Hch. 16:5 - Yaminahua5 Ato yoiaifãfe nikakani a Jesús Ifofamisfãfe Jesús chanĩmara fakĩ finasharakõinifo. Askatari a Jesús Ifofaifo ichapakõi kainifo pena tii. အခန်းကိုကြည့်ပါ။ |
“Aicho, Nios fãsi sharaki,” ikanax inimai finakõinifo. Askaifãfe õikani a Jerusalén ano ikafãfe ato yoinifo iskafakakĩ: “Na Jesús Ifofaafo isharakõiafo,” ixõ ato yoinifo. Nãskakẽ pena tii a yora fetsafãferi Jesús Ifofaifono Niospa ato chaka soaxoni. Nãskax nã Jesús rama Ifofaifo fe ano fistiax ichanãnifo, ato fe rafekanax.
Epa Niospa mato kexesharanõ. Ẽ Jesucristoõnoa mato yoimis keskara ãfe shinãmã mato shinãmatiro mã Ifofasharanõ. A iyopaonifãfekai tsõa Jesucristoõnoa tãpiyopaonifoma. Akka iskaratĩa keyokõichi mã tãpiafo. Epa Niospa nã nipanakato noko nĩchini Jesucristoõnoa nõ ato yoinõ. A ixiainoa Epa Niospa ato yoini nãnorikõi kirika kenenifo. Nã maitio ikafãfe Jesús chanĩmara fayanã nikasharatirofo.
Akka fetsafãfe mato anorima yoipaikani, a tsõa nikamisma keskara. Nãskakẽ ato nikayamakãfe mato iskafakĩ yoipai ani kiki: “Nõko xinifãfe noko yoinifo keskara nõ nami fetsa piaino nõko shinã mẽra noko shinãmasharatiro,” ixõ mato yoipai ani kiki. Akka a nõ piaitokai nõko shinã mẽra noko shinãmasharatiroma. Askatamaroko Niospa noko noixõ noko imasharatiro a keskara shara nõ inõ.