2 Pe. 2:10 - Yaminahua

¹⁰ Nãskakẽ Niospa ato omiskõimaxii ãa shinãkaxõ afara chakakõi famisfono, nõko Ifãfe ãfe meka sharari nikakaspamisfono. Afãfekai afaa tãpiafoma. Mesetamakõi ato ĩchamisfo a nõ õimisma nai mẽranoa xanĩfo finakõiafo.

2 Pe. 2:10 ပူးပေါင်းရင်းမြစ်များ

Lucas 11:25

Mã kaxõ õia nã feronãfake nã pexe xaki mẽra mãtsomea keskara sharakõi õitiro itipinĩsharakõia.

Lucas 19:14

Akka yorafãfe ãfe mai anoxõ noikaspanifo. Nãskaxõ acho yora rafe nĩchinifo iskafakĩ ato yoitanõfo: ‘Na feronãfake nõ fichipaima nõko xanĩfo inõ,’ ixõ ato yoitanõfo.

Hch. 23:5

Pablo ato yoini: “Efe yora mĩshtichi, ẽ tãpiama nato ato Nios kĩfixomis xanĩfofiano. Akka kirika ano kenekĩ iskafanifo: ‘Mãto xanĩfo chakafakĩ mekafayamakãfe,’ ixõ yoinifo,” ixõ Pablo ato yoini.

Romanos 8:1

Akka Jesucristo nõko Ifono nõ afe yora. Nãskakẽ Epa Niospa noko yoima iskafakĩ: “Mã chaka. Ẽ mato omiskõimanõ. Emakinoax fotakãfe omiskõipakenakafo mẽra nãnoax mã omiskõipakenaka,” ixõ noko yoipakenakama mãmãi nõko chaka noko soaxõ,

1 Corintios 6:9

¿Mã tãpiamamẽ a yora afara chakafamis Nios xanĩfo ano katiroma? Nãskakẽ mãri mã pãrameyamakãfe. Mã afara chakafaax Nios xanĩfo ano mã katiromaki. Akka nã ãto ãfima chotamisfo Nios xanĩfo ano fotirofoma. Askatari kẽrofori ãto fenema chotamamisfo Nios xanĩfo ano fotirofoma. Nãskatari nioskõiyamafekẽ afara fetsa fichipaikĩ, “Na nõko niosra,” ixõ fichipaimisfo. Afokai Nios xanĩfo ano fotirofoma. Askatari feronãfakefo aa ranã chotanãpaimisfo. Kẽrofori nãskari amisfo aa ranã chotanãpaikani. Afokai Nios xanĩfo ano fotirofoma.

2 Co. 10:3

Chanĩma, nono mai ano nõ ika nã Nios Ifofaafoma fe. Akka nã Nios chanĩmara faamafãfe fetsafo finõpaiyaifo keskai nõkai askamisma nã noko noikaspaifo ato finõxiki.

Efesios 4:19

Ãto õiti kerexkõi. Askakaxõ afarafo chakafakani tsoa rãfitiroma. Nikayospakõimisfo, nõ finakõiara ikani nikayospakani.

Efesios 5:5

Mã mã tãpimis yora fetsafãfe fanĩrira shinãmisfo ãto ãfimafo chotamisfo ato fe oxakaxõ, kẽromãri ãto fenemafo chotamamisfo, askara yorafo Nios ano fokanima. A afarafo noikakĩ fichipaimisfo, askara yorafãfe afama mĩshtifo noikani Nios shinãtama, askara yorafo a Nios xanĩfo ano fokanima.

Colosenses 3:5

Nãskakẽ a mã afarafo chakafapaoni keskafakĩ anã askafayamakãfe. Askarafo anã shinãyamakãfe. Askatari mãto ãfimafori chotayamakãfe, kẽrofãferi mãto fenemafori chotamayamakãfe. Nãskaxõ ato chaka shinãmayamakãfe. Afarafori noiyamakãfe feronãfakefãfe mãto ãfima fichipaiyamakãfe, kẽrofãferi mãto fenemafo fichipaiyamakãfe. Afara chakafori fichipaiyamakãfe, nã mã fichipaiyai fisti fichipaiyamakãfe. Mã askakĩ Nios mã noima, nã afarafo fisti noikĩ.

