Efesios 4:25 - Yaminahua

²⁵ Nãskax nõ Cristo yorafo. Nãskakẽ anã fanĩrira chanĩ yoiyamakãfe. Afara õixõ yoikõikãfe chanĩmakõi.

Efesios 4:25 ပူးပေါင်းရင်းမြစ်များ

Colosenses 3:9

Nãskakẽ mã ranã pãranõnãyamakãfe, mã taeyoi ipaoni keskara a chakafo mã mã potakõiakĩ.

Romanos 12:5

Nãskarifiai nõko Ifo Cristo fistikõi. Akka nõfi ãfe põya keskarata, ãfe fero keskarata, ãfe tae keskarata nõ iki fetsea yora fisti fiax.

Efesios 4:15

Fanĩrira ato yoitama nõ nõinãsharakõixõ Niospa meka mẽstesharakõi nõ ato tãpimasharakõitiro. Nõ askai nõko Ifo Jesucristo ãfe õiti keskara sharakõi nõ itiro.

Apocalipsis 21:8

Akka fetsa ratei eõnoax omiskõikaspakĩ ea kachikiri faa, askatari fẽtsa ẽfe meka nikakaspamis, fẽtsari afara chakafo fetsa fetsatapafo xatekaspai, askatari fetsari retemitsamis, fetsari ãto ãfima chotamis, askatari kẽromãri ãto fenema chotamamis, fẽtsari koshoiti tãpiax nã niafaka chakafo fe rafemis, askatari fẽtsari ea noitamaroko afara fetsa noikĩ, ‘Na ẽfe nioski,’ famis. Nãskakẽ askarafo fe nã chanĩmisfo afokai efe nĩpanakafoma. Chiifã mẽra nã omiskõipakenakafo mẽra ipanakafo. Anoaxkai faki fonakafoma,” ixõ Epa Niospa ea yoia.

Tit. 1:2

Niospa mai onifatama shinãkĩ iskafani: “Na yorafo ẽ ato katoano efe rafeaifono ẽ ato ĩkikõipakenaka efe ĩpaxanõfo,” ixõ shinãni. Nãskakẽ nõ Nios Ifofapaikĩ nã yoiai keskara nõ chanĩmara fatiro. Nios ramashara chanĩmisma.

1 Ti. 4:2

Askara yorafãfe yora fetsafo anorima yoikani ãa ato pãrakakĩ, õiti chakayafiakaxõ. Anori fisti shinãkĩ feyafamisfo. Nãskakẽ afara chakafakani rãfikanima.

Apocalipsis 22:15

Nãskakẽ nã yora chakakõi paxta põfe keskarafo fe, a koshoiti tãpiafo, nã koshoiti chanĩmara faifori, feronãfãke ãfe ãfima chotamis, kẽrofãferi ãto fenema chotamamisfo, retemitsamisfori, Nioskõima noikĩ ifofamisfori, chanĩmisfori, nã chanĩ noimisfori, askara yorafokai Jerusalén Fena mẽra ikitirofoma.

1 Ti. 1:10

askatari a ãto ãfimafo chotamisfoõnoa yoikĩ, kẽrofãferi ato fenemafo chotamamisfoõnoa yoikĩ, askatari feronãfakefori aa ranã chotanãmisfoõnoa yoikĩ, nãskakãkĩ ãto ãfifo anã tanamisfomaõnoa yoikĩ, askatari yora fetsafo achikaxõ onemisfo ato yonomaxikakĩ, askatari ãa chanĩmisfo, Niospa meka fanĩrira yoimisfo, askatari afarafo chakafamisfo, afãfe Niospa meka tãpiafoma, nãskara yorafoõnoa Moisés ato kenexoni tãpinõfo afeskax isharatirofomãkĩ a Niospa noko imapaiyai anori.

