Apocalipsis 1:1 - Yaminahua

^1-2 Efe yora mĩshtichi, iskaratĩa ẽ mato kirika kenexõ fomai mã tãpinõ. Ẽkĩa Juan ẽ mato kirika kenexõ fomai. Nai mẽraxõ Epa Niospa Jesucristo yoini afe keskara a inõpokoaifo nãmãnoafo a yonoxomisfo tãpimaximãkai. Askafaito nikakĩ Jesús ãfe ãjiri ekeki nĩchia. Anoxori ea ãjirinĩ yoinõ afe keskara ikimãkai nãmãnoafo. Ea õimanaito mẽ õia a inõpokoaifo xafakĩakõi. Askaito õikĩ ẽ kirika kenea a inõpokoaifo anori a Niospa Jesús yoia anorikõi mã tãpisharakõinõ.

Apocalipsis 1:1 ပူးပေါင်းရင်းမြစ်များ

Juan 12:49

Ẽfe Epa Niospa ea yoia keskara nãnorikõi ẽ mato yoimis. Ẽa ẽ mato yoima. Ẽfe Epa Nios nã ea nĩchinioxõ ẽ mato yoimis.

Juan 15:15

Akka a mato fe rafea mã tãpimatiro a mã shinãi keskara. Nã ẽfe Epa ea yoimis keskara ẽ matori tãpimani mãmãi efe rafeano. Nãskakẽ ea yonoxomisfora ẽ anã mato faima. Efe rafeafora ẽ mato faxii.

Juan 17:8

A mĩa yoiai keskara ẽ ato yoiaito ea chanĩmara fakõikani. A ẽ mia ariax oniri mã tãpiafo. Chanĩmara fakani a ea mĩa nĩchini.

Juan 3:32

Nãato noko yoitiro a õiafo, a nikafori. Nãskakẽ fisti rasichi chanĩmara fakani.

Juan 8:26

Matoõnoa afama mĩshti ẽ yoitiro. A mã afara chakafamis ẽ yoitiro. A ea nĩchinito ea yoiaito ẽ nikai. Nãskakẽ nã ẽ mato yoifafãini. A ea nĩchinito yoiai chanĩmakõi,” Jesús ato fani.

Romanos 16:25

Epa Niospa mato kexesharanõ. Ẽ Jesucristoõnoa mato yoimis keskara ãfe shinãmã mato shinãmatiro mã Ifofasharanõ. A iyopaonifãfekai tsõa Jesucristoõnoa tãpiyopaonifoma. Akka iskaratĩa keyokõichi mã tãpiafo. Epa Niospa nã nipanakato noko nĩchini Jesucristoõnoa nõ ato yoinõ. A ixiainoa Epa Niospa ato yoini nãnorikõi kirika kenenifo. Nã maitio ikafãfe Jesús chanĩmara fayanã nikasharatirofo.

Gálatas 1:12

Na meka shara ẽ mato yoimis keskara yorafãfe ea tãpimanifoma. Tsõarikai ea tãpimanama. Askatamaroko nõko Ifo Jesucristo ea tãpimana keskara ẽ mato yoimis.

Tit. 1:1

Tito, ẽ mia kirika kenexõ fomai. Ẽfi Pabloki, Niosfi ẽfe Ifokõiki. Nã ea yoiai keskamis ẽ. Jesucristo ea nĩchia ẽ aõnoa yoimis inõ, nã Niospa katoa yorafo ẽ ato tãpimanõ afãfe Jesús chanĩmara fanõfo.

Apocalipsis 1:19

Nãskakẽ a mĩ taefakĩ õiafo kirikaki kenefe. Askatari na mĩ iskaratĩa õiaifori kirikaki kenefe. Askatari a chipo ixiaifori kenefe.

Apocalipsis 1:9

Ẽkĩa Juan, ẽ mãto ochikõi. Nãskax mãri Jesús Ifofaax mã efe yorakĩ. Askax mã aõnoax omiskõifikĩ, mã tenemis. Nãskariai ẽri aõnoax omiskõifikĩ ẽ tenei. Ẽ Niospa meka ato yoita Jesúsnoari ẽ ato yoimis. Ea nikakaspakakĩ, ãto xanĩfãfe sorarofo ea achimaxõ, fakafã nakirafe ea ato nĩchimana ãfe nãsimã, ãfe ane Patmos ano.

Apocalipsis 17:1

Askata anã ẽfe namapa ẽ õia. Afara afeskara ixiai keskara anã ea õimana. Nã Niospa ãjiri sietepa kecho tsomafo ikafo akka fistichi ea yoia: “Niri ofe. Na pexe ichapa rasi fakafãfo chaimashta anoafo chakakõifo. Kẽro feromakõi keskarafo Nios nikakaspakani.

Apocalipsis 19:10

Ea yoiaino ẽ a nãmã feopakekafana, “Mĩ fãsi sharakõi,” ixõ yoixiki. Ẽ askafaino ea yoia iskafakĩ: “Ea askafayamafe. Ẽri Nios yonoxomiski mĩ axomis keskafakĩ, a Nios Ifofaa fetsafãferi askafamisfokĩ. Jesús mato yoiai keskara mã kachikiri famisma. Nãskakẽ Nios fisti nãmã nõ feopakekafã yoitiro: ‘Mĩ fãsi sharakõi. Mĩ ẽfe Ifokõi,’ ixõ anori fisti nõ yoitiro. Nã Niospa meka yoimisfãfe yoimisfo keskarifakĩ ẽri Jesúsnoa yoimis Epa Niospa ea shinãmanaino,” ixõ ãjirinĩ ea yoia.

