Apocalipsis 2:4 - Yaminahua

⁴ Mã anori shara shinãfimiskẽ ẽ anã meka fetsari yoinõ. Taefakĩ mã ea noiyopaonixakĩ anã iskaratĩa mã ea anã noisharaima. Mã mã ea shinãmaki fetsea.

Apocalipsis 2:4 ပူးပေါင်းရင်းမြစ်များ

Mateo 25:7

Nãskakẽ nã kẽro xomayafo moinĩfofãkata itipinĩ fakĩ fetsanifo ãto rãparifo õtaketsakakĩ.

Filipenses 1:9

Ẽ mato Nios kĩfixokĩ iskafaxõfafãini, mã nõinãi finakõinõ, askatari mã tãpisharakõixõ nikakõisharayanã mã tãpikõinõ.

2 Tesalonicenses 1:3

Efe yora mĩshtichi, mã taefakĩ mã Nios chanĩmara fani. Nãskakẽ iskaratĩa mã chanĩmara fakĩ finakõia. Askatari mã rama Nios Ifofaax mã nõinãsharakõini. Nãskakẽ iskaratĩa mã nõinãifinakõi. Nãskakẽ nõ matoõxõ Nios kĩfikĩ iskafa fafafãini: “Aicho Epa Niosi, mefe yorafãfe Tesalónica anoafãfe mia Ifokõi faafoki,” ixõ ẽ mato kĩfixõfafãini.

Apocalipsis 2:14

Akka nãno afara fetsa a sharama ẽ mato yoipai. Fatora mã fetsa a Balaam afara chaka yoini keskara mã shinãmakikaspai. Akka taeyoi xanĩfo Balac israelifo chakana famapaini. Nãskaxõ Balaam yõkani: “¿Afeskaxõ mĩ kaifo ẽ ato chakana famatiromẽ?” faito, Balaam kemani iskafakĩ: “Mĩ ato yoitiro mĩ fista mẽra ato ikikixiki. Nã mã akai keskarari akairi anõfo. Nã nõko niosra ixõ afara onifaxõ a mã piai mã inãmis. Nã israelifãfe pikanax chakananõfo mãto fista mẽranoax. Askatari ãto ãfima fe ikanax chakananõfo,” fani. Iskaratĩari nãskarafori mã fisti rasi chakanafo nã Nicolaitafãfe ato afara chaka tãpimanaifo keskara ikafo.

Apocalipsis 2:20

Mã mã askafimisno afara fetsa ẽ mato yoinõ a ẽ fichipaiyaima mã anã fichipainõma. Akka kẽro fisti mato fe ichanãxõ, ‘Ẽ Niospa meka ẽ mato yoinõ, ea nikakãfe,’ ixõ mato yoipaikĩ, ẽfe mekakõi mato yoima. Nã kẽro Jezabel fanĩrira mato yoikĩ ãa mato pãramis. Mã Jesús Ifofafiamiskẽ mato pãramis iskafakĩ: ‘Mãto ãfimafo chotakãfe; kẽrofãferi mãto fenemafo chotamakãfe,’ mato famis. Askatari mato yoimis iskafakĩ: ‘Afara fetsa yora fakaxõ, nã nõko niosra ixõ, a mã piai ispaxõ nõko nios nõ inãira ixõ, ano fisti ichanãxõ, mã pitiro,’ ixõ na kẽro Jezabel mato yoikĩ mato pãramis.