Gálatas 3:1 - Yaminahua

¹ Efe yora mĩshtichi Galacia anoafãfe, mãfi oa yõra shinãsharaima keskarafoki. Akka, ¿tsõa mato paraimẽ oa mato parakani afianã mã shinãsharanõma? Akka nõ xafakĩakõi mato yoimis Jesucristo ifi cruz ikaki mastafono matoõnoax nani. Nõ mato yoisharafimisno meka fetsa nikakĩ mã anorima shinãmis.

Gálatas 3:1 ပူးပေါင်းရင်းမြစ်များ

Mateo 24:24

Akka nã chanĩmisfo fekani, ẽ Cristora ixikani, nãfo nõ Niosxõ nõ mato yoira ikani. Nãskakaxõ tsõa atiroma keskara fakani Satanás yõshixõ mato parapaikakĩ. Nã Niospa ato katoafori nãfo ato parapaikani.

Mateo 7:26

Akka nã ẽ yoiaito ea nikafikĩ a ẽ yoiai keskara nikaima, askara yora nã yora tatimato pexe fakĩ mashi ano pexe fatiro keskarakõi.

Lucas 24:25

Nãskafaifono Jesús ato yoini iskafakĩ: “Kee, mãkai afaa tãpiama, mã tatimakõi. Akka a Niospa meka yoimisfãfe yoinifo keskarakai mã chanĩmara faima.

Hch. 16:6

Akka Niospa Yõshi Sharapa, Asia mai ari ato nĩchikaspani, arixõ Jesúsnoa meka shara ato yoipaifiaifono. Nãskakẽ Frigia yafi Galacia finõfainifo.

Hch. 6:7

A Jesúsxõ yoimisfãfe Niospa meka ato yoiaifono atoõxõ yorafãfe chanĩmara fanifo, Jerusalén anoxõ. Askatari judeofãfe a ato Nios kĩfixomisfãferi akairi Jesús Ifofanifo. “Jesús Niospa Fakekõira,” ixõ chanĩmara fanifo.

Romanos 10:16

Ẽ mato yoinõ Niospa mã yorafo nĩchini Cristoõnoa meka shara ato yoitanõfo. Niospa meka yoisharafiaifono judeofo atirifãfe ato nikapaikanima. Nãnori Isaías kirika keneni iskafakĩ: “Ẽfe Ifãfe, nõ ato yoiaito tsõa chanĩmara faima,” ixõ yoini.

Romanos 2:8

Akka yora fetsafãfe nã apaiyai keskara shinãkani. Niospa meka nikakaspakani. Chaka fisti shinãkani. Askarafoki Nios atoki õitifishkixõ ato omiskõimani.

Romanos 6:17

Mã afara chaka ifofaax ãfe yonomati mã ipaoni. Akka iskaratĩa mã mã Epa Nios Ifofaa. Mato yoimis keskara mãto shinã mẽraxõ mã nikakõimis. ¡Aicho! Mã mã Epa Nios Ifofaano mato nimasharamis.

1 Corintios 11:26

Nãskakẽ nã mã ichanãitĩa pãa piyanã ayayanã Jesús shinãfafãikãfe: “Nõko Ifãfe noko nãxoni,” shinãyanã. “Nã pãa Jesús ãfe yora,” ixõ shinãfafãikãfe pãa piyanã. Jesús anã oaitĩa nã chanĩmara faifo askapakexanõfo. Ẽ anã oaitĩa nãskaras akãfe.

1 Corintios 2:2

Ẽ matoki oyoxoma ẽ shinãkĩ iskafani: “Jesucristo ifi cruz ikakinoax noko nãxoni, nã fisti ẽ ato yoixikai. Afaa fetsa ẽ ato yoitiromaki,” ixõ ẽ shinãyamea.

2 Co. 10:5

Epa Niospa noko yoiaino nõ fetsafo tãpimatiro ãa chanĩaifo, “Nõ Niospa meka tãpisharakõiakĩ,” ikanaifo, kakapaiyaifo. Akka nõ Niospa sharaõxõ fetsafo nõ ato tãpimatiro nã chanĩmisfo Niospa meka tãpisharafoma. Shara shinãfoma. Epa Nios Ifofaima. Niosxõ nõ ato yoimis Nios Ifofanõfo.

