Apocalipsis 12:10 - Yaminahua

¹⁰ Askaito ẽ anã nika meka efapato mekai iskaito: “¡Aicho! Epa Niospa mã Satanás nirixõ nãmã potaki, mẽxotaima ãakõi noko fanĩrira pãrarifaito. Nãskakẽ Epa Niospa Satanás finõinĩfofana. Nãskakẽ Satanás anã nõko ifo ikima, anã fanĩrira noko shinãmanima, Epa Nios fisti nõko Ifokõi iki. Askatari ãfe Fake Jesucristori nõko Ifokõiri iki. Nã rafe nõko Ifokõi.

Apocalipsis 12:10 ပူးပေါင်းရင်းမြစ်များ

Mateo 26:64

Askafaito nikakĩ Jesús kemani: “Nã mĩ ea yoiai keskarakĩa, ẽkĩa Niospa Fake. Ẽ mato yoinõ. Akka mã ea õixii ẽfe Epa ketaxamei ãfe põya kayakai aõri ẽ tsãokẽ xanĩfo finakõia ẽfe Epa fe. Askatari mã ea õixii nai kõi mẽranoax ẽ anã fotofaito,” Jesús ato fani.

Mateo 28:18

Nãskaifono Jesús atoki kaxõ ato yoini: “Ẽfe Epa Niospa ea yoia nai mẽranoafoya nono mai anoafori ẽ ato yoinõ.

Mateo 6:10

Nai mẽra mefe ikafo mĩ ato yoiaito mia nikakõimisfo. Akka nono mai anoxori nã mĩ noko amapaiyai keskara nõ atiro. Na nono mai ano ikafãfe keyokõichi mia Ifofanõfo.

Lucas 11:2

Jesús yoini: “Akka mã kĩfikĩ iskafatiro: Epa Niosi, mĩ fisti sharafinakõia. Keyokõichi mia Ifofanõfo mĩ ãto xanĩfo finakõia inõ ato ĩkisharakõipakexakĩ.

Lucas 22:31

Nãskata nõko Ifãfe Simón yoini iskafakĩ: “Simón, õipo Satanás Nios yõkaxõ mato afara chakafamapai, mã ea potanõ.

2 Co. 12:9

Ẽ askafaito nõko Ifãfe ea kemakĩ iskafani: “Ẽ mia noi. Askafixõ ẽ mia sharafaima. Cristo mia axotiro na pae mĩ tenenõ ẽ mefe rafekakaini. Mĩ mitsisipayamafikẽ ẽ mĩõxõ ẽ ato õimatiro ẽ afama mĩshti fatiro,” ixõ ea kemani. Nãskakẽ ẽ isinĩ ifiai ẽ inimasharakakaini.

Tit. 2:3

Askatari a yõxafo tiiri ato yoisharafe iskafakĩ: “Isharakãfe a Niospa fichipaiyai keskai. Askatari mã ranã paranõnãyamakãfe. Parakĩ ato chakafayamakãfe. Yõxafofiax pãeyamakãfe. Askatamaroko afara sharakõifo fetsafo ato tãpimakãfe,” ixõ ato yoife. Askafafe ato yoikĩ, a ranã askanõfo.

1 Pedro 5:8

Shinãsharata mẽste shinãkãfe. Satanás noko noikaspakĩ noko chakafapai kiki, oa poomã fonãiki kafãsakĩ yoinã fenai keskaraxõ. Satanás chakata noko afara chakafamapaimiski Niosnoa tsõa shinãnõma, Satanás ato chakafamaino afe yora inõfo.

Apocalipsis 11:15

Akka Niospa ãjirinĩ chipokõitakĩ nã sietepa ãfe maneti chãi chãisafaino, nai mẽra Epa Nios ika ariax fãsikõi mekaifãfe ẽ nika iskai mekaifãfe: Iskaratĩa na nõko Ifo Cristo xanĩfokõi iki nãmãnoax nai mẽra ika keskarari ixii nãatixõ xanĩfo ĩpanaka, ixõ yoiafo.

Apocalipsis 2:26

Fẽtsa Satanás finõkõixõ, ea fisti Ifokõifaax mã naax nã efe nĩpanaka. Ẽ ato xanĩfo imaxii. Epa Niospa ea xanĩfokõi ima keyokõi ẽ ato ĩkinõ. Nãskarifakĩ ẽ ato xanĩfo imatiro efeta na maitio anoafo ato ĩkinõfo, mitsisipakõixõ. Akka a fetsafãfe ẽfe meka shara nikakaspaifãfe nõ ato omiskõimaxii. Oa nõ kesho kerexkai nõ yamĩ moshaino moshitiro keskara afeskaxõ nõ anã shara fatiroma. Nãskarifakĩ nã nikayospamisfo nõ ato omiskõimanaitĩa tsoa pishta ato timamatiroma nanõfoma. Mã penaino, fishifã fisti fafeaito, keyokõichi yorafãfe õitirofo. Aa keskara ẽ anã oxii ea õisharanõfo. Ẽ anã nokoxõ, ẽ ato yoixii nã ea Ifofamisfo efe isharapakexanõfo.

Apocalipsis 7:10

Nãfãfe fãsikõi yoiafo iskafakakĩ: Nõko Epa Nios feta ãfe Fake Jesús noko ifimis nõko Ifo Jesús oveja fake keskara nokoõnoax nani nõko chaka noko soaxoxikĩ nõ afe nĩpaxanõ, ixõ yoiafo.