Efesios 2:2 - Yaminahua

² Nãskakẽ mã afara chakafamis, a yora chakafãfe akai keskafakĩ. Askata a nai mẽra ikafãfe a niafaka chakafãfe ãto xanĩfãfe Satanás mato amapaiyai keskafakĩ mã amis, Satanás ifofakĩ.

Efesios 2:2 ပူးပေါင်းရင်းမြစ်များ

Mateo 13:22

Akka atiri fimi exe moxafo mẽranoax foaikax yosinima. Nãskari fakĩ fẽtsa Niospa meka nikasharamax, nãskaxõ afara fetsa shinãkĩ, ãfe shinã mẽraxõ shinãchakakõitiro. Nãskaxõ kori ichapakõi noikĩ, ‘Ẽ kori ichapayax ẽ inimatiro,’ ixõ shinãkĩ Niospa meka anã shinãima. Nãskakẽ Niospa meka nikafikĩ afara fetsafo shinãino, afaa Niospa axotiroma.

Mateo 13:38

“Akka a tare ẽ yoiai mã tãpitiro nã maitio ẽ yoi. Akka nã fimi exe shara ẽ yoiai nã Nios Ifofamisfo ẽ yoi. Akka nã fana chakafo ẽ yoiai nã Satanás ifofamisfo ẽ yoi.

Lucas 16:8

“Nãskakẽ a ãfe ina chakapa ãa shinãxõ akai keskara ãfe xanĩfãfe tãpikõini. Nãskakẽ yoini iskafaki: ‘Mĩ tãpikõia, nãskakẽ fetsafãfe mia sharara fakani,’ ixõ yoini. Nãskarifiakĩ a Nios Ifofaafãfema tãpikĩ finakõiafo ato pãrakĩki, ãa shinãkaxõ. Akka a Nios Ifofaafo askarafoma, ato pãratirofoma. Chanĩma fisti yoitirofo.

Lucas 22:31

Nãskata nõko Ifãfe Simón yoini iskafakĩ: “Simón, õipo Satanás Nios yõkaxõ mato afara chakafamapai, mã ea potanõ.

Juan 12:31

“Iskaratĩa nã ea Ifofaifoma Niospa ato omiskõimani. Ãto ifori nã yõshi chaka Satanás nãri ẽfe Epa Niospa potaxii anã xanĩfo inõma.

Juan 13:2

Jesús aõxõ tãpimisfo feta mã xini kaino ato feta pipaini. Nãskaino nã Judas Iscariote mẽra Satanás yõshi chaka nanetani. Nã Simón fetsa ãfe fake Judas Iscariote. Nã Judas mẽra niafaka nanexõ shinãmani iskafakĩ: “Ato tãpimafe afeskaxõ na Jesús achitirofomãki,” ixõ Satanás shinãmani.

Juan 13:27

Jesús pãa mechanafaxõ Judas inãino Judas mẽra Satanás chaka nanerisatani. Nãskaxõ Jesús Judas yoini: “Nã mĩ apaiyai keskara farisafafe,” fani.

Juan 14:30

“Ẽ mato mẽxotaima yoipaifiaino nã yõshi chakafãfe ãto xanĩfo Satanás chaka ekeki oi. Askafixõ ea afeska fatiroma.

Juan 15:19

A ea Ifofaafoma fe mã ato fe rafeaito mato noikeranafo. Aa ranã noinãifo keskari fakĩ matori noikeranafo. Akka mãkai ato keskarama. Ẽ mato ifini a ea Ifofaifoma keskara mã inõma. Akka nã ea Ifofaafãfema mato noikaspakani.

Juan 16:11

Nãskatari Niospa Satanás omiskõimaniyoxiai Niospa ãfe Yõshi Sharapa ato tãpimaniyoxii, nã Satanás ãto xanĩfo.

Juan 7:7

“Na yorafãfekai Epa Nios yafi ea chanĩmara faafoma. Nãfãfe ea noikaspakani. ‘Mãfi afarafo chakafamis,’ ẽ ato famis. Nãskakẽ ea noikaspakani. Akka mato noikaspakanima.

Juan 8:23

Jesús ato tãpixõ ato yoini: “Mãfi na mai anoakĩ. Akka ẽfi nai mẽranoakĩ.

