Hch. 13:8 - Yaminahua

⁸ Akka nã yõfemã ãfe ane fetsa griego mekapa Elimas fapaonifo. Nãato ãfe xanĩfo yoini: “Ato nikayamafe mia pãrakani kiki,” fani, ea nikanõra ixõ.

Hch. 13:8 ပူးပေါင်းရင်းမြစ်များ

Juan 1:41

Jesús ika ano nokokata Andrés ãfe ochi Simón fenaikai kani. Akiki nokoxõ yoini: “A Niospa nokoki nĩchia Mesías mã nõ fichia. Nã Cristora nõ famis. Õiyotãfe,” fani.

Hch. 13:12

Nãskaito õikĩ xanĩfãfe nõko Ifo chanĩmara fani. “Aira, Jesús afama mĩshti fatiro,” ixõ yoinifo.

Hch. 18:12

Akka Acaya mai anoax Galión xanĩfo finakõia ini. Nãnoax judeofo ichanãnifo Pablo achixikãki. Mã achikaxõ ãto xanĩfo finakõia ano iyonifo.

Hch. 19:38

Akka na Demetrio afeta yonomisfo feta, a ato chakafapai xanĩfofo ano ato iyotiro, anoxõ ato yõkanõ afaa chakafafomakĩ.

Hch. 6:7

A Jesúsxõ yoimisfãfe Niospa meka ato yoiaifono atoõxõ yorafãfe chanĩmara fanifo, Jerusalén anoxõ. Askatari judeofãfe a ato Nios kĩfixomisfãferi akairi Jesús Ifofanifo. “Jesús Niospa Fakekõira,” ixõ chanĩmara fanifo.

Hch. 8:9

Akka nã Samãria mai anoa feronãfake ãfe ane Simón ini. Taeyoi yõfe iyopaoni, nãato Samãria anoafo ato pãrapaoni: “Ẽ feronãfake sharafinakõiara,” ixõ.

Hch. 9:36

Nãskaifono nã pexe rasi Jope ano kẽro Nios Ifofaa ika ini, ãfe ane Tabita. Griego mekapa Dorcas famisfo. Nã kẽromã isharakõixõ ato axosharakõipaoni ato afara inãsharakõikĩ.

2 Timoteo 3:8

¿Mã mĩ shinãimẽ anori aakõi Egipto anoa xanĩfãfe Faraón israelifo ato yonomapaoni, mesemaxõ? Askaito õikĩ Niospa Moisés nĩchini afe yorafo israelifo mai fetsa ari ato iyotanõ. Ato askafaito Faraón ato nĩchikaspani. Askaino a feronãfake rafe ano mokaya inifo; fẽtsa ane Janes ikaino fẽtsa aneri Jambres ini, nã rafe Faraón fe rafeafo ini. A rafe Moiséski õitifishkinifo. Nãskaxõ ãto xanĩfo Faraón ãa pãranifo ato Moisés nikanõma. Askafaifãfe õikĩ chipo ãto xanĩfãfe tãpini Moisés a feronãfake mokaya rafe finõkõia ini. Mokayafiakaxõ afaa tãpiama inifo. Nã rafeta Faraón yoinifo Moisés nikanõma. Nãskafakĩri fetsafãfe Niospa meka mẽstekõi ato nikamakaspakani. Nãskakaxõ Niospa meka mẽstekõi tsõa yoima ãto shinãmã anorima shinãkani. Oa Janes feta Jambres ãto xanĩfo anorima yoiaifono ãto xanĩfãfe ato tãpini keskafakĩ. Nãskafakĩri na iskaratĩa na anorima yoimisfo ãa chanĩaifãfe nõ ato tãpixii afãfe afaa tãpiafoma.