Apocalipsis 5:1 - Yaminahua

¹ Askata ẽ anã õia oa ẽfe namapa õia keskara nã ẽ mato yoinõ. Nã mifi kayakai aõri nõko Ifo Nios tsaoano ẽ õia kirika kataramea takai rafe kenea ẽ õia, siete taxtati aõ neekẽ.

Apocalipsis 5:1 ပူးပေါင်းရင်းမြစ်များ

Apocalipsis 10:2

Kirika fepekemea tsomax nia ika. Ãfe tae kayakai aõri fakafã femãkĩa paia. Akka ãfe tae oshkiori mai ano paia ika.

Apocalipsis 4:3

A ẽ õimismafo ẽ õia sharakõifo. Nãskakẽ ẽ tãpia. Nioskõirokomẽ ẽ faa. Askaito ẽ õia fafesharakõiaito. Iskara ẽ õia. Tokiri rafe ãto ane jaspe fe cornãlinã nã rafesharakõi fakka fakka sakõini. Nãskara ãfe femãnã ẽ õia. A ãfe tsaoti ano oa nãfa fai nana keskara ẽ õia fafesharakõiaito.

Apocalipsis 4:9

Nãskakẽ aõnoax fanãikafo iskakani: “Epa Niosi, mĩ fisti nõko Ifo. Fato fetsakai na mĩ ikai keskarama. Mĩfi nĩsharapakenakaki. Mĩ sharakõi. Mĩ afaa pishta chakafamisma. Mĩ askaito nõ mia Ifofasharakõi. Aicho Epa Niosi. Fato fetsakai mia keskarama,” ixõ Nios fanãkafo. Mã askafono nã Jesús Ifofamisfo veinticuatro xanĩfofo nõko Ifo Nios ãfe tsaotiki tsaoano a nãmã feopakefofãnafo. Feopakefofãkata, ãto maiti tsekakata feofafo Nios nãmã mãmãi askafakatsaxakakĩ. Nãskaxõ yoiafo iskafakakĩ: “Nõko Ifo Nios mĩ noko maiti inã keskari fakĩ nõri miari mini. Mĩ noko inãfikẽ nõ mia fãsi noikĩ na maitifo nõ mia mini. Meres fisti mĩ noko ĩkitiro. Mĩ noko ifimis. Akka mĩ nõko Ifokõi itiro.

Apocalipsis 5:13

Askata ẽ nika keyokõi nai mẽranoafo tii fanãikaifono, mai anoafori fanãikaifono ẽ nika. Mai mẽranoafori ẽ nika. Fakafã anoafori fanãikaifono iskakani: Epa Nios ãfe tsaoti ano tsaoa, ãfe Fake Jesús oveja fake keskara, nã rafe nõko Ifo isharakõimisfo. Keyokõichi mã sharakõira ato fapanakafo. Mares fisti mã nõko Ifo itiro. Mã afama mĩshti atiro. Nãskara mã ĩpanaka, ikanax fanãikafo.

Apocalipsis 5:7

Akka Epa Niospa nã kirika ãfe mifi kayakai aõri tsomakẽ Jesús fĩa.

Apocalipsis 6:1

Nãskata ẽ namakẽ õiai keskara ẽ anã õia. Jesús oveja fake keskara nãato noko nãxoni nãato nã kirika ãfe taxtati fisti fẽpeaito ẽ õia. Fẽpeaino ẽ nika nã cuatro Nios onifaa fetsa fãsikõi mekaito nai tiri ikai keskara: “Niri ofe,” ikaito.

Apocalipsis 6:16

Askata fiisikafo iskayanã: “¡Ooa! Epa Nios nai mẽra ikato ãfe Fake Jesús fe iskaratĩa nokoki õitifishkikõina. ¿Nõ afeskatiromẽ omiskõiyamaxiki? Tsõakai Nios timamatiroma noko omiskõimayamanõ. Nã mãchi keya anoa tokirinĩfã nokoki pakepainõ Niospa noko fichinõma nõ omiskõinõma,” ixõ nã nikakaspamisfãfe yoiafo.

Apocalipsis 8:1

Mã kirika ãfe taxtati keyoano Jesús fẽpeaito ẽ õia namakẽ õiai keskara. Nã seis taxtati taefakĩ fẽpeyoa. Akka iskaratĩari fetsari fẽpea mã keyoaino. Fẽpeano Nios ika ano nai mẽranoax keyokõi nishparakafo. Media hora nishparakayoafo.