2 Co. 11:3

Nãskakẽ ẽ shinãchakakõi Satanás Eva ani keskafakĩ fetsafãfe matori pãrayamanõfo, mato pãraifono mã anã Cristo noinõma.

Gálatas 1:2

Mã Galacia anoxõ Nios Ifofakẽ, na nono efe ikafãfe, akairi Nios Ifofakaxõ efeta mato kirika kenexõ fomakani.

Gálatas 1:6

Ooa. Epa Nios potakanimara ixõ ẽ shinãmis, koshikõi kachikiri fayanã mã potafiaino, Cristo mato noiaino Epa Niospa mato katofinino. Epa Nios fe ipaikakĩ ãfe meka shara nikafiyanã, meka fetsa fetsatapafo nikakakĩ kachikiri famisfo.

Gálatas 2:14

Akka nõko xinifãfe Niospa meka sharaõnoa noko yoinifo nõ afe ipaxanõ anori Pedro nikayamaito õikĩ yorafãfe ferotaifi ẽ Pedro yoikĩ iskafani: “Mĩ judeo. Akka a judeofoma fe mĩ imis, nãskax judeoma keskara mĩ imis. Akka, ¿afeskakĩ a nõko xinifãfe yoipaonifo keskara a judeofoma mĩ ato yoipaimẽ, judeofo keskara ixõ?” ẽ Pedro fani.

Gálatas 3:3

Niospa Yõshi Sharaõxõ Jesús mato amapaiyai keskara mã ayopaoni. Akka iskaratĩa mã shinãkĩ iskafai: “A Moisés noko yoini keskara nikax nõ isharatiro,” ixõ mã shinãmis. Ooa. ¿Afeskakĩ oa yorafãfe shinãsharaifoma keskara mã shinãimẽ?

Gálatas 4:9

Mã mã askapaonixakĩ, akka iskaratĩa mã mã Nios tãpikõia. Epa Niospari mato tãpikõia. Mã mã Nios tãpikõifiax, ¿afeskakĩ a mã apaoni keskafakĩ afianã mã ato yonoxopaimẽ? Afãfekai Epa Nios xanĩfo ika ari mato iyotirofoma.

Gálatas 5:11

Efe yora mĩshtichi, akka eõnoa yoikĩ mã iskafamis: “Na Pablo yoimis nõ foshki repa xateamax nõ Nios ari katiroma ixõ yoimis,” mã ea famis. Maa, ẽkai anori yoimisma, ẽ anori yoiaito ea omiskõimakeranafo. Akka ẽ yoimis: “Jesucristo ifi cruz ikaki mastaifono noko nãxoni, nõko chaka noko soaxoxii Epa Nios fe nõ ipaxanõ,” ixõ ẽ yoimis. Nãnori ẽ yoiaito nikakĩ nã Jesúsnoa nikakaspamisfãfe ea omiskõimamisfo.

Efesios 3:8

Ẽ fãsikõi Jesús chakafakĩ finakõipaoni, na fetsafãfe chakafakĩ finayamafiaifono. Ẽ askafafiaito, ares fisti Niospa ea noikĩ ea nĩchini aõxõ na yora fetsafo judeofoma ẽ ãfe meka shara ato yoikĩ tãpimanõ Niospa ato noisharakõiaito. Ato noikĩ ato shinãmakõipai. Nios fisti tsoa keskaramakõi. Ãfe Fake Jesúsnoa keyokõi nõ tãpitiroma.

Efesios 4:14

Nãskax anã oa fakefo keskara nõ itiroma mã nõmẽra Niospa meka yosiano. Oa nefe onori kai, anã onori kai imis keskai, fakefo askatirofo afaa shinãsharaima. Askaxõ a Niospa meka tãpisharafãfema ato yoiaifãfe nikafofãsa fatirofo. Askaxõ tãpisharaxikakĩma Niospa mekakõi. Askatari a yora ãa chanĩki fanĩrira ato yoimis nõ nikatiroma.

Efesios 5:15

Nãskax isharakõikãfe. Oa Niospa meka tãpiama keskara iyamakãfe. A Niospa mekaõnoa yoikĩ kenenifo anori isharakõikãfe.

