Apocalipsis 18:4 - Yaminahua

^4-8 Yoikĩ askafatanaino nai mẽranoax mekaito ẽ meka fetsa nika iskai mekaito: Babilonia ano ikafãfe fãsi afara chakafakĩ finakõiafo. Nã afara chakafamisfo Epa Niospa ato õia chakakõifaifãfe. Nãskakẽ ato omiskõimaxii. Nã Babilonia anoafãfe fetsafo afara chakafamamisfono afori. Epa Niospa ato omiskõimakĩ finakõixii omiskõinõfo. Nã Babilonia ano ikafãfe ãto shinã mẽraxõ mã shinãfo iskafakakĩ: “Nõ Nios yopaima. Afara fetsafori nõ yopaima. Nõ isharakõimis. Oa xanĩfokõi isharamis keskara nõri nãskamis, xanĩfo keskara. Nõkai oa kẽro ifomafa keskarama. Nõ omiskõitiroma. Askatamaroko nõ isharapakenaka,” ixõ kakapaimisfãfe yoimisfo. Akka Epa Niospa ato fãsi omiskõimani omiskõikakĩ tenẽnõfoma. Akka nã ea chanĩmara faafãfe, ea nikasharakãfe. Epa Niospa mã ato samamashta omiskõimani anã isharayamanõfo. Atiri ẽ ato namai, atiri ẽ ato omiskõimani, a piaifori ato kẽyoi. Nãskakẽ fonãikani. Nãskatari atiri ẽ ato koofaxii kooi fetsenõfo. Tsõa atiroma keskara Epa Niospa afama mĩshti atiro. Nãskakẽ Epa Niospa mato yoi iskafakĩ: “Efe yora mĩshtichi, Babilonia anoafo keskara iyamakãfe. Ato fe rafeyamakãfe. Ato feta chakafayamakãfe ẽ ato omiskõimanai keskafakĩ, matori ẽ omiskõimanõma,” ixõ Epa Niospa ato yoixii kiki, ãjirinĩ faito ẽ nika.

Apocalipsis 18:4 ပူးပေါင်းရင်းမြစ်များ

Mateo 23:30

Nãskaxõ mã yoimis iskafakĩ: ‘Nõko xinifãfe a Niospa meka ato yoimisfo retenifo keskafakĩ nõri niyoxõ nõ ato retekeranima,’ ixõ mã yoimis.

2 Co. 6:17

Askatari Epa Niospa yoini iskafakĩ: Akka nã Cristo chanĩmara faamafãfe akaifo keskara ayamakãfe. Ato fe rafeyamakãfe afaa chakafaxikãkima. Mã askaino ẽ mato ifikai, ixõ yoini.

1 Ti. 5:22

Õisharata ato katofe Niospa meka ato yoimis. A kaa fisti ato katoyamafe. Ato õisharayofe taefakĩ. Mĩ õisharaxoma ato ifitiroma. Mĩ askara ifikẽ chipo afara chakafaira ixõ, fetsafãfe mia mekafakĩ chakafatirofo. Nãskakẽ shinãsharafãi ife, Timoteo. Afaa chakafayamafe.

2 Juan 1:11

Nãskakẽ askara yora mã chanĩmara fakĩ afe rafexõ afeta mã anorima yoitiro chaka shinãkĩ.