Efesios 4:17 - Yaminahua

¹⁷ Jesucristo ea ĩkinã aõxõ ẽ mato yoinõ. Ea nikasharakõikãfe a Jesús Ifofamisfãfema fanĩrira chaka fisti yoimisfo fanĩrira shinã kakĩ. Nãskakẽ tsõa shinãsharaima. Nãskakẽ ato keskara iyamakãfe.

Efesios 4:17 ပူးပေါင်းရင်းမြစ်များ

Lucas 16:28

a ẽfe exto cinco ikafo ano, anoxõ Niospa meka ato yoinõ nikakõinõfo akairi nono feyamanõfo nonoax omiskõi fetirofoki,’ ixõ yoini.

Hch. 14:15

iskafakakĩ: “¿Afeskafakĩ mã noko na rafe niosra mã noko faimẽ? Nõkai niosma. Nõri mato keskara, nõ mato meka shara yoiyoi oa na afarafo nõko niosra mã famis a chakafo mã potanõ a chakafokai afama. Nãskaxõ nã Nioskõi nĩpanaka Ifokõi fakãfe, nai yafi mai fakafãri onifaniki. Nai mẽranoafo onifata, nono mai anoafo onifata fakafãri mẽranoafo onifani.

Hch. 18:5

Akka Silas fe Timoteo mã Macedonia anoax akiki nokoafono Pablo Jesúsnoa meka shara judeofo ato yoifofãsafani: “Jesúsfi Cristoki Niospa katoni ãfe Fakekõi inõ,” ixõ ato yoini.

Hch. 2:40

Ato askafakĩ yoita anã Pedro ato yoini ato iskafakĩ yoiyanã: “Mãto chaka soakãfe. Na yora nono nãmã ikafo ichapa chakakõifo chaka shinãmisfo. Askakakĩma mãa kexemesharakõikãfe anã askayamaxikakĩ. Mã askaito Jesús mato chaka soaxonõ mato ifixiki mã afe ĩpaxanõ,” ixõ Pedro ato yoini.

Hch. 20:21

Judeofo yoita a judeofomari mẽ yoimis ãto chaka xatekaxõ Nios Ifofanõfo nõko Ifo Jesucristori chanĩmara fakõinõfo.

Romanos 1:21

A Niospa onifani õifikakĩ iskafakĩ yoipaikanima: “Nios fistichi keyokõi onifani. Aicho, Nios finakõia,” ikaxõ shinãpaikanima. Nãskakaxõ ãto shinã mẽraxõ afara shinãsharakanima. Afara chaka fisti shinãkani ãto õiti fakish keskara ikaxõ.

1 Corintios 1:12

Akka mã atiri iskai fetsei: “Nõfi Pablo ifofamiski. Noko tãpimanai keskara kayakaikõi nõ nikamis. Fetsafãfekai kayakai shinãkanima,” ixõ mã yoimis. Askatari fetsafori iskakani: “Nõfi Apolos ifofamiski,” ixõ mã yoimis. Askatari fetsafori mã iskamis: “Nõfi Pedro ifofamiski,” ixõ mã yoimis. Askatari fetsafori mã iskamis: “Nõfi Cristo Ifofai,” ixõ mã yoiketsamis.

1 Corintios 15:50

Efe yora mĩshtichi, ẽ mato yoinõ nõ afeskax iximãkai. Nõ iskaratĩa namiya. Askatari nõ imiya. Nãskara yorayax Nios fe nõ ipanakama. Akka nõko yora natiro nõ anã otoxixakĩ. Nõ anã otoax nõko yora fetsa keskara ixii. Nãskakẽ nõ anã nanakama.

2 Co. 9:6

Nãskakẽ shinãsharakãfe. Akka nõ fimi exe fisti fanaxõ ichapa fitiroma. Akka nõ fimi exe ichapa fanano nõ fimi exe ichapa fitiro. Nãskarifiakĩ nõ fetsafo afara ichapama inãkẽ nokori Niospa ichapama inãxii. Akka nõ inimayanã fetsafo ichapa inãito nokori Niospa ichapa inãtiro.

Gálatas 3:17

Ẽ mato xafakĩa yoinõ Epa Niospa Abraham yoiyoni keskara cuatro cientos treinta xinia finõta Epa Niospa Moisés yoiniki. Niospa Moisés yoinino akka Abraham yoini keskara anã fetsafatiroma. Nã yoiyoni keskakõimis. Nãskaxõ Epa Niospa anã shinãkĩ fetsafanima, nã yoiyoni keskara amiski.

Gálatas 5:3

Afianã xafakĩakõi ẽ mato yoipai. Fatora fẽtsa mã foshki repa xatepai Nios fe ipaikĩ, anori shinãfikĩ nã Moisés yoini keskara nikakõiamax, anorima shinãx Nios fe mã nipaxatiroma.

