Apocalipsis 6:4 - Yaminahua

⁴ Nãskafaino kamayo fetsari õshi nokotoshia. Nã kamayo kamaki tsaoa fetsari ẽ õia. Keno chainipa Niospa inã aya katanõ maifo tii anoafo ato shinãmatanõ anã isharanõfoma noikaspa faatanãkanax retenãnõfo.

Apocalipsis 6:4 ပူးပေါင်းရင်းမြစ်များ

Mateo 10:34

Anã Jesús ato yoini iskafakĩ: “¿Mã shinãimẽ maitio anoax keyokõi yorafo eõnoax inimanõfo ẽ oni? Maa. Anorima. Akka nã ẽ mato yoiai keskara tsõa anoris shinãkanima. Akka nã ea chanĩmara faifãfe shara shinãifono akka nã ea chanĩmara faafãfema afara fetsa chakafo shinãkani.

Mateo 24:6

Nãskaxori mã nikaxii yorafo retenãifãfe chai inoax. Nãskatari nonoaxri askaxikani retenãkani. Askara õi, rateyamakãfe. Nã ẽ mato yoimis keskakõi kiki. Nãskafiax nõko mai fena keyoxima kiki, chipo ixii.

Juan 19:11

Jesús kemani: “Niospa mia xanĩfo imayamainokai mĩ ea afeska fakeranama. Akka mĩ ea ato mastamanax mĩ chaka iki. Akka nã ea mikiki efea nã chakafinakõi iki mĩ ea reteano,” Jesús fani.

Apocalipsis 12:3

Askainori fetsari ẽ õia a tsõa õiyomisma keskara nai mẽranoax. Nã Satanás oa ronofã keskara efapanãfakõi õshimãfa, askai mapo ichapayakõi siete mapoya, askai a ãto xanĩfokõichi maiti sharakõi keskara maiya siete faxõ, askatari ãfe mãxofori diez ika.

Apocalipsis 13:10

“Nã Satanás ifofaafãfe mato karaxa mẽra ikimakaki mato ikimaxikani. Askatari mato kenopa retekakĩ mato retexikani.” Nãskakẽ efe yora mĩshtichi, shinãchakayamakãfe. Nã nõ Jesús chanĩmara faafo tii nõ omiskõifikĩ, nõ tenekõixii nõko Ifo Jesús shinãmakitama.

Apocalipsis 17:3

Ea askafaino ẽ anã namakẽ õia keskara ẽ õia. Epa Niospa Yõshi Sharaõxõ ãjirinĩ ea iyoa tsõa istoma ano ea iyoa. Nãnoa kẽro ẽ õia yoinã põfe õshikõi kamaki tsaokẽ. Nã yoinã põfekõi ãfe yora tiixõ ane ichapato kenea ika. Keyokõi nã anefo kenekĩ Nios mekafakĩ chakafaa. Nã yoinã põfe ãfe mapo sieteya. Ãfe mãxo diezya.

Apocalipsis 17:6

Nã kẽro feroma keskarato Jesús chanĩmara faifo ichapakõi ato retea inimayanã. Nãskaito õikĩ tãpia. “Choo, na kẽromãtsi ato retemiski,” ixõ ẽ shinã.