Efesios 3:1 - Yaminahua

¹ Nãskakẽ ẽ mato Epa Nios yoixoni. Ẽfi judeokĩ mã ẽfe kaifoyamafekẽ ẽ mato noi. Mato noixõ, ẽ mato Jesucristoõnoa yoi. Nãskakẽ ea achixõ karaxa mẽra nĩchitifo.

Efesios 3:1 ပူးပေါင်းရင်းမြစ်များ

Lucas 21:12

“Akka askayoamano, mato achikaxõ fãsi mato omiskõimaxikani. Mato achikaxõ judeofãfe ãto ichanãti pexe mẽra mato iyokani xanĩfofofãfe mato yõkanõfo. Nãskakaxõ mato karaxa mẽra ikimakani xanĩfofofãfe. Eõxõ mato askafakani.

Hch. 21:33

Nãskata a soraro xanĩfãfe mã Pabloki kaxõ mã achixõ, cadenãs rafeta ato metexkere amani. Nãskaxõ chipo yõkani tsoamãki, askatari afaa afeska faamãki.

Hch. 23:18

Nã soraro xanĩfãfe ãfe xanĩfokõi kenaxõ yoini iskafakĩ: “Na karaxa mẽra ikato Pablo ea kenaxõ ea yoia na naetapa ẽ mikiki efenõ afara mia yoipai kiki,” faito,

Hch. 26:29

Askafaito anã Pablo yoini: “Iskaratĩa iyamai afetĩara ea keskara mĩ inõ ẽ fichipai, askatari nã mã ea nikaifo keyokõi ea keskara mã inõ. Nõko Ifo Jesús Ifofai nãskafiax karaxa mẽra mã ikiyamanõ ẽ imis keskai. Nãnori ẽ mato Epa Nios kĩfixomis,” ixõ Pablo ato yoini.

Hch. 9:15

anã nõko Ifãfe yoini iskafakĩ: “Mẽ na feronãfake katoa eõnoa meka shara ato yoinõ mai fetsafo anoafoya ãto xanĩfofoya israelifoya ato yoinõ.

2 Co. 1:6

Akka nõ Niospa meka mato yoi nõ omiskõiaito mã noko nikakõixõ mã nõko Ifo Jesús chanĩmara faax mã afe isharakõitiro. Nãskax mã inimakõitiro. Akka nõ mato yoi nõ omiskõifiaito nõko õiti Epa Niospa noko inimamaxomis. Akka mã mã noko õimis nõ omiskõiaito Epa Niospa noko axosharaito. Nãskarifiai mãri omiskõiaito Epa Niospa matori axosharakõixii mã tenesharakõinõ.

2 Co. 10:1

Iskaratĩari meka fetsari ẽ mato yoisharapai. Efe yora mĩshtichi, ea nikasharakãfe. Jesucristokai meka mitsisipato noko yoimisma. Noko yoikĩ fenãmãshta noko yoisharamis nõ ãfe meka nikasharakõinõ. Nãskarifiakĩ ẽri Cristoõxõ mato fenãmãshta yoisharapai mã tãpinõ. Akka eõnoa yoikĩ iskafamisfo: “Pablo nofe ixõ fenãmãshta noko yoiaito nõ õimis. Nãskafixõ noko kirika kenexoni mitsisipakai noko kirika kenexonaito nõ õimis,” ixõ ea yoimisfo.

2 Co. 11:23

Akka, ¿nãfo fistimẽ Jesucristo yonoxomisfo? Maa. Akka ẽroko yonoxokĩ finakõimis. Ooa. Ẽ iskafakĩ ẽ mato yoi oa shinãsharayamaito yoiai keskaraxõ ẽ mekai askayamapaifi. Akka nã chanĩmisfãfe mato yoikĩ iskafakani: “Nõ Jesús yonoxokõimis. Askatari Jesúsxõ noko karaxa mẽra ikimanafo,” imisfo. Akka ẽroko yonokĩ finakõimis. Nãskakẽ earoko karaxa mẽra ikimakĩ finakõimisfo. Askatari ea koshakĩ finakõimisfo. Ea askafakĩ fetsaifono mẽ nakerakõimis.