Efesios 1:22

Akka Epa Niospa ãfe Fake yoini keskafakĩ keyokõi mai anoafoya nai mẽranoafo ato ĩkinã. Nãskaxõ ãfe Fake katoni nã chanĩmara faafo tii ãto Ifo inõ. Nã chanĩmara faafofi ãfe yorakõi keskarafoki. Cristo ãto mapo keskara. Akka nõko mãpo nõ shinãtiro. Nã fistichi nã chanĩmara faifo yoitiroki, noko ĩkinãno afeskaxõ nõ atiromãki. Akka nõ mapomaisax nõ nitiroma. Nãskarifiai nõko Ifo Jesúsmaisax tsoa nitiroma. Keyokõi nã chanĩmara faafo nofe ikafo. Nãskax nofe rafe kakãini nã noko amapaiyai keskara nõ anõ.

Efesios 4:22

A Nios tãpiamax mã iyopaoni anori anã shinãyamakãfe. Fanĩrira mato Satanás shinãmayopaoni mã chaka inõ.

Colosenses 2:18

Õisharakãfe fetsafãfe mato pãrapaikani kiki iskafakakĩ: “Nõ afaa tãpiama. Ãjirifo nõ kĩfitiro,” ixõ mato pãrapaikani. Afãfe afaa õiyamafikatsaxakakĩ afama mĩshtifo yoipaimisfo. Ãto shinãmã shinãkata kakapaikõimisfo, Niospa shinãi keskarakai shinãmisfoma.

Colosenses 2:4

Nãnori ẽ mato yoi, tsõa mato pãrayamanõ, meka fetsafaxõ fanĩrira mato yoipaikani kiki.

1 Tesalonicenses 4:6

Akka Epa Niospa yoini iskafakĩ: “Fẽtsa ãfi fe ipaiyamakãfe. Tsoa fomãyamakãfe fetsa ãfi fe ixiki,” ixõ Niospa yoini. Akka nõ mato yoini keskai, tsoa askayamakĩ afara chakafaifono Epa Niospa ato omiskõimaxii.

1 Ti. 5:21

Epa Nios feta Jesucristo ãfe ãjirifãfe mia õikani. Nãskakẽ na ẽ mia yoiai anori askafafe. A afara chakafamisfãfe ãto ferotaifi yoife. Mĩ kaifofo yafi mĩ kaifofoma õikĩ, nãskarafãfe ãto chaka xatenõfo ato yoife.

1 Ti. 6:13

Ea nikasharafe Niospa keyokõi noko onifani noko nimaxiki. Jesucristo nã xanĩfo Poncio Pilato yoini: “Ẽfi Niospa Fakekõi,” ixõ ratekima yoini. Iskaratĩa Nios feta Jesús mia õi.

2 Timoteo 4:1

Timoteo, ẽ mia kaxeta yoima, nikafe. Jesús oatĩa nõko xanĩfokõi ixii Apa Nios feta, keyokõi yorafo namisfo yafi niafori ato yoixii. Jesús chanĩmara fakanax afe nai mẽra nisharapakenakafo; akka a chanĩmara famisfoma chiifã mẽra Niospa ato potai omiskõipakexanõfo. Nãskakẽ ãfe Fake Jesucristo feta Niospa noko õiaino ẽ mia yoi iskafakĩ:

1 Pedro 1:18

Akka mãto xinifãfe mato tãpimapaonifo keskarato mato nimapakexatiroma. Mãto xinifo Nioski mesepaonifoma. Ãakõi ipaonifo. Nãskakẽ mãri ato keskara ipaoni chaka shinãi. Mã askaito Niospa mato ifini mã anã chaka shinãyamanõ a mã ipaoni keskara Nios shinãmax. Akka shinãkapo. Mã mã tãpia a oro sharakõi mã Nios inãx mã aõnoax nĩpaxatiroma. Askatari kori exe mã inãx aõnoaxri mã nĩpaxatiroma.

2 Pe. 2:18

Nãfo chanĩkani kakapaimisfo. Nãskaxõ yoimisfo iskakani: “Nõ tãpia keskafakĩ tsõa tãpiama. Nã tsõa atiroma keskafakĩ nõ tãpikõia,” ixõ ãa yoikani chanĩfinamisfo. Nãskakaxõ a rama Nios Ifofapaikakĩ ãto chaka xatepaiyaifo ato yoitirofo iskafakakĩ: “Mĩ fẽtsa ãfe ãfi fe ika sharakĩ, nãskax mĩ afe inimakõitiroki, nõ anõ kafe,” ixõ fẽtsa iyotiro afara chakafamaxiki.