Apocalipsis 12:3 - Yaminahua

³ Askainori fetsari ẽ õia a tsõa õiyomisma keskara nai mẽranoax. Nã Satanás oa ronofã keskara efapanãfakõi õshimãfa, askai mapo ichapayakõi siete mapoya, askai a ãto xanĩfokõichi maiti sharakõi keskara maiya siete faxõ, askatari ãfe mãxofori diez ika.

Apocalipsis 12:3 ပူးပေါင်းရင်းမြစ်များ

Apocalipsis 12:1

Askata ẽ afianã ẽfe namapa õia keskara ẽ mato yoinõ a ea Niospa ispaito ẽ õiafo nã inõpokoaifo õikĩ ẽ tãpinõ a tsõa õimismafo. Ẽ kẽro õia ãfe rapati oa xini pee ikai keskara safea ika nai mẽranoax. Oxe kamaki paiya keskara. Askatari ãfe maiti ano fishi doce aõ neafo.

Apocalipsis 12:13

Mã afo nikakĩ ẽ anã õia afia ẽ õiyoa keskara. Mã Niospa Satanás nãmã potano, Satanás shinãkĩ iskafai: “Na kẽro ẽ akiki nokoxõ omiskõimanikai,” ixõ shinãki Satanás chĩfafaina.

Apocalipsis 12:17

Nãskaito õi Satanás a kẽroki õitifishkikõina. Nãskax nã kẽromã ãfe fakefoki kaa ato retepai, nãfãfemãi Niospa meka nikakõisharaifono isharakõiyanã Jesús Ifofasharakõiyanã.

Apocalipsis 12:4

Askata ãfe tene fininĩfofã nai mẽshanãnaino nai mẽranoax fishi rasi pakea. (Naskarifakĩ Epa Niospa ãjirifo Satanás atiri ato chakana fama ato ĩkipaikĩ, “Ea ifofakãfe,” ixõ ato feparapaikĩ. Nãskakẽ a keskara niafaka chakafo ato ĩkinõ Niospa nãmã potani nãmãxõ ato ĩkinõ.) Nãskakẽ mã kẽro chaima fake kãiyaino, a ronofãnẽ kexei ãfe fake pĩapaikĩ kãiyaito.

Apocalipsis 12:7

Askatari ẽ anã õia Satanás ãfe inafo fe nã ãjiri Miguel ãfe inafo nai mẽranoax retenãpaiyaifono Satanás ato finõpaiyaino. Nãskaxõ Satanás Niosri finõpaini.

Apocalipsis 13:1

Askata ẽfe namapa ẽ õia keskara afianã ẽ mato yoi. Ẽ õiaino fakafã mẽranoax yoinã keskara mesekõi kãinãkafanaito ẽ õia. Nã yoinã põfe keskaraõnoa ẽ mato yoinõ. Ea nikasharakãfe. Nã fistifiax mapo ichapaya, siete mapoya. Askatari ãfe mãxo rasi diezya. A ãfe mãxo rasi xanĩfãfe maiti maimakĩ fetsa. Nãskaxõ Epa Nios mekafakĩ chakakõi faa. Ãfe femãnãfoki ane fetsafo chakakõifo nẽta.

Apocalipsis 13:2

Askai oa poomã keskara ãfe yora. Askatari ãfe tae oa osopa tae keskara. Askatari oa poomã axfa keskara. Nãskara Niospa ea õimana ẽ tãpinõ a feronãfãke Satanáõxõ tãpikifinakõia, oa xanĩfo finakõia keskara ixii nãmãnoax. Satanás ãfe yõshi inãno ato yoimis ixii, afama mĩshti fakĩ fetsaki ato õimaxii.

Apocalipsis 13:4

Nãskakẽ ifofakaxõ yoikani Satanás iskafakĩ: “Mĩ fãsi sharakõi. Mĩ afama mĩshti famis,” fakaxõ ifofakani. “Nãskaxõ nã yora põfekõi inõ mĩ yõshi mĩ inã nõko xanĩfokõi inõ. Nãskaxõ nõ mia chai faima,” fakaxõ yoikani. Askatari oa yoinã keskara akiki inimakakĩ fanãixokani iskafakakĩ: “Mia keskarakai tsoama. Mĩ fãsi sharakõi. Miakai tsõa chakafatiroma. Mĩ fistichi ato finõkõia,” fakaxõ yoikani fanãikakĩ.

Apocalipsis 15:1

Askata anã ẽfe namapa ẽ õia keskara ẽ mato yoinõ. Afara fetsa tsõa õiyomisma nai mẽranoa ẽ õia. Ẽ ratekõia. Akka Nios nã yora nikayospafoki õitifishkiki. Nãskakẽ ãfe ãjiri siete ato yoia keyokõi mai anoafo ato omiskõimanõfo. Mã askafafono Epa Niospari ato omiskõimani. Akka anã tsoaki õitifishkixõ, Niospa ato omiskõimatiroma.

Apocalipsis 16:13

Askatari ẽ niafaka chakakõifo tres fexko keskara ẽ õia. Fetsa ronõfã keskara nã Satanás ãfe ãxfa mẽranoax kãikaina, fetsari nã yoinã põfe keskarato ãfe ãxfa mẽranoax kãikaina, fetsari: “Ẽ Niospa meka ẽ mato yoimisra,” iki, a chanĩmisto ãfe ãxfa mẽranoax kãikaina.

Apocalipsis 17:12

“Askatari nã mãxo diez mĩ õiai mãxokõima. Nãõxõ diez xanĩfofo noko tãpimani. Nãfo xanĩfofo iyoafoma. Chipo mani fetsafo anoax nã diez ãto xanĩfofo itirofo. Na yoinã põfe keskara fe xanĩfo ixikani. Askafikanax xanĩfoi chai samaraka kanima.

Apocalipsis 17:16

Nã diez xanĩfofo feta nã xanĩfo yoinã põfe keskarato nã kẽro feroma keskarakaxõ noikaspakõixikani. Keyokõichi ãfe afara fĩaxikani anã aya inõma. Nãskakẽ anã tsoa nã kẽro feroma keskara fe ipaikanima. Poomãnã retexõ koshi pikĩ keyotiro. Nãskafakĩri nã diez xanĩfofo feta nã xanĩfo yoinã põfe keskarato nã kẽro feromakõi keskara chakafaxikani omiskõimayanã. Askafaxõ chĩi koofaxikani anã ninõma.

Apocalipsis 17:7

Ẽ askaito Niospa ãjirinĩ ea iskafaa: “¿Afeskai mĩ ratemetsamaimẽ? Ẽ mia yoinõ, ea nikapo. Na kẽro yafi nã yoinã keskaraõnoa ẽ mia yoinõ. Na yoinã põfe keskara siete mapoya askatari diez mãxoya tsõakai askara tãpiyomisma. Akka iskaratĩa ẽ mia tãpimani.

Apocalipsis 19:12

Ãfe fero rafe chii xofisai keskara. Fakishi chii xofisaino yõra õisharatiro. Nãskarifakĩ nõko Ifãfe yorafãfe ãto õiti mẽraxõ shinãifo keskara tãpia. Xanĩfãfe maiti sharakõifo ichapakõi maiafo ika. Ãfe femãnãki ãfe ane kenea. Ares fisti nã ane tãpia.

Apocalipsis 20:2

Tsomaxõ nã ronõfã keskara achia. Nã ronõfã keskara nã niafaka chakakõi Satanás. Nã achixõ nexa.