Efesios 4:31 - Yaminahua

³¹ Mãto yora mẽraxõ mato õiti fishkimamis a chaka shinãmakikãfe. Ato noikaspai õitifishkikĩ finakõimis iyamakãfe. Afaa shinãima oa õitimais keskara ãakõi mekai keskara iyamakãfe. Fãsikõi yõachepemis ato ferateni iyamakãfe. Ato noikaspakĩ ato ĩchayamakãfe. Mã chakara ato fayamakãfe. Mãkõi chakafakĩ ato noikaspayamakãfe.

Efesios 4:31 ပူးပေါင်းရင်းမြစ်များ

Hch. 21:30

Nãskakẽ pexe rasi anoax mekai fetsenifo, nãskaifono yorafo nikaferakani ichonifo. Nãskakaxõ Pablo achikaxõ Nios kĩfiti pexefã mẽranoa kãimanifo. Nãskata Nios kĩfiti pexefã koshikõi feponifo.

Romanos 3:14

Nõ ato fekaxtefapaikĩ meka mitsisipato fisti nõ mekamis. Nõ ato ĩchari famis.

1 Corintios 14:20

Efe yora mĩshtichi, ẽ mato tãpimapaiyai keskara tãpisharakãfe. Fake yomẽ tãpisharayoxoma, shinãsharatiroma. Nãskarifakĩ fake yomẽ shinãi keskara shinãyamakãfe. Mẽstekõi shinãkãfe. Akka yora xinifãfe chaka shinãtirofo. Akka fake yomefãfekai chaka shinãtiroma. Nãskakẽ fake yome keskara ikãfe. Afara chaka tãpipaiyamakãfe.

1 Corintios 5:8

Nãskaxõ a nõ chakafapaoni anã nõ shinãpaima. Fetsafo fekaxtefayamata ato pãrayamata meka chanĩmakõi fisti nõ ato yoitiro.

2 Co. 12:20

Akka ẽ tãpiama, õitsai, ẽ ari nokoxõ õia a ẽ yoiai keskai mã isharayamakẽ ẽ mato fichikai. Askatari ẽ matoki nokoaino õitsai, mã ekeki inimaima rakikĩa nã mã shinãi keskai. Akka ẽ matoki nokoxõ õipai mã mã chaka xatexõ mã Jesús Ifofasharaino. Akka ẽ matoki nokoxõ õia mã chaka xateyamano ẽ shinãmitsatiro. Mã fochishpanã faatanãta, fẽtsa fiaiti mãrifi mã fipaita, fetsa mekafata, õitifishkita, mares fisti mã fipaita, mã chanĩta, fetsafo mekafata, nõ tsoa keskarama ita, isharayamata, mã askaito ẽ mato õipaima.

Gálatas 5:20

Nãskakaxõ afara yora fakaxõ na nõko niosra ixõ kĩfimisfo. Askatari koshoiti tãpiafo, askatari ato noikaspamisfo, askatari isharakãtama õitifishkimisfo. Nãskakaxõ atonã fisti afara apaimisfo, askatari noikaspa faatanãmisfo nores fisti nõ tãpikõia a nõ tãpia keskara tsõa tãpiama ikanax.

Efesios 4:22

A Nios tãpiamax mã iyopaoni anori anã shinãyamakãfe. Fanĩrira mato Satanás shinãmayopaoni mã chaka inõ.

Efesios 4:25

Nãskax nõ Cristo yorafo. Nãskakẽ anã fanĩrira chanĩ yoiyamakãfe. Afara õixõ yoikõikãfe chanĩmakõi.

Efesios 4:26

Mã õitifishkikĩ anã afarafo chakafayamakãfe. Askata aa chai õitifishkiyamakãfe. Õitifishkipai samama raekãfe xini ikiyamano.

Colosenses 3:19

Feronãfakefãfe, mãto ãfifo noikõikãfe ato fe feratenãyamakãfe.

Colosenses 3:8

Mã mã askapaoniki. Akka iskaratĩa a chakafo shinãmakikãfe. Anã õitifishkiyamakãfe, anã chaka shinãyamakãfe, ato chakafayamakãfe, ato ĩchayamakãfe, askatari mãto axfapa meka chaka yoiyamakãfe.

1 Ti. 3:11

Mã askafono ãto ãfifori ato keskara sharafori itirofo. Nãskaxõ anã ato mekafakĩ chakafatirofoma. Askatari pãemismafori itirofo. Askatari ãa kakapaimisfo itirofoma. Askara yorafãfe shinãsharamiskõifo itirofo.

1 Ti. 3:3

Askatari pãemisma ikãi, setemitsamisma ikãi, yorafo noimiskõi ikãi, ato chakafamisma ikãi, kori noimisma ikãi, askara feronãfake shara katofe.

1 Ti. 5:13

Askara kẽro fenemaisax xani itiro, pexe tii õifofãsafakĩ, askai kafãsakĩ, ato pãrafofãsafatiro ãa chanĩkĩ. Nãskakẽ ato fekaxtefatiro.

