Gálatas 5:1 - Yaminahua

¹ Akka Cristo nokoõnoax nani a Moisés yoini keskara nõ anã nikanõma, nãskax anã ãto yonomati nõ inõma. Cristo fistiõnoax nõ isharatiro, nãskakẽ Cristo kachikiri fayamakãfe. Mã ipaoni keskara anã iyamakãfe, nõko xinifãfe yoinifo keskara afianã nikayamakãfe ãto yonomatifo ixikakĩma.

Gálatas 5:1 ပူးပေါင်းရင်းမြစ်များ

Mateo 23:4

Ãto patoronõ ato yoitiro iskafakĩ: ‘Na efekõi pefexõ fõtakãfe,’ ato fafiaxõ ẽri foyoikanõ ato fatiroma. Nãskarifiakĩ a Moisés keneni ato tãpimamisfo feta fariseofãfe mato afara fekaxkõi yoimisfo afeskax Epa Nios fe mã itiromãkĩ Epa Nios matoki inimanõ ikaxõ. Nãskafikaxõ mato afara axosharamisfoma.

Lucas 5:38

Nãskarifakĩ tsõa mãmã fata koiro pisha xini mẽra nanetiroma nã mãmãnõ farax akaino toxamãiyanõ. Nãskakẽ nã mãmã fata fe koiro pisha chakanatirofo. Akka nã mãto xinifãfe mato yoimisfo keskara fe nã ẽ mato yoiai keskara osinãtiroma. Nã ẽ mato yoiai keskara Niospa meka sharakõi. Akka a mãto xinifãfe mato yoimisfo anori shinãx mã isharatiroma. Niospa mekaya meka chaka osinãtiroma. Nãskakẽ mã nikapaifikĩ mã shinãsharatiroma.

Hch. 15:10

Akka mãto xinifãfe a Moisés yoini keskara nikakõipaonifoma. Nãskarifiakĩ mãri mã nikakõimisma. Akka a Moisés yoini keskara nikakõiyamafikatsaxakĩ, ¿afeskakĩ a judeofoma Jesús Ifofafiafono a Moisés yoini keskara nikakõikãfe mã ato famismẽ? Nãskakẽ afãferi nikakõitirofoma. Akka Jesús fistichi noko nimafitirono, ¿afeskakĩ mã chanĩmara faimamẽ?

Romanos 6:14

Akka anã afara chakapa mato afeska fatiroma. Afara chaka anã mãto Ifo itiroma mã mã Cristo chanĩmara faano. Epa Niospa mato noikĩ ares fisti mato ifitiro mã afe ĩpaxanõ. Akka nã Moisés kirika keneniõnoaxkai mã Nios fe ipaxatiroma.

Romanos 6:18

Nãskakẽkai afara chaka anã mãto ifo itiroma anã mato yonomatiroma. Akka iskaratĩa afara shara fisti mãto ifo itiro. Mãfi ãfe inakõifoki.

Romanos 7:3

Akka fene niyoanokai kẽromã fene eneta fetsa fe fianãtiroma. Askarafi chakakĩ. Chota feroma itiro. Akka fene naano kẽro feronãfake fetsa fe fianã askara shara, ixõ Moisés keneni.

Romanos 7:6

Cristo noko nãxoni nõko chaka noko soaxoxiki nõ fena shara keskara inõ. Nãskakẽ nõ Cristo Ifofaax mã nõ afe naa keskarakõi. Nõ afe naa keskarax nõ yora fena shara iki. Afara chaka anã nõko ifoma. Askatamaroko ãfe Yõshi Sharaõxõ Niospa noko amapaiyai keskara noko amatiro. A fisti nõ Ifofai, a Moisés keneni keskara ifofayopaonixaki anã nõ ifofatiroma.

Romanos 8:15

Ãfe Yõshi Sharapa noko shinãmasharapai nõ anã mesenõma. Mã nõfi Niospa Yõshi Shara fĩaki. Nã ãfe Yõshi Sharaõxõ ãfe fakefo noko ima. Aõxõ nõ yoitiro iskafakĩ: “Epa Nios, mĩ ẽfe Epa,” ixõ nõ yoitiro.

Romanos 8:2

Jesucristoõxõ Niospa ãfe Yõshi Sharapa noko nimasharai anã chaka nõko ifo inõma, nõ omiskõipakexanõma.

1 Corintios 15:58

Akka efe yora mĩshtichi, afara fetsa shinãyamakãfe. Niospa noko imapaiyai keskara nã fisti shinãsharakãfe. Jesús Ifofasharakãfe. Nõko Ifo Jesús yonoxosharafafãikãfe. Mã mã tãpia nõko Ifoõxõ nõ yonoai kaxpa nõ yonomisma, nõko Ifomãi noko amakẽ. Nãskakẽ nõ aõxõ ato axosharatiro nõ kaxpa ato axõima.