Juan 8:44

Akka mãto epa Satanás. Mã ãfe fakekõifo. Nãskaxõ mãto epa apaiyai keskara mãri mã apai. Nãfi taeyoi retemitsamis iyopaoni. Afi iskaratĩa nãskara. Atokai afara shara yoimisma, chanĩkõi. Ãfe shinã mẽraxõ chanĩ fisti shinãmis. Nãskaxõ chanĩ fisti yoimis. Nã chanĩai shinãifãfe nã chanĩmis nãfi ãto apaki.

Hch. 19:35

Askaifãfe õikĩ a xanĩfo kenexomisto, “Mekayamakãfe,” ato fani. Ato askafaito anã tsoa mekanima. Nãskaxõ ato yoini iskafakĩ: “Efesofo anoafãfe ea nikasharakãfe. Keyokõichi tãpiafo nõfi Efeso anoafokĩ, nã ãto nios Artemisa ãfe kĩfiti pexefã nõ kexemis. Nã onifafo nai mẽranoax pakeafori nõ kexemis.

Hch. 5:3

Nãskaito Pedro yoini iskafakĩ: “Ananías, ¿afeskai mĩ mẽra Satanás naneamẽ mĩ Niospa Yõshi Shara feparapainõ ranãri mã mĩ kori fifiaxõ mĩ tareõxõ?

Romanos 12:2

Nios Ifofaafãfema shinãi keskara shinãyamakãfe. Mã shinãpaoni keskara anã shinãyamakãfe. Iskaratĩa Niospa mãto shinã mẽra fetsafapaiyai keskara shinãkãfe. Afaa fetsakai mã shinãtiroma. Mã askakĩ mã tãpitiro Niospa mato imapaiyai keskara sharafinakõi. Mato imapaiyai keskara mã ikaino matoki inimatiro.

1 Corintios 5:10

Akka a Jesús Ifofaafoõnoama ẽ mato kenexoyonima. Nã Jesús Ifofaifoõnoa ẽ mato kenexoni. Akka faki pishtakai iyamafoma a Jesús Ifofaifoma. Nãskakẽ nõ ato fe imis. Fakira kaxõ nõ õimis nãriri ikafo a Jesús Ifofaafoma. Nõ ato fe ifiaxõ afãfe akaifo keskarakai nõ amisma. Afãfe ãto ifo Satanás. Nãskaxõ ãto chaka xateafoma. Chaka fetsa fetsatapafo amisfo. Nãskaxõ ãto ãfimafo chotamisfo. Kẽrofori nãskarifiamisfo ãto fenema fe chotanãkani. Afama mĩshti fipaikata ãfenãfoma fipaimisfo. Nãskatari yometsokõifo imisfo. Nãskakata nioskõiyamafekẽ, “Na nõko niosra,” ikaxõ afara kĩfimisfo. Nãskafaifono nõ ato feta afaa chakafamisma. Nãskafikẽ nõ ato fe imis. Nõ ato makinoax faki paxkatiroma.

1 Corintios 6:11

Mã askapaonixakĩ iskaratĩa mã mã Niospa afe yorafo. Niospa ãfe Yõshi Sharaõxõ mãto chaka mato soaxona nõko Ifo Jesucristo mã Ifofaito. Mãto chaka mato soaxoyanã ãfe õiti keskara shara mato imai. Askafaxõ afaa chakafamisfoma keskara mato õi.

2 Co. 4:4

Nãfofi nã niafaka chaka ãto ifoxõ ato yoimis. Nãskaxõ nã õiti fẽstoa keskara ato faano na meka shara Jesúsnoa tãpitirofoma. Nã yora fẽxõ luz ota sharafiano õitiroma keskarafo. Nãskarakaxori Jesús finakõia tãpitirofoma. Nãskatari tsõa tãpitiroma Jesús Apa keskara sharafinakõifiano.

Gálatas 1:4

Nõ afara chakafamisno nokoõnoax Jesús nani nõko chaka noko soaxoxiki, askatari nã yorafo chakafo mẽranoa noko ifixiki Epa Niospa fichipaiyai keskafakĩ.

Efesios 1:21

Ãfe Yõshi Sharaõxõ Cristo ato mãnão nĩxõ, nã nãmãnoafo ãto xanĩfo tii finõkõia. Askatari nai mẽranoafori ãto xanĩfofo Cristo ato finõkõia keyokõi. Nãskax ãto xanĩfo finakõia. Tsoa pishta finõtiroma.