2 Tesalonicenses 1:8

Akka nõko Ifo oxii a Nios Ifofamisfoma ato omiskõimaniyoi, askatari ãfe meka sharaõnoari nikamisfomano ato omiskõimaxii.

Hebreos 11:8

Nõko xini Abrahamri Nios chanĩmara fakõipaoni. Nãskakẽ Niospa Abraham yoikĩ iskafani: “Nã ẽ mia nĩchipaiyai ari mĩ katiro. Ẽ mia mai inãnõ mĩnã inõ,” ixõ Epa Niospa yoini. Akka Abraham tãpia inima fakiri kaimãkai. Askafiax nã Niospa yoia keskakõini.

Hebreos 5:9

Nokoõnoax omiskõifikĩ Apa Niospa yoiai keskara nikakõini. Nãskaxõ a nikaifo ato ifipakexakĩ. Nãskax noko ifimis sharakõi imis.

1 Pedro 1:22

Akka mã mã Jesucristoõnoa meka shara nikakõixõ anã afaa chaka shinãyamakĩ. Mã mã isharakõixõ mã fetsafo noikõi. Nãskakẽ mãa ranã nõinã faatanãsharakõikãfe mãto shinã sharafoyaxõ shinãsharakõita.

1 Pedro 4:17

Akka Epa Niospa yorafo keyokõi tãpimaniyoi afe keskara ikafomãkĩ. Taefakĩ noko õikĩ taefaiyoi nõmãi afe yorafokẽ. Akka chipo nã Jesús chanĩmara faafomafori ato yoixii afe keskara ikafomãkĩ. Akka iskaratĩa nõ omiskõiyoi, anãkai nõ omiskõinakama nõ isharakõipakenaka, Epa Nios fe nai mẽra. Akka chipo nã Niospa meka nikakaspamisfo omiskõi finakõixikani, afokai anã nĩpanakafoma.

2 Pe. 2:18

Nãfo chanĩkani kakapaimisfo. Nãskaxõ yoimisfo iskakani: “Nõ tãpia keskafakĩ tsõa tãpiama. Nã tsõa atiroma keskafakĩ nõ tãpikõia,” ixõ ãa yoikani chanĩfinamisfo. Nãskakaxõ a rama Nios Ifofapaikakĩ ãto chaka xatepaiyaifo ato yoitirofo iskafakakĩ: “Mĩ fẽtsa ãfe ãfi fe ika sharakĩ, nãskax mĩ afe inimakõitiroki, nõ anõ kafe,” ixõ fẽtsa iyotiro afara chakafamaxiki.

Apocalipsis 18:3

Nã kẽro chakapa yorafo ato mãmã pae ayamatiro keskafakĩ, nãskarifiakĩ nã Babilonia anoafãfe yora fetsafo mai fetsa anoafo ato afara chakafamafo ato keskara inõfo. Ãto xanĩfofori ato askafamafo. Askatari afara sharafos fichipaimisfo. Nãskakẽ a afama mĩshtifo ato minimisfo, afara ichapayakõifo, ixõ yoiaito ẽ nika. Niospa inapa askara ato yoia a Niospa keyoxiai a Babilonia anoafo.

Apocalipsis 2:20

Mã mã askafimisno afara fetsa ẽ mato yoinõ a ẽ fichipaiyaima mã anã fichipainõma. Akka kẽro fisti mato fe ichanãxõ, ‘Ẽ Niospa meka ẽ mato yoinõ, ea nikakãfe,’ ixõ mato yoipaikĩ, ẽfe mekakõi mato yoima. Nã kẽro Jezabel fanĩrira mato yoikĩ ãa mato pãramis. Mã Jesús Ifofafiamiskẽ mato pãramis iskafakĩ: ‘Mãto ãfimafo chotakãfe; kẽrofãferi mãto fenemafo chotamakãfe,’ mato famis. Askatari mato yoimis iskafakĩ: ‘Afara fetsa yora fakaxõ, nã nõko niosra ixõ, a mã piai ispaxõ nõko nios nõ inãira ixõ, ano fisti ichanãxõ, mã pitiro,’ ixõ na kẽro Jezabel mato yoikĩ mato pãramis.