Efesios 4:6 - Yaminahua

⁶ Anã fato fetsa nõko Niosma. Nã fistikõi ãfe Fake fe a chanĩmara faafo tiito ãto xanĩfokõi. Nãskaxõ keyokõi onifani. Nãskakẽ a Ifofaafo ãfenãkõifo. Nãskaxõ afara sharafo noko amai nõko shinã mẽraxõ afe keskararafo noko amatiro. Ãfe Yõshi Sharaõxõ keyokõi a fichipaiyai keskara nõ anõ ãfe shinã noko inãi.

Efesios 4:6 ပူးပေါင်းရင်းမြစ်များ

Mateo 6:13

Nokoki Satanás chaka omayamafe, askakimaroko nomakinoa põtafe nõ nikayamanõ, ixõ kĩfikĩ iskafakãfe.

Mateo 6:9

Akka mã kĩfikĩ iskafatiro: Epa Niosi, mĩ fisti sharafinakõia. Mĩ nai mẽra ika. Nõ mia noikõi.

Juan 14:23

Jesús kemani: “Ea noikakĩ nã ẽ mato yoiai keskara ea nikakõitirofo. Ẽfe Epa ato noiaino ẽri ato noi. Nãskax nõ ato fe rafetiro.

Juan 17:26

Mĩ afe keskaramãki mẽ mia ato tãpimamis nã mĩ ea noiai keskari fakĩ, nãfãferi fetsafo noikõinõfo ẽ ato fe ikano. Askatari ẽ ato õimafafãini,” ixõ Jesús Apa kĩfini.

Juan 20:17

Askafaino, “Ea ramãyamafe. Ẽfe Epa ari ẽ kaamaki. Akka ea ramãkima efe yorafo ea ato yoixotãfe, mã ẽfe Epa Nios ari ẽ kaikai. Nã ẽfe Epari mãto Epaki. Nã ẽfe Niosri mãto Nioski, ato fatãfe,” fani.

Romanos 11:36

Ares ãfe shinãmã shinãxõ afama mĩshti onifani. Keyokõi ãfenã. Aõnoax nipanaka. Nãskakẽ, “Nios sharakõira,” fapanakafo. Askapainõ.

1 Corintios 12:6

Nãskakẽ Niospa nã nõ Ifofa tii noko shinãmani aõxõ nõ fetsafo afara axosharanõ. Askatari Niospa keyokõi noko tãpimani a noko axopaiyai keskara noko axõi. Nã nõko Nios fisti anã ano fetsama.

1 Corintios 8:6

Mã nõ tãpia Epa Niosfi fistiki. Fetsakai anoma. Nãato keyokõi onifani. Nokori onifani nõ ãfe fakefo inõ. Nãskatari nõko Ifo Jesucristori fisti. Anã ano fetsama. Nãskaxõ Niospa ãfe Fake feta keyokõi onifani. Aõnoax nõ nitiro.

2 Co. 6:16

Nã Cristo chanĩmara faafãfe ichanãmisfo Epa Nios kĩfinõfo. Akka nã Ifofaafoma ato fe ichanãtirofoma afara nimofo fakaxõ kĩfitirofo na nõko niosra ikaxõ. Nãskakẽ nã rafe osinãtiroma. Akka afãfekai Epa Nioskõi kĩfipaikanima. Akka Epa Nios nõ mẽra ika. Nãskakẽ nõ Niospa pexe keskara. Nõko Nios nia. Epa Niospa yoini iskafakĩ: Ẽfi ato fe ikikai, ato fe rafexikĩ. Ẽ ãto Nios ikaino afo efe yora ikani, ixõ yoini.

Efesios 1:21

Ãfe Yõshi Sharaõxõ Cristo ato mãnão nĩxõ, nã nãmãnoafo ãto xanĩfo tii finõkõia. Askatari nai mẽranoafori ãto xanĩfofo Cristo ato finõkõia keyokõi. Nãskax ãto xanĩfo finakõia. Tsoa pishta finõtiroma.

Efesios 3:17

Nã Jesús Ifofaafo mĩ Yõshi Shara atoya rafemafe. Mia tãpikĩ finakõinõfo. Askaxõ tãpinõfo mĩ fãsi ato noiaito. Mĩ Fake Cristori fãsi ato noi. Cristo noko noiai keskara tsõa tãpitiroma. Askafikẽ ato tãpimafe, Epa. Akka tãpikanax, mĩ ato fe rafekõiaito mia keskara inõfo,” ixõ ẽ matoõxõ Epa Nios kĩfifafãini.

Efesios 6:23

Nõko Epa Nios feta nõko Ifo Jesucristo mãto õiti mẽra mato shinãsharamanõ mã fekaxteyamanõ. Jesús chanĩmara faax, keyokõi mã nõinãi fetsenõ.

1 Juan 3:24

Akka a Niospa noko yoini keskafakĩ nõ nikasharakõiax Nios fe nõ rafekõitiro. Askatari Niosri nofe rafekõitiro. Epa Niospa ãfe Yõshi Shara nokoki nĩchini. Aõxõ nõ tãpitiro Epa Nios nofe ikaito.