Apocalipsis 19:9

Askatari ãjirinĩ ea yoia: “Ẽ mia yoiai keskara kenefe iskafakĩ: ‘Ẽfe Fake Jesús iskaratĩa keyokõi afe yorafo ichanãfai afe ĩpaxanõfo. “Niri fekãfe,” ato faino, nikakanax inimakõikani. Nãskakaxõ ẽfe Fake feta pikani afe ipaxakakĩ,’ ixõ Epa Niospa yoia. Nãskakẽ Epa Nios ãfe meka mã chanĩmara fatiro,” ixõ ea yoia.

Apocalipsis 21:2

Askano ẽ õia Niospa yorafo nãfãfe Jesús Ifo shara famisfo nai mẽranoafo Epa Nios ika ariax fotokani. Nãfo ikafo Jerusalén fena ano. Nã Jerusalén fena Nios ika ariax nãmã fotoa nãno ikafo. Fotoaifono ẽ õia fãsi sharakõi. Akka kẽromã ãfe sama sharakõi safetiro itipinĩsharaxikĩ fene fe fianãxiki. Nãskari fakĩ Epa Niospa nã Jerusalén fena itipinĩshara faa sharakõi inõ afe yorafo nãno afe nĩpaxanõfo.

Apocalipsis 21:9

Askata Niospa ãjirinĩ siete kecho keskara mẽra afara chakakõi fospia maifo tii ano nachixii ato omiskõimanõ fẽtsa ekeki oxõ yoikĩ iskafaa: “¡Ofe! Ẽ mia afara sharakõi õimanõ. Akka feronãfãke mã ãfiyaxõ kexesharatiro. Nãskarifakĩ Jesús chanĩmara faafo afe yorafo ifia. Ofe. Ẽ mia õimanõ,” ea faa.

Apocalipsis 22:1

Askano ẽfe namapa õiai keskara Niospa ãjiri fẽtsa ea õimana afe keskaramãki Nios ika ano. Nios fe Jesús tsaoa anoax faka shara fakkai fakkaisai keskara kafani, fai nẽxpakĩa. Afara choshta a mẽra ikitiroma. Nãno ikafãfe nã faka shara ayapaiyaitĩa ayatirofo, nãskakẽ nomipakenakafoma. (Nãskarifiakĩ nãno Niospa noko potapakenakama noko ĩkipakenaka.) Nãnori fai nẽxpakĩa ifi nia ika. Faka takai raferi nii xokoa ika. Nãno ikafãfe nã nii fimi pipaiyaitĩa pitirofo. Nãskakẽ fonãipanakafoma. Nãskarifiai Nios nofe ikano nõ aõnoax omiskõitiroma nõ nisharapakenaka. Nã ifi oxe tii fimimis. Ãfe pei tsasimisma xachoko fena shara ipanaka. Nãskarifiai nã chanĩmara faafo tii maifo tii anoax Niosnoax meema sharakõi ipanakafo.

Apocalipsis 22:16

“Ẽkĩa Jesús, ẽfe ãjiri matoki nĩchia ẽ mia yoia keskara nã ea Ifofaafo tii ichanãfo anoxõ ato tãpimanõ. Ẽkĩa David ãfe fena. Ẽfi nã fishi efapa penaino õimisfo keskarakĩ. Nã fishi õikĩ nõ tãpitiro mã penaino. Nãskarifiai mẽ chaima oaino tãpikanax itipinĩsharatirofo Jerusalén Fena mẽra efe ipaxakakĩ,” ixõ Jesús ea yoia.

Apocalipsis 22:6

Askata Niospa ãjirinĩ anã ea yoia: “Nõko Ifo Niospa ãfe Yõshi Sharaõxõ a ãfe meka yoimisfo ãto õiti mẽraxõ ato tãpimamis a afara afeskara ixiai keskara afe yorafori ato tãpimanõfo. Nãskarifiakĩ iskaratĩa ãfe ãjiri fetsa nĩchia afara afeskara ixiai keskara a yonoxomisfo tii ato tãpimanõ. Nã ẽ mia yoiai keskara chanĩmakõi. Keyokõi ẽfe meka mã chanĩmara fatiro,” ixõ ea yoia.

Apocalipsis 22:8

Ẽkĩa Juan ẽ nika, askatari ẽ õia ea Niospa ãjirinĩ õimanaino. Nãskakẽ ẽ a nãmã feopakekafana ẽfe Ifo keskara shinãi. Nãskaxõ, “Mĩ fãsi sharakõi,” ẽ fakerana.

Apocalipsis 22:9

Ẽ askafaito ea yoia iskafakĩ: “Ea askafayamafe. Ẽri mia keskaraki. Mĩ ikaino, Jesús chanĩmara faafo ikaino, ãfe meka yoimisfo ikaino, keyokõi nã mĩ rama kenea keskara chanĩmara faafo fe, ẽri mato keskara nõko Ifo Nios ẽ yonoxomis. Akka Epa Nios fisti mĩ Ifofatiro. Nã fisti nãmã mĩ feopakekafatiro,” ea faa.

Apocalipsis 4:1

Akka nã ea taefakĩ yoia, mẽ kenekĩ mitoano, ea anã yoiaito ẽ nika. Ea iskafaito ẽ anã õia nai mẽraxõ oa pexe fepoti fepekemea keskaraxõ. Ẽ nika afia ẽ nika keskara xãaiti ãfe oi efapa keskarato ea yoia anã ea iskafakĩ: “Niri ekeki mãpeferafe,” ea faa. Oa namakẽ õia keskara ẽ õia ea iskafaito: “Nafo ẽ mia ispanõ nafo afarafo chipo ixiaifo ẽ mia ispanõ,” ea faa.

Apocalipsis 5:7

Akka Epa Niospa nã kirika ãfe mifi kayakai aõri tsomakẽ Jesús fĩa.