Apocalipsis 14:15 - Yaminahua

¹⁵ Akka ãfe ãjiri fetsa Nios kĩfiti pexefã anoax kaxõ fãsikõi yoia iskafakĩ: “Nã maifo tii ano mã fanafo õshia. Nãskakẽ iskaratĩa mã fanafo chetekani. Akka mĩ keno exteato taxtexõ ichafafe,” faa. Nãnori yoifikĩ fanakõifoõnoa yoiama. Niospa yorafoõnoa yoia iskafakĩ: “Iskaratĩa keyokõi Jesús chanĩmara faafo tii ifife Epa Nios fe ika anoax ichanãkanax afe ĩpaxanõfo,” ixõ yoia.

Apocalipsis 14:15 ပူးပေါင်းရင်းမြစ်များ

Mateo 13:30

Nãskanõki. Nã fana sharafoya yosiyonõ nã fana shara ãfe fimi topiaifotĩa, ẽ mato yoixinõ iskafakĩ: “Na fana chakafo xatekãfe. Xatexõ mextexõ koaxikaki. Nãskata nã fana sharafos ẽfe tapas mẽra ea faxoxikakĩ,” ’ ixõ a tare ifãfe ato yoitiro keskafakĩ, nãskarifakĩ Epa Niospa mato paxkanãfaxii ea Ifofaafo ẽ ato ifixii. Akka ea Ifofayamafo chiifã mẽra ẽ ato nĩchixii,” Jesús ato fani.

Mateo 13:39

Akka nã noko noikaspamisto fimi chakafana ẽ yoiai, a Satanás ẽ yoi. Akka nã fimi exe topiaifo ẽ yoiaito mã nikai, mã mai keyoaino ẽ yoi. Akka a fimi exe topimisfo ẽ yoiaito mã nikai, nã Niospa ãfe ãjirifo ẽ yoi.

Mateo 23:32

Nã Niospa matoki nĩchiari mã retexii. Akka nã mã apaiyai keskafakĩ ayotakãfe.

1 Tesalonicenses 2:16

Askatari a judeofoma Nios fe ĩpaxanõfo nõ ato yoisharapaiyaino, noko ato yoitima famisfo. Nãskakẽ afaa chakafakĩ finayamafikatsaxakakĩ mã afara chakafakĩ finakõimisfo. Akka iskaratĩa anã tenetiromameki Niospa ato omiskõimaki finakõi.

Apocalipsis 11:19

Askata a Nios kĩfiti pexefã nai mẽranoax fepekemeaito ẽ õia. Nãnoa Niospa kafo ẽ õia, nã kafo mẽra a Niospa israelifo yoini kirika kenea nanea ika. Askatari ẽ õia kana pee ikaito nairi tiri ikaito ẽ nika, mĩamãfanẽri mai naya naya akaito ẽ õia, nai mẽranoaxri oi kaya ikaino, oi nami keyopakeaito ẽ õia.

Apocalipsis 13:12

Akka nã yoinã põfe taeyoi fakafã mẽranoax kãiyaito afama mĩshti atiroxakĩ nãato yoiaino nã rama oatori afama mĩshti atiro nã fẽtsa aka keskafakĩri nãskaxõ yorafo tii ĩkitiro. Keyokõi maifo tii anoafo ato yoia iskafakĩ: “A yoinã keskara mã mapoki rerafo mã nayofiax afianã mã otoa nã fisti ifofakãfe. ‘Na nõko ifora,’ fakãfe,” ixõ ato yoia.

Apocalipsis 14:14

Akka ẽfe namapa õia keskara afianã ẽ mato yoinõ. Ẽ afara fetsa õia nai kõi oxokõi kamaki feronãfake tsaokẽ ẽ õia. Ẽ õikĩ iskafaa: Xanĩfãfe maiti orokõi maiya, askatari keno extea ikikõi tsoma ika.

Apocalipsis 14:16

Askata nã nai kõi kamaki tsaoato ãfe kenopa fanafo taxtea keskafakĩ ãfe sharaõxõ a chanĩmara faafo tii ifia afe ĩpaxanõfo.

Apocalipsis 14:17

Askata ẽ õia nai mẽranoa ãjiri fetsari Nios kĩfiti pexefã anoax kaito, aatori keno extea ikiai tsomax.

Apocalipsis 14:18

Afianã ãjiri fetsari Nios kĩfiti mĩsa anoax kaa. Nãato Niospa maifo tii anoa koatiro. Nãatori keno extea ikiai tsomax fãsikõi mekayanã yoia: “Nã uva fimi mã pachiaki. Mextexõ ichafafe,” ixõ yoia. Nãskarifakĩ Epa Niospa ãfe ãjiriõxõ a nikakaspamisfo ichanãfaxii.

Apocalipsis 15:6

Nios ika mẽranoax ãfe ãjiri siete ichanãfo. Rapati oxokõi chainipa choshtama fafeai safeafo, oro õshi keskarato xonexemeafo. Nãfãfe mai anoafo ato omiskõimakani omiskõinõfo.

Apocalipsis 16:17

Askata Niospa ãjiri fẽtsa anã nai mẽraxõ ãfe kecho mẽranoa nachia. Mã nachiano Epa Nios meka fãsikõi iskai: “Mẽ keyokõi aka,” ixõ yoiaito ẽ nika.