3 Jn. 1:2 - Yaminahua

² Yamã, ẽ mia noikĩ Nios kĩfixõfafãini mĩ yonayamanõ. Mẽ tãpia mĩ õiti sharakõi mã mĩ Nios Ifofasharai. Nãskakẽ ẽ mia kĩfixõfafãini mia kexesharanõ mĩ afeskanõma shara mĩ inõ.

3 Jn. 1:2 ပူးပေါင်းရင်းမြစ်များ

Mateo 9:12

Askafaifãfe nikakĩ Jesús ato yoini: “A sharafãfe notoro fenakanima. Akka nã isinĩ ikaifãfe notoro fenakani. Nãskafakĩri yorafãfe yoimisfo iskakakĩ: ‘Ẽkai afaa chakafamisma. Nãskakẽ ẽ afaa yopaima ẽfe chaka ea soaxonõ,’ imisfo. Nãskakẽ ẽ ato chaka soaxotiroma. Akka fetsafãfe yoikĩ iskafaifono: ‘Ẽ afara chakafamis. Nãskakẽ a ẽ imis keskara ẽ anã ipaima,’ ikaifono ẽ ato chaka soaxotiro. Akka nã nõ sharakõi ikaifoõnoax ẽ onima. Akka ẽ oni a yora chakafo ãto chaka ato soaxoxiki. Akka ẽ mato yoipai mã tãpinõ a Niospa ato shinãmanaino iskafakĩ kenenifo: ‘Mã yoinãfo retexõ ea inãxiki mã koamis mãto chaka soapaikĩ, askara ẽ fichipaima. Akka ẽ fichipai fetsafo mã ato noikĩ mã ato sharafaxõaito,’ ixõ kenenifo. “Akka ẽ onima a yora sharafoõnoax. Askatamaroko a yora chakafoõnoax ẽ oni ato chaka soaxoxiki,” ixõ Jesús ato yoini.

Filipenses 2:27

Chanĩma, na Ipafrodito isinĩ ikõini, mã nakerati. Nãskaino akka Nios aõ noikõikĩ mã sharafaita, eari noikõiyanã. Akka mã naano ẽ shinãmitsaifinakõikeraita.

Filipenses 2:4

Askatari a mã mã fichipaiyai keskara fisti shinãyamakãfe, askatamaroko a fetsafãfe fichipaiyaifo keskarafori shinãkãfe.

2 Tesalonicenses 1:3

Efe yora mĩshtichi, mã taefakĩ mã Nios chanĩmara fani. Nãskakẽ iskaratĩa mã chanĩmara fakĩ finakõia. Askatari mã rama Nios Ifofaax mã nõinãsharakõini. Nãskakẽ iskaratĩa mã nõinãifinakõi. Nãskakẽ nõ matoõxõ Nios kĩfikĩ iskafa fafafãini: “Aicho Epa Niosi, mefe yorafãfe Tesalónica anoafãfe mia Ifokõi faafoki,” ixõ ẽ mato kĩfixõfafãini.

2 Tesalonicenses 2:13

Efe yora mĩshtichi, taekõifakĩ Epa Niospa mato noikĩ mato katoni afe mã ipaxanõ. Nãskakẽ ãfe Yõshi Sharaõxõ mato ifini afe yora mã inõ, Jesúsnoa mã chanĩmara faino. Nãskakẽ mẽxotaima nõ Nios aicho famis mato shinãkĩ.

Stg. 5:12

Efe yora mĩshtichi, ea nikasharakapo ẽ mato yoinõ. Afara chanĩma fisti yoifafãikãfe. Nãskakẽ, “Ẽje, ẽ mia axõi,” ixõ axosharakãfe. Akka mã yoikĩ iskafakĩ: “Maa. Ẽ mia axõima,” ixõ anori yoita ayamakãfe. Mã askafamiskẽ keyokõichi tãpitirofo mã chanĩkima yoimiskẽ. Nãskakẽ iskayamakãfe: “Ẽ mia pãraito, Epa Niospa ea omiskõimatiroki,” ixõ yoiyamakãfe Epa Niospa mato omiskõimayamanõ.

1 Pedro 4:8

Nãskax noinã faatanãkõikãfe nõ noinãkõia sharaki. Fetsa noikõixõ nõ rae fatiro, a noko chakafai keskara anã shinãnõma.

2 Pe. 3:18

Akka a noko ifimis nõko Ifo Jesucristo nikasharakõifafãikãfe tãpisharakõixikakĩ. Mato sharafapaiyai keskara a keskara shara ixikakĩ. Mãto õiti mẽraxõ a mato tãpimapaiyai keskara tãpisharakõikãfe. Nã fisti nõ yoikĩ iskafatiro: “Mĩ nõko Ifo, mĩõxõ afara shara nõ atiro, meres fisti mĩ sharakõi,” ixõ iskaratĩa yoita a inõpokoai keskara nõ yoipakenaka. Nãskakõipakexanõ. Nã tii. Pedro

3 Jn. 1:1

Efe yorashta Gayo, ẽkĩa Juan. Ẽ xini ichapa amis a Nios chanĩmara faafo ẽ ato kexekĩ. Ẽ mia kirika kenexõ fomai mĩ tãpinõ. Ẽ mia noikõi.

Apocalipsis 2:9

Mã omiskõiaito mẽ õi. Askatari mã afaayafoma. Mã askafiaino ẽ mato fe ikano, ea keskarari mã shara itiro. Mẽ tãpia matoõnoa yora fetsafãfe meka chakayoiaifãfe. “Nõ judeofo, nõ Nios Ifofamis,” ikaxõ yoiaifo afokai efe yorafoma. Afofi Satanás yorafoki.