Efesios 2:19 - Yaminahua

¹⁹ Nãskakẽ iskaratĩa mã anã Nios chaifaama mã afe yorakõifo. Nãskakẽ iskaratĩa a Jesús Ifofamisfo fe a rama Jesús Ifofaifo Niospa yorakõifo.

Efesios 2:19 ပူးပေါင်းရင်းမြစ်များ

Mateo 10:25

Akka a aõxõ tãpimisfo a ato tãpimamis keskara ikani. Askatari a yonoxomisfo ãto patoro keskara itirofo. Nãskax mãri ea keskara ixii. Nãskakẽ nã ea chakafamisfo keskafakĩ matori chakafakakĩ finakõixikani. Nãfãfe ea noikaspakakĩ ea yoimisfo iskafakakĩ: ‘Mĩ niafaka yõshi chakafãfe xanĩfo. Mĩ Beelzebú,’ ixõ ea yoimisfo. Ẽ mãto Ifofekẽ ea askafamisfo. Akka matori askafakakĩ finakõixikani,” ixõ Jesús ato yoini.

Gálatas 6:10

Nãskakẽ afeskaraifãfe õikĩ keyokõi ato axosharafafãikãfe. Nãskatari a Nios Ifofaafo ato noisharayanã ato axosharafafãikãfe.

Efesios 2:12

Akka shinãkapo. Taeyoi mãkai Cristo fe iyopaonima. Epa Niospa israelifo ato katoni keskafakĩ matorikai katoyonima mã ato fe afe yorafo ipanã. Afe yorafo yoiyoni keskafakĩ matorikai yoiyonima. Mã shinãkĩ iskafani: “Ooa. ¿Nõ afeskatiromẽ nõko chaka noko soaxonõ nõ Nios fe ipaxanõ?” ixõ mã shinãpaoni. Nãskatari nã Nios chanĩmara faafoma mẽra mã iyopaoni. Mã Nios fe rafexoma mã tãpiyopaonima.

Efesios 3:15

Nãmãi nai mẽranoafo feta nono mai anoxõ nã Ifofaafãfe ãto Epakẽ, nãato ẽfe fakefora noko famis.

Efesios 3:6

Akka na meka sharakai tsõa Jesúsnoa tãpiyopaonima. Akka yora fetsafori Epa Niospa afe yorafo itirofo. Nãskakẽ iskaratĩa matori Niospa tãpimani, judeofoya yora fetsafo Jesúsnoax Niospa fakefo mã inõ. Nãskakẽ Epa Niospa ãfe kaifo judeofo yoiyoni keskafakĩ Jesucristoõxõ akairi fitirofo.

Filipenses 3:20

Akka nõfi askaramakĩ, nõ Niospa fakefokĩ nõ afe nai mẽra ĩpanaka. Akka nõ manai a noko Ifimis nai mẽranoax oxõ noko ifiyonõ, nõko Ifo Jesucristo.

Hebreos 11:13

Nã ẽ yorafoõnoa mato rama yoia keskara atoõnoa ẽ mato yoinõ. Nã yorafo nai mitokomenifo a Niospa ato yoiyoni keskara fikanaxma. Akka askafikaxõ chanĩmara fakakĩ ato shinã mẽraxõ oa õiai keskara fanifo. Nãskakẽ inimakõinifo. Nãskakanax yoinãnifo iskakani: “Nonokai na mai ano nõ ipanakama, mai fetsa ano nõ ixii,” ikax yoinãnifo.

Hebreos 13:14

Nono mai anoax nõ omiskõifikĩ nõ shinãchakaima, mã nõmãi tãpiax nono mai ano nõ ipanakama. Askatari mã nõ tãpia a Nios ika ari nokoax nõ afe ipanaka. Nãskakẽ nã nõ manasharamis.

1 Pedro 2:11

Efe yora mĩshtichi, ẽ mato yoisharapai ea nikasharakãfe. A Nios Ifofaafomafo fe nõ ato fe ikax oa yora fetsa keskara nõ iki. Askafiax nõkai ato fe ipanakama. Akka nõroko Epa Nios fe ĩpanaka. Nãskakẽ nã Epa Nios Ifofaafoma keskara iyamakãfe. A mato shinãmapaiyaifo keskara shinãyamakãfe. Mã ato keskara itiroki, Satanás mato chakafamapai kiki.

1 Juan 3:1

Epa Niospa noko noikõi. Shinãfãi ikãfe. “Ẽfe fakefora,” noko famis. Akka nõ ãfe fakekõifo. Akka nã yora fetsafãfe Jesucristo shinãifoma Nios tãpiafoma. Nãskafakĩri nokori tãpiafoma, nõ Niospa fakefofiano.