Efesios 3:12 - Yaminahua

¹² Jesúsmãi noko nãxonikẽ, nõ Ifofaax, nõ Nios fe rafesharatiro mesetama noko potayamanõ.

Efesios 3:12 ပူးပေါင်းရင်းမြစ်များ

Juan 14:6

Jesús kemani: “Ẽfi nã fai keskaraki. Ẽfi chanĩmismaki. Eõnoax yorafo nĩpaxatirofoki. Tsoakai ẽfe Epa ika ano nokotiroma. Eõnoax fisti ẽfe Epa ari nokotirofo.

Romanos 5:2

Nõ Jesús chanĩmara faito noko noikĩ Niosya noko rafemani. Nãskakẽ, “Ẽ Nios ikano kaax ẽ a keskara shara itiro,” ixõ nõ shinãi nõ akiki inimakõitiro.

2 Co. 3:4

Iskafakĩ nõ yoia, mã nõmãi tãpixõ Niospamãi noko nĩchinikẽ nõ ãfe meka mato yoinõ Cristo ãfe sharaõxõ nõ mato yoisharamis.

Efesios 2:18

Jesús noko nãxoni nõko chaka noko soaxoxiki nõ Nios fe rafesharakõinõ afe ipaxakĩ. Nãskakẽ Niospa ãfe Yõshi Shara nokoya rafemana na nõko kaifomafo fe nõ rafesharakõinõ. Nãskax Epa Nios fe nõ ĩpaxanõ.

Hebreos 10:35

Nãskakẽ a mã Jesús chanĩmara faa keskafakĩ kachikiri fayamakãfe. Mã kachikiri fayamakẽ Epa Niospa mato sharafaxii noko yoiyoni keskafakĩ. Nãskaxõ afara shara mato inãxii.

Hebreos 3:6

Akka Jesúskai Epa Niospa ãfe yonomatima. Ãfe Fakekõi. Nãskakẽ afe yorafãfe ãto Ifokõi. Akka tsoamãki afe yorafo ẽ mato yoinõ. Nõ Jesús Ifofaxõ a noko yoiyoni keskafakĩ nõ manasharai nã anã oaitĩa, nõ kachikiri fayamax nõ afe yorakõi nõ iki.

1 Pedro 3:18

Akka Cristo nokoõnoax omiskõiax nani nõko chaka noko soaxoxiki. Anãkai nanakama nai fistini. Sharakõifiano retenifo. Akka nõ chakakõifokẽ noko nãxoni. Apa Nios ano noko imapakexakĩ. Akka mã nafiax ãfe fero mẽsho nanima, anã otoni Ãpa Yõshi Sharaõnoax.

1 Juan 2:28

Ẽfe fakefãfe, iskaratĩa Cristo nikakõiyanã afe rafekõikãfe, mã nãmã fotofaino nõ akiki meseimakai nõmãi isharakõiax. Askatari nõ akiki rãfimakai.

1 Juan 3:21

Efe yora mĩshtichi, ea nikasharakãfe. Nõko õitinĩ nõ shinãi iskatiro: “Ẽ Nios Ifofaito ẽfe chaka mã ea soaxona, mã ea shinãsharamana,” ixõ shinãi, nõ Nios fe rafetiro, nõ akiki nõ ranotiroma.