Efesios 6:5 - Yaminahua

⁵ Askatari ato yonoxomisfãferi mãto xanĩfo tii ato nikasharakõikãfe, nono mai anoxõ mato yonomanaifãfe mãto xanĩfo tiito. Nãskakẽ mato yoiaifãfe ato nikasharakõikãfe, nã nõko Ifo Jesús fichipaiyai keskafakĩ mã samama ato axorisa fai. Askatari mãto xanĩfãfe mato yonomanaito mã axosharatiro. Nãskakẽ, “Ẽ Cristoõxõ yonosharai,” ixõ nõ yonosharatiro. Nãskarifakĩ ẽfe xanĩfori ẽ yonosharaxotiro.

Efesios 6:5 ပူးပေါင်းရင်းမြစ်များ

Mateo 6:22

Anã Jesús ato yoini iskafakĩ: “Anã ẽ mato meka fetsari yoinõ mã tãpikõinõ. Akka nõko fero rafeta nã rãparinĩ chai chaxai keskarakẽ, nõko yora shara itiro. Nãskarifiai nõko fero sharano nõ xafakĩa õisharatiro. Nãskatari nõ isharakõitiro.

Mateo 6:24

Anã Jesús ato yoini iskafakĩ: “Tsõa ãfe ifo rafe yonosharaxotiroma. Fetsa noikaspata, fetsa noisharatiro, nã yoiai keskarakõi axotiro, akka a fẽtsa amapaiyai keskara axotiroma noikaspatiro. Nãskarifiakĩ mã kori fisti shinãkĩ mã Nios shinãtiroma. Nãskatari Epa Nios fisti shinãkĩ mã kori noitiroma,” ixõ Jesús ato yoini.

Mateo 8:9

Akka eari ẽfe xanĩfãfe yonomamis. Ẽri sorarofo yonomatiro. ‘Katãfe,’ ẽ faino karisatiro. Askatari, ‘Ekeki ofe,’ ẽ faino ekeki orisatiro. Nãskakẽ a ea yonoxomis afara ea axõfe ẽ faino ea axotiro. Akka mĩ afama mĩshti fatiroki. Mĩ mekapa a ea yonoxomis ea sharafaxõfe,” ixõ yoini.

Hch. 2:46

Nãskata pena tii Nios kĩfiti pexefã mẽranoax ichanãkaxõ Nios kĩfinifo. Nãskaxõ ãto pexe mẽraxõ a Jesús ato nãxoyamea shinãkakĩ pãa torepakexõ pinifo inimakõiyanã.

Romanos 9:3

Nãskakẽ ẽ shinãmis iskafakĩ: “Epa Niospa, ẽfe kaifo nã israelifo ẽ ato axopai fenoyamanõfo, mefe nipaxanõfo omiskõipakenakafo mẽra fonõfoma. Nãskaxõ Cristo makinoa ea potãfe ato potakima ẽ ato omiskõixonõ afo omiskõipakexanõfoma. Nã ẽ fichipai ẽfe kaifo judeofo Cristo fe ĩpaxanõfo,” ixõ ẽ shinãmis.

1 Corintios 2:3

Askata mẽ nokoax ẽ matoki ratekõiyamea. Nãskakĩ rateyanã ẽ shinãyamea iskafakĩ: “Ẽ mitsisipama ea õikakĩ ea nikakaspatirofo,” ixõ ẽ shinãyamea.

1 Corintios 7:22

Akka nõko Ifo Jesús mato ifini. Mato ifiyoamano ranãri mã ãto yonomati iyopaoni. Iskaratĩari mã ãto yonomati mã ato yonoxomis. Mã askafixõ mã Jesús Ifofaano, Jesús mãto chaka mato soaxonano, ãfe yonomatikõifo mã iki. Nãskaxõ tsõa mato iskafatiroma: “Mãkai Jesús afe yorafoma,” tsõa mato fatiroma. Akka ranãritokai mã tsõa yonoxomisma. Askafiax mãri Jesús Ifofaax mãri ãfe yonomatikõifo.

2 Co. 1:12

Nã nõ fakira kafãsai ariax nõ isharakõimis, nõ afaa chakafamisma. Niospa fichipaiyai keskara nõ amis. Askatari mato mẽranoax nõ isharaifinakõimis. Nãskakẽ nõ shinãchakaima nõ inimasharakõi. Akka nõkai nõ mato pãramisma, chanĩma fisti nõ mato yoimis. Niospa noko noikĩ noko shinãmanaino nõ isharanõ mato mẽranoax. Askatari nã nõ fakira kafãsai ariax nõ isharakõimis.

2 Co. 7:15

Tito matoki nokoxõ õia mã rateaito mato õita noko Titopa ferateneira ikax. Nãskakẽ pishta rateyanã mã Tito nikakõita. Nãskakẽ Titopa mato shinãkĩ, mato noikĩ finakõi.

Efesios 5:22

Kẽromãri a mãto Ifo Jesús mã nikasharai keskafakĩ, mãto fenefo ato nikasharakõikãfe mato yoisharaifãfe, mãto Ifo Jesús mã nikai keskafakĩ.

Efesios 6:24

Nã nõko Ifo Jesucristo noipakenakafo Nios sharakõi mato noikõipakenaka. Askapakexapainõ. Nã tii. Ẽkĩa Pablo ẽ mato kenexoni.

Filipenses 2:12

Nãskakẽ ẽfe yora mĩshtichi, ẽ mato fe ixõ ẽ mato yoiaito mẽxotaima mã ea nikapaoni keskafakĩ, ea nikakĩ finakõikãfe iskaratĩa ẽ chai ikakĩ nono karaxa mẽra. Jesús mãto chaka mato soaxonõ isharakõita shinãsharakõikãfe afe ĩpaxakakĩ kachikiri fakakĩma. Nãskakẽ meseyanã nikakĩ finakõifafãikãfe Niospa mãto chaka mato soaxonõ.

Flm. 1:16

Anã mĩ yonomati keskarama. Iskaratĩa mã Jesús Ifofaa. Nãskax oa mefe nanea keskara mã Jesús Ifofaax. Nãskai ẽ aõ noiai keskafakĩ, mĩ aõ noifinakõitiro. Iskaratĩa anã oa mĩ yonomati keskarama. Mã isharakõia oa mĩ exto keskara, anã oa yora fetsa keskarama.

1 Pedro 3:2

Mãto fenefãfe mato yoiaifono ato nikakaspakakĩma ato nikasharakãfe. Mã Jesús keskara shara ikaito õikakĩ nõko Ifo chanĩmara fanõfo.