Efesios 2:11

Nãskakẽ shinãmakiyamakãfe. Mã chanĩmara fayopaonima. Nã judeofãfe yora fetsafo ato yoikĩ iskafanifo: “Nã yora fetsafo nõko kaifoma. Akka nõfi Niospa yorafokĩ. Akka na yora fetsafokai Niospa yorafoma. A Niospa noko yoimis keskafakĩ keyokõi nõko foshki repa nõ xatepakemis na nõ judeofãfe. Nãskakẽ nõ õimani afe yorakõifoxõ. Akka a yora fetsafãfe ãto foshki repa xatemisfoma. Nõ ato tãpitiro afokai Niospa ãfe yorafoma,” ixõ judeofãfe mato yoimis mã judeofokẽma.

Efesios 2:13

Nãskaxõ mã Niosnoa shinãyopaonima. Nãskafiano Cristo Jesús matoõnoax naino, ãfe imi foni mã afe ipaxanõ.

Efesios 2:3

Nõri askafapaoni, nã nõ afara chakafapaiyaifo keskara nõ apaoni. Afara chaka shinãmiskõifo nõ ipaoni. Epa Niospa nã nikayospamisfo ato omiskõimanaitĩa ato omiskõimakõixii. Nõri ato keskaraxõ nõ afara chakafaito nã ato akai keskafakĩ nokori omiskõimakerana. Akka nõ afara chakafafiato noko omiskõimatama. Niospa noko fãsi noisharakõimis, noko shinãkõikĩ noko omiskõimapaima. Noko chakafapaimisma.

Efesios 4:17

Jesucristo ea ĩkinã aõxõ ẽ mato yoinõ. Ea nikasharakõikãfe a Jesús Ifofamisfãfema fanĩrira chaka fisti yoimisfo fanĩrira shinã kakĩ. Nãskakẽ tsõa shinãsharaima. Nãskakẽ ato keskara iyamakãfe.

Efesios 4:22

A Nios tãpiamax mã iyopaoni anori anã shinãyamakãfe. Fanĩrira mato Satanás shinãmayopaoni mã chaka inõ.

Efesios 5:6

Õisharakakĩ yora fetsafãfe anorima mato yoipaikani fanĩrira ãa mato pãrakakĩ. Askara yorafãfe Nios nikakaspakakĩ chakafakani. Askaito õikĩ Niospa ato kopikiri chakafaxii atoki õitifishkikĩ.

Efesios 5:8

Mã fanĩrira shinãyopaoni mãto õiti oa fakish keskara ikax, akka iskaratĩa mã Cristo fe rafeax a mã iyopaoni keskara anã mã shinãima. Mãto õiti xafasharakõia mã ika. Nãskara shara. Mẽxotaima isharakãfe.

Efesios 6:12

Akka nõkai yorakõifo fe mẽenãima. Askatamaroko nã niafaka yõshi chakafo fe nõ iki, kerexkai noko afara chakafamapaiyaifono. Nãfãfe nõ õiamafiaino noko afara chakafamapaikani. Nã niafaka yõshi chakafo ichapakõifo.

Colosenses 1:21

Mãto õiti mẽraxõ mã Nios noikaspayanã, mã chakakõi fapaoni. Nãskata mã Nios fe rafeyamata, afe yorarikai mã ipaonima.

2 Timoteo 4:10

Demãs afarafo fichipaikĩ ea nonoa õifaiti, Tesalónica ano kakĩ. Askatari Crescenteri kati Galacia ano. Askatari Titori Dalmacia ano kati.

Stg. 1:27

Askatari nõ Jesús Ifofasharaxõ fakefo apamaisfoya, kẽro ifomafafori nõ ato kexesharatiro, omiskõiaifãfe. Nãskatari nõ Jesús Ifofasharaxõ a afara chakafaifo keskara nõ atiroma. Nõ aska sharaito noko õi nokoki Jesús inimatiro. Nãskarafo nõko Ifo Jesús keskara sharakõi ikani.

Stg. 4:4

Akka kẽro feneyafiax feronãfake fetsafo fe imis keskarakõi mãri nãskarakõi. “Jesús ẽfe Ifoki,” ifiaxõ mã Jesús Ifofakõinama. Nã mã shinãi keskara chakakõi. ¿Mã tãpiamamẽ mã fetsafo feta afara chakafakĩ, mã Nios noima? A Niospa fichipaiyaima, mã fichipaiax mã Nios fe rafetiroma mãmãi noikaspakĩ.

1 Pedro 1:14

Mãfi Niospa fakefoki. Nãskakẽ Epa Nios nikasharakõikãfe. Mato amapaiyai keskara mã tãpiyopaonima. Mã afara chakafapaoni keskara anã ayamakãfe.

