Efesios 6:8 - Yaminahua

⁸ Mã mã tãpia yorafãfe yonosharaifãfe õikĩ, Cristo afara sharakõifo ato inãxii, a xanĩfomais inãta a xanĩfoyari inãxii.

Efesios 6:8 ပူးပေါင်းရင်းမြစ်များ

Mateo 16:27

Akka ẽfi Niospa Fakekĩ yorakõiri. Nãskakẽ sharafinakõia chaxapakefofãxii ẽfe ãjirifo fe nai mẽranoax mai ano okĩ. Mẽ oax ẽ ãto xanĩfo finakõia ẽ ixii. Nãskakẽ nã afara shara famisfo ẽ ato inãsharakõixii ẽ atoki inimakõikĩ. Akka nã afara chakafamisfo afara shara ẽ ato inãsharakõima. Ẽ ato omiskõimaxii.

Mateo 20:7

‘Tsõa noko yonomayamaino nõ iki,’ fanifo. Askafaifono ato yoini: ‘Mãri ẽfe tare ano yonotakãfe,’ ato fani.

Mateo 6:1

Anã Jesús ato yoini iskafakĩ: “Mã fetsafo sharafaino, ‘Nã feronãfake sharakõi ea fanõfora,’ ixõ anori shinãyamakãfe yorafãfe ferotaifi. Mã askaino yorafãfe, ‘Sharara,’ mato fafiaifono, akka Epa Nioskai matoki inimatiroma. Nãskaxõ mato afaa inãtiroma.

Mateo 6:4

Akka tsõa õiyamaino a afaamaisfo mã ato inãino Epa Nios matoki inimani. Nãskaxõ mato afara axosharatiro,” ixõ Jesús ato yoini.

Lucas 14:14

Nãskakẽ mĩ ato askafaax mĩ inimakõitiro. Akka afãfe mia kopifatirofoma, akka mĩ ato askafaito Niospa mia inimamasharaxii naax mĩ anã otokẽ,” ixõ Jesús yoini.

Lucas 6:35

Akka ẽ mato yoinõ, nikakapo. A mato noikaspaifãfe mãroko ato noikãfe, ato shara fakãfe. Afara ato inãxõ ea kopifafe iyamakãfe. Mã askai Epa Nios ari mã nokoaito matoki inimayanã afara sharafo mato inãxii. Nãskax mã Nios Sharapa fake mã iki. Nãfi tsoa keskaramãki sharafinakõiaki. Epa Nios sharakõi tsõa fayamafiaino ato noikõi. Nã yora chakafori ato noi.

1 Corintios 12:13

Cristo fistifiano nõfi ãfe põya keskarakĩ. Atiri nõ judeofo ikaino mani fetsafori judeofoma ikaino yorafãfe ãto yonomatifo ikaino askatari yorafãfe ãto yonomatifoma ikaino nõ askai fetsea. Nã nõ Cristo chanĩmara faafo tii nõ afe yora ika. Niospa Yõshi Sharapa noko õiti fetsafaax nõ mẽra iki.

2 Co. 5:10

Akka nã chanĩmara faafo tii Cristoki nokoxikani. Nãskatari noko yoipakexii nono mai ano niyoxõ nõ shara famismãkĩ, askayamakĩ nõ chakafamismãki. Akka nõ afara shara famiskẽ afara sharakõi noko inãxii. Akka nõ afara chakafamiskẽ afara shara noko inãpaifikĩ noko inãxima. Nãskakẽ nõ fixiima. Nãskakẽ Jesúsxõ nõ yonopai sharakõi.

Gálatas 3:28

Epa Niospa Cristoõxõ keyokõi nã maifo tii anoafo keyokõi nãskarafos noko õi. Judeofoya a judeofoma, a ato yonomatifoya a yonomatifoma, feronãfakefoya kẽrofo, nãskarafos noko õi. Jesucristo nõko Ifo ikano aõnoax yora fisti keskara nõ itiro. Akka keyokõichi nõ Ifofaax nõ afe yorafo.

Colosenses 3:11

Nõ Cristo Ifofakẽ Niospa keyokõi nãskarafos noko õi. Judeofo yafi a judeofoma, a kene tãpiafoya a kene tãpiafomari, yorafoya nafafo ãto yonomatifoya a ãto yonomatifomari Niospa nãskarafos noko õi. Keyokõi nõ afe yoraxõ nõ Jesucristo fisti yopakõi.

Colosenses 3:24

Nãskakẽ shinãmakiyamakãfe mã mã tãpiaki nõko Ifo chipo afara sharafo mato inãxii kiki. Mã nõko Ifo Jesucristo yonoxosharamiski, nãfi mãto Ifokõikĩ.

Colosenses 3:25

Akka nã afara chakafamisfo, nãfo omiskõi finakõixikani afara chakafakatsaxakakĩ. Nãskakẽ Niospa fetsa keskarafo noko õima, nãskarafos noko õi.

Hebreos 10:35

Nãskakẽ a mã Jesús chanĩmara faa keskafakĩ kachikiri fayamakãfe. Mã kachikiri fayamakẽ Epa Niospa mato sharafaxii noko yoiyoni keskafakĩ. Nãskaxõ afara shara mato inãxii.

Hebreos 11:26

Ẽ Egipto anoafo ato afara fĩapaikĩ ẽ ato fĩakerani. Ẽ fĩaxoma, ea mekafafiaifono Egipto anoafãfe, nãskanõ. Akka afarafoyafiax shara. Akka Cristo, a Niospa noko nĩchixii noko ifinõ, nã sharafinakõia. Ẽ Cristoõnoax omiskõifiano Epa Niospa a ika arixõ ẽ nokoaito afara sharakõi ea inãxii ẽ afe ĩpaxanõ,” ixõ shinãni.