1 Tesalonicenses 4:7

Epa Niospa noko katonima nõ afara chakafanõ. Askatamaroko noko katoni a keskara shara nõ inõ.

2 Timoteo 3:2

Fetsa noitama ãakõi kexemei, askatari fẽtsa ãfe kori fisti shinãfãi, ãakõi anofi inimamis ikãi, Niosnoa chaka yoimis ikãi, askaxõ ãto apa yafi ãto afa nikakaspamisfo ikãi, yonoxofiaifãfe aichora ato famisfoma ikãi, ato noikaspamisfo, Niosnoa shinãtama chakakõi fistis shinãmisfo,

Tit. 1:7

Nã Nios Ifofaafo kexemis sharakõi itiro, afaa chaka shinãmisma nãmãi xanĩfoax. Nã keskara yora mĩ katotiro nã Nios Ifofaafo kexemis inõ. Nã Niospa shinãmanai keskara inõ aõnoa afaa chaka yoiyamanõfo. Askatari kakapaimis itiroma. Askatari samama õitifishki imiskai itiroma. Askatari pãemis itiroma. Askatari setemitsamis itiroma. Askatari yora fetsa pãraxõ kori fĩamis itiroma.

Hebreos 13:4

Feronãfakefo, mãto ãfifo fe nõinãsharakãfe. Nãskax isharakãfe. Askatari mãto ãfima fe ipaiyamakãfe, mãto ãfi fisti fe ikãfe. Kẽrofori mãto fenema fe ipaiyamakãfe, mãto fene fisti fe ikãfe. Akka nã ãto ãfima fe ikaifono, kẽrofori ãto fenema fe ikaifono, nãskarafo Niospa ato omiskõimaxii.

2 Pe. 3:3

Nãskakẽ ẽ mato yoinõ shinãkõikãfe. Mã chaima Jesús oaino nã yora chakafo matoki fekanax nãfo matoki kaxemetsamapaixikani kiki ãakõi askara chakafo shinãkanax.

Judas 1:10

Akka nã feronãfakefãfe mato mẽra fõkaxõ nã afaa tãpiamafikaxõ meka chaka yoimisfo. Askatari nã apaiyai keskara fisti famisfo, nã yoinãto shinãsharatiroma keskarafo. Nãskakaxõ ãa afarafo chakafakanax omiskõipakenakafo.

Judas 1:16

Nãfãfe yõachepeyanã ato mekafamisfo. Nã chakafapaiyai keskara fisti shinãfafãimisfo. Askaxori fetsafo pãrakaxõ afara fĩapaimisfo ea inãsharakanira ixõ shinãfafãimisfo.

Judas 1:18

Iskafakĩ mato yoinifo: “Nõko Ifo mã chaima oaino nã Jesús Ifofaafãfema mato kaxemetsama faxikani, Niospa meka nikakaspakakĩ. Nãfãfe afaa shinãtama nã chakafapaiyaifo fisti shinãfafãikani,” ixõ mato yoinifo.

Judas 1:4

Yora chakafo mato mẽra fõkaxõ anorima mato pãrakani chaka tãpimapaikakĩ. Afokai Niospa yorafoma. Akka nõ afara chakafamisxakĩ nõ Epa Nios yoiaito nõko chaka noko soaxonano nõ afe ipaxatiro. Nãskafekẽ nãfãfe fanĩrira chakakõi mato yoipaikani, iskafakĩ mato yoipaikakĩ: “Mã Jesús Ifofaxõ nã mã apaiyai keskara mã atiro, mãto ãfima fe mã ikaino, kẽrofori ãfe fenema fe itirofo. Nãskaxõ nã afara chaka fetsafo mã apaikĩ mã atiro. Mã askafaito Niospa mato omiskõimatiroma,” ikaxõ fanĩrira mato yoipaikani. Nõko Ifo Jesucristo fisti nikakaspamisfo. Nã keskarafoõnoa Niospa shinãmanaino keneyonifo Niospa ato omiskõimakĩ finakõixii.