1 Corintios 16:13

Jesús shinãfafãikãfe chakafakakĩma. Jesús Ifofasharakãfe. Jesús chanĩmara faax afara afeskarafiaito rateyamakãfe. Kachikirifayamakãfe.

1 Corintios 7:22

Akka nõko Ifo Jesús mato ifini. Mato ifiyoamano ranãri mã ãto yonomati iyopaoni. Iskaratĩari mã ãto yonomati mã ato yonoxomis. Mã askafixõ mã Jesús Ifofaano, Jesús mãto chaka mato soaxonano, ãfe yonomatikõifo mã iki. Nãskaxõ tsõa mato iskafatiroma: “Mãkai Jesús afe yorafoma,” tsõa mato fatiroma. Akka ranãritokai mã tsõa yonoxomisma. Askafiax mãri Jesús Ifofaax mãri ãfe yonomatikõifo.

2 Co. 11:20

Mato yoimisfo ãto yonomati keskarakõi mato fakaxõ, askatari mato kaxpa yonomamisfo. Nãskatari mato pãramisfo, askatari mato chakafamisfo, askatari mato ĩchamisfo. Mato askafaifono mã tenekõimis.

2 Co. 3:17

Niospa Yõshi Shara nõ Ifofaax nofe ikaino afaa fetsa nõko ifo itiroma, noko ĩkixikĩ.

Gálatas 2:4

Nãnoa fetsafo nõ Nios Ifofara ikanax one ikikanax nofe ichanãnifo, Nios Ifofayamafiakanax. Nãfãfe yoinifo iskafaki: “Titopari foshki repa xatetiro,” ixõ yoinifo. Nãfãfe noko õipaikani ikiafo ini, chanĩmamãkĩ tãpipaikakĩ afeskax Cristo Jesús Ifofaax nõ ikamãki. Noko anã yonomapaikani nõ Jesucristo Ifofanõma a Moisés yoini keskara fisti nikanõfora ixõ noko anã yonomapaikani.

Gálatas 3:25

Nõ askafipaonixakĩ mã Cristokõi nokoano a Moisés yoini keskara afianã nõko ifo itiroma anãkai aato noko ĩkitiroma.

Gálatas 4:26

Akka nãno kẽro fetsa Abraham ãfe ãfikõi. Ãfe ane Sara, nã nõko efakõi keskara. Nõ Sara shinãino Jerusalén fetsa nai mẽranoa noko shinãmatiro Epa Nios ika aria. Nãskakẽ chipo nõ ari ixii. Nõri Sara keskara nõ ãto yonomatima, ãfe fakefori ãto yonomatifoma. A Moisés yoini keskarakai nõko ifo itiroma.

Gálatas 4:31

Nãskakẽ ẽ mato yoi efe yora mĩshtichi, nõkai a ãto yonomatinĩ fake keskarafoma. Askatamaroko nõfi Abraham ãfe ãfikõichi fake keskarafo. Nãskaxõ nõ Nios Ifofaax nõ tsõa yonomati itiroma, nõ Niospa fakekõifo itiro.

Gálatas 4:9

Mã mã askapaonixakĩ, akka iskaratĩa mã mã Nios tãpikõia. Epa Niospari mato tãpikõia. Mã mã Nios tãpikõifiax, ¿afeskakĩ a mã apaoni keskafakĩ afianã mã ato yonoxopaimẽ? Afãfekai Epa Nios xanĩfo ika ari mato iyotirofoma.

Gálatas 5:13

Efe yora mĩshtichi, Jesucristoõxõ iskaratĩa ãfe meka fisti nikakõikãfe. Afaa fetsa mato yonomayamafiaino chakafayamakãfe. Jesucristo mato imasharakĩ iskaratĩa nã nõ apaiyai keskara nõ atiro iyamakãfe. Akka fetsafo fe axõ faatanãkãfe noinãkõiyanã.

Efesios 6:14

Ẽ mato yoiai keskai sorarofo itipinĩ sharatirofo keskai. Mãri itipinĩ sharakãfe niafaka yõshi chakafo matoki nokoxõ mato afara chakafamapaiyaifo keskara axikakĩma. Epa Niospa mato amapaiyai keskara fisti akãfe isharaxikakĩ. Sorarofãfe ĩkisi ãto sĩtora kerexkõi itipinĩ fatirofo ayaxõ ãto rapati safexikakĩ. Nãskarifiai mã isharakõiaino niafaka yõshi chakata mato afeska fatiroma. Askatari sorarofo ãto safeti kerexkõichinĩ xorakometirofo, nã ato noikaspaifãfe ãto õitiki ato pĩanõfoma. Mãri Niosnoax isharakõikãfe, nikafaka yõshi chakafãfe mãto õiti mẽraxõ mato afaa chakafamanõfoma.

