Apocalipsis 8:13 - Yaminahua

¹³ Ẽ nãfo õiaino tetepafã keskara keya yoyaito ẽ nika. Fãsikõi mekayanã yoia iskafakĩ: “¡Ooa! Yorafãfe Nios nikakaspakanax omiskõikani finakõixikani. Niospa ãjiri tres fetsafãfe ãto maneti chãi chãisafaifono mai ano ikafo omiskõifinaxikani,” ixõ tetepafã keskarato yoia.

Apocalipsis 8:13 ပူးပေါင်းရင်းမြစ်များ

Hebreos 1:14

Akka Epa Niospa ãfe ãjirifo yoini noko kexesharanõfo. Fatorafãferi Jesús Ifofaafomãkĩ afe ipaxakakĩ. Nãskakẽ Niospa ãfe ãjirifo yoini a Ifofaafo kexesharanõfo. Nãskakẽ nõ tãpia ãjirifo Jesús finõkõia.

Apocalipsis 11:14

Mã afo askayoa anã chipo finakõixii.

Apocalipsis 12:12

Nãskakẽ mãri nono nai mẽranoax inimakãfe Niosnoax. Nã chanĩmara faafãfe Jesúsxõ mã Satanás finõkõiafo. Akka Satanás Niospa nãmã potani nai mẽraxõ. Askafaino õitifishkiki nãmã fotoxõ yorafo chakafapaikõi. ¡Ooa! Yorafo ono mai anoax fe fakafã mẽranoaxri omiskõikani. Satanás mã tãpia afetĩara Jesús mai ano fotoai tsõa anã afaa chakafanõma. Nãskara mã tãpiax Satanás õitifishkikõikĩ keyokõi maifo anoafo ato chakafamapai omiskõinõfo Jesús fe ĩpaxanõfoma,” ixõ nai mẽranoax mekaito ẽ nika.

Apocalipsis 14:3

Fana fena tsõa nikayomisma Epa Nios ferotaifi fanãixõafo. Nãnoxori nã cuatro Niospa onifanifãfe nikakani. Askatari nã veinticuatrofãfe nikakani. Nã ciento cuarenta y cuatro mil nono mai anoa Jesús ato ifini, nãfãfe na fana fena tãpitirofo. Tsoa fẽtsakai tãpitirofoma.

Apocalipsis 14:6

Askata ẽ õia Niospa ãjiri fẽtsa nai mẽra ika fãsi keyakõi yoyakĩ keyokõi yorafo maifo tii anoafo ato meka shara yoia. Yorafo keyokõi yoita, xoko fetsafo tii yoita, nã meka fetsa fetsatapafãfe meka yoimisfori yoita, nã mani fetsafo tiiri ato meka shara yoia. Epa Nios nipanakaõnoa ato yoia.

Apocalipsis 19:17

Askatari ẽ õia ãjiri fetsa xini ano nĩxõ fãsikõi yoia iskafakĩ: “Xanĩfofo ikaino, sorarofo ãto xanĩfofo ikaino, ãto xanĩfofo fe rafea ikaino, feronãfakefo mitsisipafo ikaino, kamayofo ikaino, a kamayofo kamaki tsaoafo ikaino, keyokõi Niospa meka nikakaspamisfo ikaino, ato yonomatifoma ikaino, a ãto yonomatifo ikaino, yora afamafori ikaino, a yora finakõiafo ikaino, keyokõi Niospa ato namaxii,” ixõ yoia. Nãskakẽ ishpifo ato yoia: “Fekãfe ãto nami pixikakĩ,” ixõ nã ãjirinĩ ishpifo kena.

Apocalipsis 3:10

A ẽ mato yoimis anori mã isharakõia omiskõifikĩ mã tenekõimis ẽfe meka nikakatsaxakĩ. Mã eõnoax omiskõifikĩ mã tenekõimis. Nãskakẽ mã ea shinãmakimismano ẽ mato kexesharaxii a omiskõiai nokoaino nã maitio. Keyokõi omiskõixikani ea Ifofayamakanax.

Apocalipsis 8:2

Nishparakaifono ẽ õia Niospa ãfe ãjirifo siete a ketaxamei niafãfe, nãfãfe Niospa ato yoimis keskara anõfo. Niospa ato tii maneti inã nã ato yoiaitĩa ãto maneti chãi chãisafanõfo.

Apocalipsis 9:1

Askatari Niospa ãjiri fẽtsa ãfe maneti chãi chãisafaino nai mẽranoax oa fishi keskara nãmã pakeaito ẽ õia. Nãskata nã niafaka chakafo kinĩfã fakishifã mẽra ikafo ano kaa. Nã kinĩfã fepotiya. A mẽranoaxkai kãitirofoma. Akka nã nai mẽranoax nãmã pakea Niospa chavis inã aato kinĩfã fakishifã mẽranoa ato kãimanõ.

Apocalipsis 9:12

Akka taeyoi a omiskõiaifo mã finõfiano, akka nãno raferi a finakõia finõama.