23:27

Na feronãfake judeofãfe achixõ retepaiyaifono, akka ẽ nikaita ẽri romanõki ikaito, nãskaito nikakĩ ẽfe sorarofo fe kaxõ ẽ ifita.

Hch. 28:18

Nãnoxõ mã ea yõkakaxõ, ea nĩchipainifo, ẽkairoko afaa chakafakẽ ea retexikakĩ.

Hebreos 11:35

Kẽrofãferi Nios Ifofaino, fake naano Niospa ato otofaxoni anã ninõ. Akka fetsafo Nios chanĩmara fakõinafono nã Nios Ifofaifãfema ato omiskõimanifo ato retekakĩ. Nãskaxõ ato yoikĩ iskafanifo: “Mã Nios Ifofayamaito nõ mato afeska faima mã kasharatanõ. Akka mã Ifofaito nõ mato retei,” ixõ ato yoinifo. Ato askafafiaifono tsoa Nios shinãmakinima. Nãskakẽ ato retenifo ato reteyoafomano shinãkĩ iskafanifo: “Noko retefiaifono Epa Niospa samama noko õtofatiro nõ afe ĩpaxanõ,” ixõ shinãnifo.