Hch. 17:20 - Yaminahua

²⁰ Na mĩ noko yoiai anori nõ nikamismaki. Afaa ikamãkĩ noko yoife nõ tãpinõ,” fanifo.

Hch. 17:20 ပူးပေါင်းရင်းမြစ်များ

Marcos 9:10

Nãskakẽ tsoa yoitama. Ares fisti ãto õiti mẽraxõ shinãnifo mã tãpifikaxõ. Naax ẽ anã otoxira nokofaito nõ tãpiama ikanax yoinãnifo.

Juan 6:60

Jesúsxõ tãpimisfo a ranã yoinãnifo: “A Jesús noko yoia keskara fekaxkõi. Tsõakai tãpitiroma. Nõkai na keskara meka nikamisma,” ikanax yoinãnifo.

Hch. 10:17

Nãskakẽ Pedro shinãchakakõiyanã tãpipaini. “¿Afaa iskara Niospa ea yoipaimẽ na namakẽ õia keskara ẽ õiai?” ixõ Pedro shinãni. Nãskaino a Cornelio ato nĩchia fokaxõ, pexe fepoti anoxõ ato yõkanifo: “¿Fatomẽ Simón pexe?” ixõ ato yõkanifo.

Hch. 17:19

Nãskakaxõ Areópago ano Pablo iyonifo a anoax mẽxotaima ichanãkaxõ afarafo yoimisfo ano. Nãnoxõ yõkanifo iskafakakĩ: “Nõ tãpinõ na mĩ yoiai anori meka fenakõiki noko yoife.

Hch. 17:21

Nã Atenas anoafo feta yora fetsafãfe anoxõ õikakĩ nikapaikõinifo a nikaifo keskara ato yoixikakĩ.

Hch. 2:12

Afeskaxõ na yorafãfe nõko meka nikayamafikatsaxakakĩ noko yoiaifãfe nõ ato nikasharakõi,” ikanax rateyanã yoinãnifo: “¿Afeskai iskafomẽ?” ikanax.

1 Corintios 1:18

Nãskakẽ Jesús ato nãxoni nikakanax a chanĩmara faafãfema yoikĩ iskafakani: “Jesús ifi cruz ikakinoax noko nãxoni nõko chaka noko soaxoxikĩ, ixõ noko yoipaiyaifãfe nõkai chanĩmara fatiroma. Ãa chanĩkani,” ixõ shinãmisfo. Nãskakanax nãfo fenokõikani. Omiskõipakenakafo mẽra fokani. Akka nõ Jesús chanĩmara faito noko nimapakenaka nõ afe ĩpaxanõ. Niospa ãfe shinãõxõ Jesús noko nãxoni nõko chaka noko soaxoxiki. Afara fẽtsakai noko nimatiroma nõ afe nĩpaxanõ.

1 Corintios 1:23

Nãnori shinãfiaifono nõ yoikĩ iskafamis: “Jesucristo ifi cruz ikakinoax noko nãxoni noko chaka soaxoxikĩ,” ixõ nõ yoimis. Akka ẽfe kaifãfe judeofãfe yoikĩ iskafamisfo: “Ifi cruz ikakĩ mastafo askarakai nõko Ifo itiroma. Akka Cristokai afeskax natiroma,” ixõ judeofãfe shinãmisfo. Nãskatari yora fetsafo Cristoõnoa nikakani akiki kaxepaikani iskamisfo: “Tsõakai askara chanĩmara faima. Akka tsoa fẽtsakai noko nãxotiroma,” ixõ yoimisfo.

1 Corintios 2:14

Akka fetsafo Niospa Yõshi Shara fe rafeyamano nãfãfe Niospa Yõshi Sharapa yoiai keskara nikakaspakani. Nãskaxõ iskafatirofo: “Tsõakai nã meka chanĩmara faima. Akka nã shara shinãifãfe chanĩmara fakanima,” ixõ shinãkani. Akka Niospa Yõshi Sharapa shinãi keskara tsõa tãpiama. Nãskakẽ Niospa Yõshi Shara ato fe rafeyamano a yoiai keskara tãpiafoma. Akka Niospa Yõshi Shara fistichi ato tãpimatiro chanĩmara faifono.

Hebreos 5:11

Ẽ mato yoia Epa Niospa Jesús katoa a noko Nios kĩfixomis afe xanĩfo finakõia ixii. Akka nãõnoa ẽ mato fetsa yoisharapai. Nãskakẽ ẽ mato anã yoisharatiroma mãmãi fenãmãshta tãpiaino.

1 Pedro 4:4

Akka mã anã ato fe rafeyamaxõ mã anã ato feta afaa chakafayamaito õikakĩ. Nãskaxõ mato yoikĩ iskafatirofo: “Õikapo. Na yorafãfe anã nofeta afaa akanima,” ikaxõ mato chakafakĩ mekafatirofo.