1 Pedro 4:3

Mã xini ichapa finõa, nã Jesús Ifofaafãfema apaonifo keskara mã ayopaoni. Nã mã afara chakafapaiyai keskara fisti mã ayopaoni. Mãto ãfimafo mã fichipaipaoni. Kẽrofori askapaonifo. Askatari mẽxotaima mã pãepaoni, ato fe ichanãx afarafo chakafayanã ayakĩ finakõiyanã. Askatari afara fetsafo mã noikõipaoni nã Nioskõi noitama.

2 Pe. 2:14

Askatari kẽro fetsa õikakĩ akiki nokofenepaikakĩ chotapaimisfo, chaka fisti shinãmisfo. Akka kẽromã Jesús Ifofayamaxõ ato fichipai ato fe ixiki. Askatari a chanĩmisfãfe Jesús Ifofasharamisfoma ato chakafamapai ato feta afarafo chakafanõfo ato õikakĩ. Askatari ato afama mĩshti ato fichipaimisfo mã askara feyafamisfo. Niospa nã keskara yorafo ato omiskõimani omiskõipakexanõfo, yora chakafomãiano.

1 Juan 3:10

Fetsafãfe afara chakafamisfo, afokai Niospa fakefoma. Afofi aa ranã noinãkanima. Askarafo Niospa fakefoma. Afofi Satanás fakefoki. Nãskakẽ Satanás fakefo nõ tãpitiro. Nãskafakĩri Niospa fakefo nõ tãpitiro.

1 Juan 3:8

Akka nã afara chakafamisfo Satanás fe rafeafo. Nã Satanásmãi taeyoi õiti chakaya inino, iskaratĩari nãskara. Nãskaxõ Satanás keyokõi yorafo afara chakafamapai. Nãskakẽ Niospa ãfe Fake nokoki nĩchini. Noko nãxoxiki nokoki fotoni, nõko chaka noko soaxoxiki. Nomakinoa Satanás potatiro noko afara chakafamapaiyaito. Nãskakẽ Jesucristo Satanás finõinĩfofana.

1 Juan 4:4

Akka mãroko askaramakĩ efe yorafãfe, Niosfi mãto Ifokõikĩ, mãfi Niospa yorakõifokĩ. Ãfe Yõshi Shara mã mãto õiti mẽra nanea. Akka a anorima shinãifo askarafoma, Satanás yõshi ãto õiti mẽra nanea. Akka Niospa Yõshi Shara mato mẽra naneano mã Satanás finõkõia.

1 Juan 5:19

Mã nõ tãpia nõ Niospa fake. Akka fetsafãfe Nios nikakaspaifono, afo Satanás ato shinãmani ãto ifo inõfo.

1 Juan 5:4

Nãskakẽ nõ Epa Niospa fakexõ afara chakafãfe noko amapaiyai keskarakai nõ atiroma. Niospa Fake Jesucristo chanĩmara faxõ afarafãfe noko afara chakafamapaiyai keskara nõ finõtiro.

Apocalipsis 13:14

Satanáõxõ nãskarifakĩ yorafo pãra niosra fanõfo. Askafata ato yoia: “Nã yoinã põfe keskara retefiafono mã otoa nã nimofonõfã faxõ inãkãfe a keskara faxõ,” ixõ ato yoia.

Apocalipsis 13:8

Askafaxõ yoisharaxikani akiki inimakakĩ: “Mĩ fãsi finakõia, mĩ nõko nioskõi,” ixõ yoixikani akiki inimakakĩ. Askaifãfe tãpixõ nõko Ifo Niospa atoki kirika keneama a Ifofaafãfema õikĩ. Mai onifataima mã tãpixõ Niospa ãto anefo ãfe kirikaki keneni fatofãfe Jesús Ifofaimãkai. Akka nã Jesús ovejanã fake keskara noko nãxoni noko ĩkipakexakĩ.

Apocalipsis 16:17

Askata Niospa ãjiri fẽtsa anã nai mẽraxõ ãfe kecho mẽranoa nachia. Mã nachiano Epa Nios meka fãsikõi iskai: “Mẽ keyokõi aka,” ixõ yoiaito ẽ nika.

Apocalipsis 20:2

Tsomaxõ nã ronõfã keskara achia. Nã ronõfã keskara nã niafaka chakakõi Satanás. Nã achixõ nexa.