Apocalipsis 5:5 - Yaminahua

⁵ Askata nã veinticuatro xanĩfofofãfe Jesús Ifofamis fẽtsa ea iskafaa: “Oiayamafe. Õipo. Nõko Ifo oa ono nia. Cristo fisti nõko xanĩfo finakõi. Afama mĩshti atiro. Tsoa a keskarakõima. Nõko xinifãfe ãto xanĩfo ipaoni David ãfe fena Jesús. David xanĩfo finakõia ipaofinikẽ, Jesús finõkõia. Keyokõi ato finõa. Satanás finõta, a xanĩfo fetsafori ato finõkõia Jesús. Iskaratĩa nono Epa Nios fe ika. Nãskakẽ na siete taxtati Jesús noko fẽpexotiro nã kirika nõ õinõ. Nãskakẽ anã oiayamafe,” ea faa.

Apocalipsis 5:5 ပူးပေါင်းရင်းမြစ်များ

Lucas 23:28

Nãskaifono Jesús ato õikĩ ato yoini iskafakĩ: “Kẽrofo Jerusalén anoafofãfe, eõnoax õiayamakãfe, eõnoax õiakĩmaroko mãa ranã oia faatanãkãfe, mãto fakefoõnoaxri oiakãfe.

Lucas 7:13

Nã kẽro ifomafa oiaito õikĩ, Jesús shinãkõikĩ yoini iskafakĩ: “Oiayamafe,” fata,

Lucas 8:52

Pexe mẽra ikifaikaxõ õiafo keyokõi oiakani fiisinifo shinãkani nã fake xotofake mã naano. Akka Jesús ato yoini: “Oiayamakãfe. Na fake xotofake naamakĩ oxaki,” ato faino,

Juan 20:13

Nãskaxõ Niospa ãfe ãjiri rafeta yoini: “¿Afeskai mĩ oiaimẽ?” faifono, “Ẽfe Ifãfe ãfe yora mã fakira oneafo ẽ tãpiama,” ato fani.

Romanos 1:3

Niospa Fakeõnoa meka shara kenenifo a inõpokoai keskafakĩ. Jesús Niospa Fakekõifiax David ãfe xini ini. Nã David nõko xinifãfe ãto xanĩfokõi ipaoni.

Romanos 15:12

Isaías aatori iskafakĩ kirika keneni: Nõko xini Isaí ãfe fena na maitio ikafãfe ãto xanĩfo ixii. Shinãxikani iskafakakĩ: “Nã fistichi Nios ika ano noko ifitiro nõ afe ĩpaxanõ, nõ anã nanakama,” ixõ shinãxikani, ixõ Isaías kirika keneni Cristoõnoa yoikĩ.

Apocalipsis 1:1

Efe yora mĩshtichi, iskaratĩa ẽ mato kirika kenexõ fomai mã tãpinõ. Ẽkĩa Juan ẽ mato kirika kenexõ fomai. Nai mẽraxõ Epa Niospa Jesucristo yoini afe keskara a inõpokoaifo nãmãnoafo a yonoxomisfo tãpimaximãkai. Askafaito nikakĩ Jesús ãfe ãjiri ekeki nĩchia. Anoxori ea ãjirinĩ yoinõ afe keskara ikimãkai nãmãnoafo. Ea õimanaito mẽ õia a inõpokoaifo xafakĩakõi. Askaito õikĩ ẽ kirika kenea a inõpokoaifo anori a Niospa Jesús yoia anorikõi mã tãpisharakõinõ.

Apocalipsis 22:16

“Ẽkĩa Jesús, ẽfe ãjiri matoki nĩchia ẽ mia yoia keskara nã ea Ifofaafo tii ichanãfo anoxõ ato tãpimanõ. Ẽkĩa David ãfe fena. Ẽfi nã fishi efapa penaino õimisfo keskarakĩ. Nã fishi õikĩ nõ tãpitiro mã penaino. Nãskarifiai mẽ chaima oaino tãpikanax itipinĩsharatirofo Jerusalén Fena mẽra efe ipaxakakĩ,” ixõ Jesús ea yoia.

Apocalipsis 3:21

Fẽtsa afara chakafakĩ xatexõ ea Ifosharafai nã ẽfe Epa Nios ika ano efe ipasharatiro. Nãato Satanás finõa. Ẽfi xanĩfokõikĩ ari efe xanĩfo itiro. Ẽ Satanás yafi niafaka chakafo finõkõia. Ẽfe Epa Nios ika ano afe xanĩfokõi ẽ ika. Nãskarifiai fẽtsa ãfe chaka kachikiri fakĩ, ea Ifosharafaxii ẽ ika anoax ari efe xanĩfo ipaxatiro.

Apocalipsis 4:4

Nã nõko Ifo tsaoa ano a kematai veinticuatro tsaotifo ẽ õia. A tsaoti kamaki feronãfakefo tsaoafo ikafo. Nã feronãfakefo Jesús Ifofamisfo ikafo. Afãfe nã ato chanĩmara faifo ato kexemisfo ipaonifo. Ãto rapati oxo sharakõifo mãmãi ato Niospa ãfe chaka soaxonikẽ. Askatari xanĩfãfe maiti keskara oro sharakõi safeafo ika.

Apocalipsis 5:4

Nãskakẽ ẽ oiai finakõiyanã iskafakĩ yoia: “¡Ooa! Xanĩfo afaa chakafamisma tsõa fichiama na kirika noko fẽpexopanã a mẽra nõ õipanã,” ixõ ẽ shinã.

Apocalipsis 6:1

Nãskata ẽ namakẽ õiai keskara ẽ anã õia. Jesús oveja fake keskara nãato noko nãxoni nãato nã kirika ãfe taxtati fisti fẽpeaito ẽ õia. Fẽpeaino ẽ nika nã cuatro Nios onifaa fetsa fãsikõi mekaito nai tiri ikai keskara: “Niri ofe,” ikaito.

Apocalipsis 7:13

Nãskata nãnoa xanĩfo fẽtsa ea yõka: “¿Na yorafo rapati oxo chainipa safeafo tsoamẽ? ¿Fakiax feafomẽ, mĩ tãpiamẽ?” ixõ ea yõka.