2 Co. 7:14

Akka Tito kayoamano ẽ yoiti iskafakĩ: “Na Corinto anoafo sharakõifo,” ixõ ẽ yoiti. Nãskakẽ Tito mato mẽra kaano mã ifisharakõiyamea. Nãskakẽ ẽ matoõnoax rãfiyameama. Akka chanĩma fisti nõ mato yoimis. Nã ẽ matoõnoa Tito yoia keskara chanĩmakõi Titopa mato õia.

Tit. 1:12

A feronãfake onãyato a inõpokoai keskaraõnoa Creta anoxõ yoini: “Nono ikafo, Cretafofi chanĩmisfokĩ, nikayospafo, pikĩ fisti tãpiafo, yoinã keskara pitsikõifo xanikõifo,” fani.

1 Corintios 10:17

Akka pãa fisti torepakexõ keyokõichi nõ pimis. Nãskarifakĩ Jesucristo fisti keyokõichi nõ chanĩmara faax fisti keskara nõ ixii.

Juan 8:44

Akka mãto epa Satanás. Mã ãfe fakekõifo. Nãskaxõ mãto epa apaiyai keskara mãri mã apai. Nãfi taeyoi retemitsamis iyopaoni. Afi iskaratĩa nãskara. Atokai afara shara yoimisma, chanĩkõi. Ãfe shinã mẽraxõ chanĩ fisti shinãmis. Nãskaxõ chanĩ fisti yoimis. Nã chanĩai shinãifãfe nã chanĩmis nãfi ãto apaki.

Efesios 4:22

A Nios tãpiamax mã iyopaoni anori anã shinãyamakãfe. Fanĩrira mato Satanás shinãmayopaoni mã chaka inõ.

Efesios 4:31

Mãto yora mẽraxõ mato õiti fishkimamis a chaka shinãmakikãfe. Ato noikaspai õitifishkikĩ finakõimis iyamakãfe. Afaa shinãima oa õitimais keskara ãakõi mekai keskara iyamakãfe. Fãsikõi yõachepemis ato ferateni iyamakãfe. Ato noikaspakĩ ato ĩchayamakãfe. Mã chakara ato fayamakãfe. Mãkõi chakafakĩ ato noikaspayamakãfe.

Colosenses 3:8

Mã mã askapaoniki. Akka iskaratĩa a chakafo shinãmakikãfe. Anã õitifishkiyamakãfe, anã chaka shinãyamakãfe, ato chakafayamakãfe, ato ĩchayamakãfe, askatari mãto axfapa meka chaka yoiyamakãfe.

Hebreos 12:1

Akka nõko xinifãfe Nios chanĩmara fapaonifo. Nãskakẽ nõri ato keskara nõ itiro. Nãskaxõ a afara chakata noko nẽtefapaiyai keskara nãfo nõ kachikiri fakõini. Nãskaxori afara chakafãferi samamakõi noko afara chakafamapaitiro. Nãfo chakari nõ kachikiri fakõini a Niospa noko amapaiyai keskara fisti axiki, fena fenakima a noko yoiai keskara nõ axosharakõi.

Stg. 1:21

Nãskakẽ afara chakafo mã famis xatekãfe. Mã mã chaka xatexõ mã Niospa meka nikakõisharatiro. Nãskaxõ mã yoikĩ iskafatiro: “Epa, mĩ meka shara emẽra nanefe ẽ mia Ifofasharapaikai. Ẽ mia nikapaisharakõikai,” ixõ anori yoikãfe. Ãfe meka shara mato mẽra naneano, a mato yoiyoni keskai mã afe nĩpanaka.

1 Pedro 2:1

Nãskakẽ nã mã afara chakafamisfo xatekãfe. A mã ato pãramisfo, askatari a mã ato feparamisfo: “Noko sharara fanõfora,” ixõ nãfori xatekãfe. Nãskatari a fẽtsa fiai tii fipai fekaxtemis iyamakãfe. Askatari fetsafo ato chakafapai chanĩmis iyamakãfe.