Gálatas 5:11

Efe yora mĩshtichi, akka eõnoa yoikĩ mã iskafamis: “Na Pablo yoimis nõ foshki repa xateamax nõ Nios ari katiroma ixõ yoimis,” mã ea famis. Maa, ẽkai anori yoimisma, ẽ anori yoiaito ea omiskõimakeranafo. Akka ẽ yoimis: “Jesucristo ifi cruz ikaki mastaifono noko nãxoni, nõko chaka noko soaxoxii Epa Nios fe nõ ipaxanõ,” ixõ ẽ yoimis. Nãnori ẽ yoiaito nikakĩ nã Jesúsnoa nikakaspamisfãfe ea omiskõimamisfo.

Gálatas 5:2

Ẽ mato yoinõ, ea nikasharakapo. Iskafakĩ shinãyamakãfe: “Ẽ foshki repa xatekema Epa Niospa ẽfe chaka ea soaxotiroma,” ixõ shinãyamakãfe. Anori mã shinãito Jesús mãto chaka mato soaxotiroma Epa Nios fe mã ipaxanõ.

Gálatas 5:24

Nã Cristo chanĩmara faifo tii afe yorakõifo. Jesús cruznoax noko nãxoni nõko chaka noko soaxoxiki. Akka nõ naa keskaraxõ anã afaa nõ chakafatiroma a nõ apaoni keskara. Nãskakẽ nã noko Niospa amapaiyai keskara fisti nõ atiro.

Efesios 3:11

Afaa pishta onifaataima nãnori shinãni: “Na ẽfe Fake Cristo Jesús Ifofaifo efe yorakõifo ixikani,” ixõ yoini keskara mã iskaratĩa askakõia.

Efesios 3:13

Ẽ mato yoinõ, ea nikakãfe. Ẽ mato yoiaito ea nikakakĩ ea karaxa mẽra ikimatifo. Ẽ omiskõifiaino eõnoa shinãchakayamakãfe. Ea karaxa mẽra ikimanafoki ẽ Cristoõnoa mato yoiaino. Nãskafekẽ inimasharakãfe, mã Niospa yorafokĩ.

Efesios 3:8

Ẽ fãsikõi Jesús chakafakĩ finakõipaoni, na fetsafãfe chakafakĩ finayamafiaifono. Ẽ askafafiaito, ares fisti Niospa ea noikĩ ea nĩchini aõxõ na yora fetsafo judeofoma ẽ ãfe meka shara ato yoikĩ tãpimanõ Niospa ato noisharakõiaito. Ato noikĩ ato shinãmakõipai. Nios fisti tsoa keskaramakõi. Ãfe Fake Jesúsnoa keyokõi nõ tãpitiroma.

Efesios 4:1

Ẽ mato yoisharakõi. A Jesucristoõnoa ẽ mato yoimis. Ẽ ato yoiaito a Jesucristo nikakaspaifãfe ea karaxa mẽra nĩchiafo. Ẽ mato yoisharanõ, ea nikasharakõikãfe. Niospa mato katoni Jesucristo mã Ifosharakõi fanõ. A ẽ mato yoiai keskai isharakõikãfe.

Efesios 6:20

Ea Niospa nĩchini anori ẽ ato yoinõ ãfe meka shara. Nãskakẽ ea karaxa mẽra ikimanifo. Nãskakẽ ea kĩfixokãfe ẽ Niosxõ ato yoinõ mesetama.

Filipenses 1:7

Nãskakẽ nãnori shinãkĩ ẽfe õiti mẽraxõ ẽ matoõnoa shinãfafãini, ẽmãi mato noikõikĩ nã Epa Niospa ea sharafai keskafakĩ mãrimãi efeta meemiskẽ. Akka ea karaxa mẽra ikimanifo. Nãskakaxõ xanĩfofofãfe ferotaifi ea iyomisfo anoxõ ẽ ato yoisharanõ Niospa meka sharaõnoa afe ĩpaxanõfo. Iskafakĩ ẽ ato yoimis: “Jesús noko nãxoni nõko chaka noko soaxoxiki nõ afe ĩpaxanõ,” ixõ ẽ ato yoimis.

