Efesios 1:3 - Yaminahua

³ Nõko Ifo Jesucristo ãfe Apa Niospa noko afara sharafo noko shara famai, nai mẽraxõ nõ õiamafiaito nõko õiti mẽra noko inimamasharai nõmãi ãfe fakefokẽ. Nãskakẽ nõ yoisharai nõ inimasharakõi Epa Nioski.

Efesios 1:3 ပူးပေါင်းရင်းမြစ်များ

Lucas 2:28

Simeón atoki oxõ inimayanã Jesús yome pishtakẽ chishtoinĩfofãni, mã tãpixõ. Nãskafaxõ Nios yoisharani iskafakĩ:

Juan 14:20

Naax ẽ otoaito mã ea tãpitiro ẽmãi Epa Nios fe nĩpanakakẽ. Nãskarifiai mã efe ixii. Ẽri ẽ mato fe ixii.

Juan 20:17

Askafaino, “Ea ramãyamafe. Ẽfe Epa ari ẽ kaamaki. Akka ea ramãkima efe yorafo ea ato yoixotãfe, mã ẽfe Epa Nios ari ẽ kaikai. Nã ẽfe Epari mãto Epaki. Nã ẽfe Niosri mãto Nioski, ato fatãfe,” fani.

Romanos 12:5

Nãskarifiai nõko Ifo Cristo fistikõi. Akka nõfi ãfe põya keskarata, ãfe fero keskarata, ãfe tae keskarata nõ iki fetsea yora fisti fiax.

Romanos 15:6

Nãskakẽ nõko Ifo Jesucristo ãfe Apa nõ yoisharai. Nãskax nã meka fistipa nõ mekai keskarakõi Epa Nios yoisharakĩ nã yora fisti keskara.

1 Corintios 1:30

Niosnoax Jesucristo afe yorafo mã inõ. Jesucristoõxõ noko mẽstekõi tãpimani ãfe õiti keskara noko imaxii. Noko nãxoni noko chaka soaxoxiki nõ afe nĩpaxanõ.

1 Corintios 12:12

Nõko yora fistifiano nõ põyayai fetsea. Askata nõ feroyata, pachoyata nã nõ fisti askai fetsea. Nãskarifiai nõ keyokõichi Cristo Ifofaano nã fisti keskarakõi.

2 Co. 1:3

Nõ Epa Nios yoisharanõ iskafakĩ: “Epa Niospa, mĩ noko sharafa fafafãini. Mĩ sharafinakõia. ¡Aicho!” ixõ nõ Epa Nios yoinõ. Nãfi nõko Ifo Jesucristo ãfe Apaki. Nãatori noko noisharakõi. Askatari nõ omiskõiaito noko inimamatiro. Akka nã nõ meemis keskara mei, fetsa omiskõiaito nõ inimamatiro, nã Epa Niospa nõ omiskõiaito noko inimamamis keskafakĩ.

2 Co. 11:31

Nã Nios fisti nõko Ifo Jesucristo ãfe Apa, nãato tãpikõia ẽkai chanĩmisma. Iskafakĩ nõ yoinõ: “Epa Niospa, mĩ sharafinakõia,” ixõ nõ yoipakexanõ.

2 Co. 5:17

Nãskakẽ Cristo nã Ifofaafo ato shinã fetsafaxõa anã shinãyopaoni keskara inõfoma, fena keskara shara inõfo. A Niospa fichipaiyai keskara fena keskara nõ ixii. Keyokõi fena keskara ixii.

2 Co. 5:21

Akka Cristo afaa chakafapaonima. Nãskafikẽ Apa Niospa nõko chakafo akiki nĩchini. Cristo afaa chakafayamafiakatsaxakĩ noko nãxoni Epa Niospa noko omiskõimayamanõ. Nã yora chaka keskarax nõko chakafoõnoax Jesús nani. Nãskakẽ nõ Jesús Ifofaino Niospa noko õitiro sharakõi nã nõ afaa chakafamisma keskara, nokoki inimakõikĩ.

Gálatas 3:9

Nãskakẽ Abraham chanĩmara fani keskafakĩ, akairi chanĩmara faifono Epa Niospa ato sharafaxõi, Abraham sharafaxoni keskafakĩ.

Efesios 1:17

Niospa ãfe Fakekõikĩ Jesucristo. Nãskax sharafinakõia. Nãskakẽ ẽ mato kĩfixokĩ iskafamis: “Epa Niosi, mĩ Yõshi Sharapa na Efeso ano ikafo ato tãpimasharakõife mia xafakĩakõi tãpisharakõinõfo.

Efesios 3:10

Nãskakẽ Niospa ea nĩchini ãfe meka sharaõnoa ẽ ato yoinõ akairi Nios tãpinõfo. Tãpikanax oa ato fe yorakõifo keskara ixikakĩ Jesúsnoax. Mã askaito nai mẽraxõ a xanĩfo tiito askara õikĩ tãpisharatirofo. “Chanĩma, Niospa tãpikĩfinakõia,” fatirofo.

Efesios 6:12

Akka nõkai yorakõifo fe mẽenãima. Askatamaroko nã niafaka yõshi chakafo fe nõ iki, kerexkai noko afara chakafamapaiyaifono. Nãfãfe nõ õiamafiaino noko afara chakafamapaikani. Nã niafaka yõshi chakafo ichapakõifo.

Filipenses 2:11

Nãskafaifono keyokõichi tãpixikani, “Jesucristo nõko Ifora,” faifono. Askafakãki Apa Niosri inimamakõixikani.

Hebreos 8:5

Akka nono mai anoxõ nã Leví fenafãfe a anoxõ Nios kĩfiti karapa pexe mẽraxõ yonopaonifo. Nãnoxõ ãto kaifo israelifo tãpimapaikakĩ Nios ika ari afe keskaramãkĩ tãpinõfo. Askafixõ askarakõi tsõa tãpiyonima. Nãskakẽ Epa Niospa Moisés yoini iskafakĩ karapa pexe fayoamano: “Ẽ mia yoiai keskafakĩ a anoxõ ea kĩfiti karapa pexe fafe. ¿Mã mĩ shinãimẽ ẽ mia machi anoxõ tãpimana keskara nãskakõi fafe karapa pexe fakĩ? Nãskakẽ a yonomisfo tãpimafe nã ẽ mia yoiai keskarakõi fanõfo,” ixõ Epa Niospa Moisés yoini.

Hebreos 9:23

Nã anoxõ Nios kĩfiti karapa pexe mẽranoa keskarakõifo Nios ika ari. Nãfoki ato Nios kĩfixomisfãfe yoinã imi saanifo Niospa afo õisharanõ. Akka a karapa pexe mẽranoa imifo sharafiano afãfe nõko chaka noko soaxotiroma. Askatamaroko nã Cristo nokoõnoax nai fistini nõko chaka noko soaxoxiki. Noko chaka soaxonano Nios ika ari nõ katiro, a keskara shara afe ipaxakĩ. Askatari anokai a anoxõ Nios kĩfiti karapa pexe keskarama. A Nios ika ano sharafinakõia.

1 Pedro 1:3

Nãskakẽ nõko Ifo Jesucristo ãfe Apa Nios nõ aicho fatiro: “Mĩ fãsi sharakõi,” ixõ nokomãi noikõiaino ãfe Fake Jesucristomãi nõkoõnoax naax anã otonikẽ. Nãskaxõ fake yome rama kãia keskara shara noko imai õiti fenasharayakõi. Nãskakẽ nõ afe isharakõipakenaka.