Apocalipsis 17:12 - Yaminahua

¹² “Askatari nã mãxo diez mĩ õiai mãxokõima. Nãõxõ diez xanĩfofo noko tãpimani. Nãfo xanĩfofo iyoafoma. Chipo mani fetsafo anoax nã diez ãto xanĩfofo itirofo. Na yoinã põfe keskara fe xanĩfo ixikani. Askafikanax xanĩfoi chai samaraka kanima.

Apocalipsis 17:12 ပူးပေါင်းရင်းမြစ်များ

Apocalipsis 10:11

Ẽ askano, anã ea yoia: “Niospa afe yorafo yoipaiyai keskara anã ato yoife. Afarafo ixiai yorafoõnoa yoife, manifetsafoõnoari yoife, xanĩfofoõnoari ato yoife,” ea faa.

Apocalipsis 12:3

Askainori fetsari ẽ õia a tsõa õiyomisma keskara nai mẽranoax. Nã Satanás oa ronofã keskara efapanãfakõi õshimãfa, askai mapo ichapayakõi siete mapoya, askai a ãto xanĩfokõichi maiti sharakõi keskara maiya siete faxõ, askatari ãfe mãxofori diez ika.

Apocalipsis 13:1

Askata ẽfe namapa ẽ õia keskara afianã ẽ mato yoi. Ẽ õiaino fakafã mẽranoax yoinã keskara mesekõi kãinãkafanaito ẽ õia. Nã yoinã põfe keskaraõnoa ẽ mato yoinõ. Ea nikasharakãfe. Nã fistifiax mapo ichapaya, siete mapoya. Askatari ãfe mãxo rasi diezya. A ãfe mãxo rasi xanĩfãfe maiti maimakĩ fetsa. Nãskaxõ Epa Nios mekafakĩ chakakõi faa. Ãfe femãnãfoki ane fetsafo chakakõifo nẽta.

Apocalipsis 17:16

Nã diez xanĩfofo feta nã xanĩfo yoinã põfe keskarato nã kẽro feroma keskarakaxõ noikaspakõixikani. Keyokõichi ãfe afara fĩaxikani anã aya inõma. Nãskakẽ anã tsoa nã kẽro feroma keskara fe ipaikanima. Poomãnã retexõ koshi pikĩ keyotiro. Nãskafakĩri nã diez xanĩfofo feta nã xanĩfo yoinã põfe keskarato nã kẽro feromakõi keskara chakafaxikani omiskõimayanã. Askafaxõ chĩi koofaxikani anã ninõma.

Apocalipsis 18:10

Babilonia kooaino nã xanĩfofo ratekõixikani chai inoaxri fetsafo mesexikani. ¡Ooa! Babilonia anoafo fato yora fetsafo keskarafoma. Mã tãpikõisharafikẽ samamashta Epa Niospa mato omiskõimani mã kooi fetsenõ. ¡Keexto! Koshikõi Babilonia mã kooi keyoa. Nõri iskayamapainõ, ixõ shinãkani xanĩfofofãfe ratekõiyanã.

Apocalipsis 18:17

Koshikõi na afama mĩshtisharafo mã keyokõia,” ixõ yoixikani. Nãskarifiai nã kanõanãfã ãfe ifofãfe shinãkani, a kanõanãfã mẽra fomisfãferi shinãkani, a kanõanãfã nexa yonomisfãferi shinãkani, a kanõanãfã mẽra fokaxõ, ato afama mĩshti minikaxõ kori fimisfãferi shinãkõikani. Babilonia kooaito chai ixõ õikani manokakĩ shinãxikani. “¡Ooa! Fato pexe fetsakai Babilonia keskarama. Na Babilonia fistiõxõ kanõanãfãnẽ ãfe ifofãfe kori ichapa fimisfo. Akka a aya imisfo koshikõi mã keyoa,” ixõ a kanõanãfãõ yonomisfãfe yoixikani.