Colosenses 1:24

Nãskakẽ ẽ inimai ẽ matoõnoax omiskõifi, mãri afara afeskaraino mã Cristo Ifosharakõi faano. Cristo nokoõnoax omiskõini keskai, ẽri nã afe rafemisfoõnoax nã Niospa fakefo atoõnoax ẽ omiskõimis. Ẽ matoõnoax omiskõita iskaratĩari ẽ Cristoõnoax omiskõimis.

Colosenses 4:18

Ẽkĩa Pablo, ẽ mato kirika kenexoni. Mato yoisharakĩ, ẽfe mifikõichi ẽ kenei. Nãskakẽ ea shinãmakiyamakãfe ẽ karaxa mẽraxõ ikakĩ. Niospa mato noikĩ matoõnoa shinãfafãinõ. Nã tii.

Colosenses 4:3

Nãskakẽ nokori kĩfixokãfe, Epa Niospa fetsafo mẽra noko nĩchiano Cristoõnoa nõ ato yoisharanõ. Afãfe Cristoõnoa nikamisfomaki. Akka ẽ Cristoõnoa meka shara yoiaito yorafãfe ea karaxa mẽra ikimanifo.

2 Timoteo 1:16

Akka Onesíforokai askanima, eõ rãfinima ẽ karaxa mẽra ikikẽ. Nãafi Roma ano nokoxõ pena tii ea fenafafãikĩ ea karaxa mẽranoa fichita, ea õiyoi nã otitaiapaoni mẽxotaima ea õifaa õifakĩ, ea pishta inimamani. Nãskakẽ nõko Ifãfe Onesíforo ãfe ãfinõ ãfe fakefonõ Efeso anoxõ ato noikĩ ato kexesharaxonõ.

2 Timoteo 1:8

Askafai rãfiyamafe Jesúsnoa yorafo yoitaifãfe rãfikima. Askatari eõri rãfiyamafe. Ẽ Jesucristo ato yoirifaito ea karaxa mẽra ikimatifoki. Mĩri Jesús ato tãpimasharafe; mĩ askaito, miari omiskõimanaifono rateyamafe. Jesúsnoax mĩ omiskõiaito, Niospa mia axoxii.

Flm. 1:1

Ẽkĩa Pablo. Na karaxa mẽraxõ ẽ mia kirika kenexõ fomai. Na nõko exto Timoteo feta nõ mia kirika kenexõ fomai. Ẽ Jesucristoõnoa ato yoiaito, ea nikakaspakakĩ ea achikaxõ karaxa mẽra ea ikimatifo. Nãskakẽ ẽ mia yoi, Filemón, mĩfi noko keskarakĩ Niosnoa ato yoimis. Nãskakẽ nõ mia noikõi. Nõ mia kirika kenexõ fomai, mia yafi a mefeta Jesús Ifofaafo a mĩ pexe anoax ichanãmisfori nõ mato kirika kenexõ fomai. Akka Apia nõko poi keskara, nãskakẽ Arquipo yafi nõ ato kirika kenexõ fomai. Akka nã Arquipo noko keskarari nãatori ato Niospa meka yoimis.

Flm. 1:23

Na Ipafras Cristo Jesúsnoa yoimis a yafi ea karaxa mẽra ikimatifo, aatori mia yoisharai.

Flm. 1:9

Ẽ mia askafatamaroko ẽ mia noikõiyanã ẽ mia yoipai. Ẽkĩa Pablo mẽ anifokõia ẽ Cristo meka ato yoiaito ea nikakaspakakĩ karaxa mẽra ea ikimatifo.

Apocalipsis 2:10

Akka a inõpokoai ẽ mato yoinõ. Satanás ifofaafãfe fatora fetsa fisti mato karaxa mẽra ikimaxikani mã ea shinãmakimãkai õixikakĩ. A mato mesenifaifono rateyamakãfe. Ea shinãmakitama nonori shinãkãfe iskafakĩ: “Ea retefiaifono ẽ meseima, ẽ Nios ari kai. Ẽfe Ifãfe ea potanakama. Ẽ ẽfe Ifo noikĩ finakõifafãini,” ixõ yoikãfe. Mã askax, nakẽ, ẽ mato ĩkipakenaka mã efe ĩpaxanõ.