Filipenses 1:27

Akka shinãsharata isharakãfe. Nãskaxõ na meka shara Jesucristoõnoa chanĩmakõi yoixikakĩ. Mã askaito ẽ mato õikanõ, askayamai chai ixõ ẽ matoõnoa nikakĩ ẽ tãpitiro mã Jesús Ifofasharaino nãskara fisti shinãkaxõ. Nãskaxõ keyokõi Niospa Yõshi Sharaõxõ fetsafo mã ato Jesús chanĩmara famaxikãki.

1 Tesalonicenses 3:8

Akka mã mã Jesús Ifofashara, mã anã afaa fetsa shinãima. Mã nõ tãpiax nõ inimasharakõi nõ isharakõitiro. Nãskakẽ afara afeskaraino nõ tenetiro.

2 Tesalonicenses 2:15

Nãskakẽ efe yora mĩshtichi, nã nõ mato yoimis anorikõi nikafafãikãfe. Akka anoriyamakẽ afo nikayamakãfe. Nã nõ mato yoipaoni keskara nã fisti chanĩmara fayanã, a nõ mato kirika kenexoki nõ mato yoini keskarari shinãfafãikãfe.

Hebreos 10:23

Akka nõ yoikĩ iskafamis: “Jesús nõko Ifokẽ Epa Niospa a noko yoiyoni keskara noko axoxii,” ixõ nõ yoimis. Nãskakẽ afaa fetsa shinãyamakãfe. Nã nõ shinãi fisti shinãfafãikãfe.

Hebreos 3:14

Akka nõ taefakĩ Jesús chanĩmara fakõini keskafakĩ eneyamax nõ afe ipaxatiro.

Hebreos 3:6

Akka Jesúskai Epa Niospa ãfe yonomatima. Ãfe Fakekõi. Nãskakẽ afe yorafãfe ãto Ifokõi. Akka tsoamãki afe yorafo ẽ mato yoinõ. Nõ Jesús Ifofaxõ a noko yoiyoni keskafakĩ nõ manasharai nã anã oaitĩa, nõ kachikiri fayamax nõ afe yorakõi nõ iki.

Hebreos 4:14

Akka Jesúsfi Niospa Fakekĩ. Askatari noko Nios kĩfixomis. Nãatofi a Nios ato kĩfixomisfo finõkõiaki. Nãskax nai mẽra Nios ano kani. Nãskakẽ nõ kachikiri fatiroma nikakõisharayanã.

1 Pedro 2:16

Jesús fisti mãto Ifokõi, akka afaa fetsa shinãtama isharakõikãfe. Niospa mato amapaiyai keskara fisti shinãkãfe. Mã askax afaa fetsa mãto ifo itiroma. Afaa chakafatama Nios yonosharaxõfafãikãfe.

2 Pe. 2:19

Afãfe iskafakĩ yoimisfo: “Mã afara shara faõnoaxkai Nios fe mã ĩpaxatiroma. Akka nã mã afarafo apaiyai keskafakãfe. Nã mã apaiyai keskafaino tsõa mato xatematiroma inimayanã akãfe,” ixõ ato yoikakĩ anorima ato yoikani. Afori isharamisfoma, ãa pãramemisfo. Afara chakafo ãto ifo, nãfo Satanás inafo. Nãskakẽ shinãsharakanima. Chaka fisti shinãmisfo.

Judas 1:3

Efe yora mĩshtichi, nõko Ifãfe noko nãxoni keskara ẽ yoi, a noko imapaiyai keskai nõ chipo afe ixiai keskaraõnoa ẽ mato kenexopaifikĩ mẽ nika mã meka fetsa yopaito. Nãskakẽ iskaratĩa ẽ mato kirika kenexoni mã Jesucristo nikakõiyanã mã shinãfafãinõ. Nãnori Epa Niospa ãfe Fakeõxõ noko tãpimani. Nã ãfe Fakeõnoa noko tãpimani keskafakĩ nã fisti nõ yopai Ifo sharafaxiki. Akka meka fetsa mato fanĩrira yoipaiyaifãfe ato nikatamaroko nã mato yoini keskara nã fisti nikakõikãfe.

Apocalipsis 2:25

Nãskakẽ ẽ anã fistiri mato yoi. Na eõnoa mã tãpimis anori shinãmakiyamakãfe. Ẽ mato ifiyoai mã eõnoa tãpimis anori shinãmakipaiyamakãfe.

Apocalipsis 3:3

Nã mã ẽfe meka mãto õiti mẽra mã shinãyopaoni keskafakĩ anã shinãkãfe. A mã chakafamis keskara shinãkakima; ea Ifo shara fakãfe. Akka mã ea shinãyamaito ẽ matoki samama nokorisatiro mato omiskõimaxiki. Oa yometso tsõa tãpiamano ãto pexe mẽra ikirisatiro keskai, ẽ matoki nokorisataxii mato omiskõimaxiki.