2 Timoteo 2:23

Anã ẽ mia yoinõ, ea nikasharafe. A feratenãifo ato nikayamafe. Ato fe feratenãpaiyamafe. Askara yorafo samama õitifishkitirofoki.

2 Timoteo 3:3

afe yorakõi noiyamafãi, fetsafo noiyamata axokaspafãi, fetsafo ãa pãramis ikãi, ãa apaiyai keskafakĩ enemisma ikãi, mitsisipakõi ikãi, afara mĩshti sharafo noiyamafãi,

Tit. 1:7

Nã Nios Ifofaafo kexemis sharakõi itiro, afaa chaka shinãmisma nãmãi xanĩfoax. Nã keskara yora mĩ katotiro nã Nios Ifofaafo kexemis inõ. Nã Niospa shinãmanai keskara inõ aõnoa afaa chaka yoiyamanõfo. Askatari kakapaimis itiroma. Askatari samama õitifishki imiskai itiroma. Askatari pãemis itiroma. Askatari setemitsamis itiroma. Askatari yora fetsa pãraxõ kori fĩamis itiroma.

Tit. 2:3

Askatari a yõxafo tiiri ato yoisharafe iskafakĩ: “Isharakãfe a Niospa fichipaiyai keskai. Askatari mã ranã paranõnãyamakãfe. Parakĩ ato chakafayamakãfe. Yõxafofiax pãeyamakãfe. Askatamaroko afara sharakõifo fetsafo ato tãpimakãfe,” ixõ ato yoife. Askafafe ato yoikĩ, a ranã askanõfo.

Stg. 1:19

Efe yora mĩshtichi, nikasharakãfe ẽ mato yoisharanõ. Fẽtsa mato yoipaiyaito, nikakaspatama nikayokãfe. Mãri chipo fenãmãshta yoisharaxikakĩ. Akka samamashta õitifishkiyamakãfe. Nãskakẽ nõ õitifishkiki nõ mekatiroma.

Stg. 3:14

Akka mã isharaxoma, mã fetsafãfe fiai keskara mã fipaimis, askatari mã finakõia ipaimis, ato finõpaiyanã mã askaino mãto õiti fekaxtetiro. Nãskax mã isharatiroma. Nã afara chaka fisti mã shinãtaifa, askarafo shinãi, inimayamakãfe. Anori shinãi iskayamakãfe: “Ẽ Niospa meka tãpishara, ẽ ãfe õiti keskarakõi,” iyamakãfe. Anori shinãkĩ mã yoisharaima.

Stg. 4:11

Niospa meka noko yoikĩ iskafakĩ Moisés kirikaki keneni, Niospa shinãmanaino, “Nõinã faatanãkãfe,” ixõ noko yoini. Nãskakẽ fetsafo pãrayamakãfe, ato chakafakĩ mekafayamakãfe. Mã ato chakafakĩ Niospa noko yoini keskara mã akima ato noikĩma. Akka, “Niospa meka chakara,” nõ fatiroma nikakaspakĩ. Askatamaroko nõ nikakõisharatiro.

1 Pedro 2:1

Nãskakẽ nã mã afara chakafamisfo xatekãfe. A mã ato pãramisfo, askatari a mã ato feparamisfo: “Noko sharara fanõfora,” ixõ nãfori xatekãfe. Nãskatari a fẽtsa fiai tii fipai fekaxtemis iyamakãfe. Askatari fetsafo ato chakafapai chanĩmis iyamakãfe.

1 Juan 3:12

Akka nã Caín onefetsa noikaspakĩ reteni keskara iyamakãfe. Askara Satanás chaka fe rafea. Nãskaxõ onefetsa reteni noikaspakĩ, ẽ mato yoinõ nikakapo. A Niospa yoia keskafakĩ onefẽtsa Nios shinãni. Akka Caín askanima. Ãfe onefetsaki õitifishkikĩ reteni. A onefẽtsa Nios Ifofaito õikĩ noikaspakĩ reteni, Niosri noikaspayanã.

1 Juan 3:15

Akka a yorafo noikaspaifo afofi retemitsamis keskarafoki. Afo chakakõifo. Askarafo mã mã tãpia Niospa fakefoma. Askarafo Nios fe rafeafoma. Nios fe nĩpanakafoma, yorafo noikaspakanax.

Apocalipsis 12:10

Askaito ẽ anã nika meka efapato mekai iskaito: “¡Aicho! Epa Niospa mã Satanás nirixõ nãmã potaki, mẽxotaima ãakõi noko fanĩrira pãrarifaito. Nãskakẽ Epa Niospa Satanás finõinĩfofana. Nãskakẽ Satanás anã nõko ifo ikima, anã fanĩrira noko shinãmanima, Epa Nios fisti nõko Ifokõi iki. Askatari ãfe Fake Jesucristori nõko Ifokõiri iki. Nã rafe nõko Ifokõi.