2 Juan 1:1 - Yaminahua

¹ Ẽkĩa Juan, ẽ Jesús Ifofaafo ẽ ato kexemis ẽ mato kirika kenexõ fomai mã tãpinõ. Mã mã tãpia Niospa mato katoni afe yorafo mã inõ. Chanĩma, ẽ mato noikõi, eres fistima, a Jesús Ifofaafo feta ẽ mato noikõi.

2 Juan 1:1 ပူးပေါင်းရင်းမြစ်များ

Juan 8:32

Ẽfe meka nikakõixõ mã Nios tãpitiro, Nios chanĩmisma. Askax mã isharatiro. Afara chanĩ mãto ifo itiroma.”

Hch. 11:30

Nãskakaxõ Bernabé yafi Saulo inãnifo ato foxotanõfo. Nãno a Jesús Ifofamisfo Judea ano xanĩfofo ikafo inifo. Nãfo ato kori inãnifo ato paxkaketsaxonõfo.

Romanos 16:13

Nõko Ifãfe Rufori katoni afe yora inõ. Nã Rufo ãfe afa ẽfe efakõi keskara. Ea kexesharamis. Nã raferi ea ato yoisharaxokãfe.

Gálatas 2:14

Akka nõko xinifãfe Niospa meka sharaõnoa noko yoinifo nõ afe ipaxanõ anori Pedro nikayamaito õikĩ yorafãfe ferotaifi ẽ Pedro yoikĩ iskafani: “Mĩ judeo. Akka a judeofoma fe mĩ imis, nãskax judeoma keskara mĩ imis. Akka, ¿afeskakĩ a nõko xinifãfe yoipaonifo keskara a judeofoma mĩ ato yoipaimẽ, judeofo keskara ixõ?” ẽ Pedro fani.

Gálatas 2:5

Akka nãfãfe noko yoipaiyaifono nõ ato nikamisma. Akka nõ fichipaimis nã meka shara chanĩmakõi Jesucristoõnoa mã nikakõinõ afe ipaxaki.

Gálatas 3:1

Efe yora mĩshtichi Galacia anoafãfe, mãfi oa yõra shinãsharaima keskarafoki. Akka, ¿tsõa mato paraimẽ oa mato parakani afianã mã shinãsharanõma? Akka nõ xafakĩakõi mato yoimis Jesucristo ifi cruz ikaki mastafono matoõnoax nani. Nõ mato yoisharafimisno meka fetsa nikakĩ mã anorima shinãmis.

Gálatas 5:7

Mã Jesús Ifofasharayopaoni. Akka, ¿tsõa mato yoiamẽ, na meka sharakõi kachikirifayanã mã anã nikanõma?

Colosenses 1:5

Na meka shara chanĩmakõi Jesucristoõnoa mã mã nikamis. Jesucristo chanĩmara faax Nios ika ari mã afe ipaxatiro ixõ yoinifo mã mã nikamis. Na meka chanĩmara fakõixõ fetsafo mã ato noikõimis.

1 Ti. 2:4

Niospa keyokõi yorafo ifisharapai, keyokõi yorafo Jesús ato nãxoni ato chaka soaxoxikĩ a tãpikõinõfo.

Hebreos 10:26

Fatora fẽtsa mã tãpia Jesús nokoõnoax nani nõko chaka noko soaxoxiki. Nãskara mã tãpifixõ afara chakafakĩ nõko Ifo Jesús kachikiri fakĩ, askarakai Niospa ãfe chaka soaxotiroma.

1 Pedro 1:2

Epa Niospa taefakĩ mato katoni mã afe yorafo inõ, ãfe Yõshi Sharaõxõ nã mato amapaiyai keskara mã anõ, mã Jesucristo nikasharakõinõ. Akka ãfe Fãke Jesús mato nãxoni ãfe imiõxõ mãto chaka mato soaxoxiki. Niospa mato noikĩ mãto õiti mato sharafaxonõ ixõ ẽ matoõnoa shinãi.

1 Pedro 5:1

Akka nã Niospa meka nikakani ichanãfono ato kexemisfo, ẽ mato yoisharapai ea nikasharanõfo. Nãskaxõ mãto shinã mẽra ẽfe meka nanesharakãfe. Ẽri nã Jesús chanĩmara faafo ẽ ato kexemiski. Nõko Ifo Cristo omiskõiaito ẽ õini. Anã oaino ẽri afe isharapakenaka. Tsõa a keskara õimisma sharakõi keyokõichi õixikani. Ẽri õixii a keskara sharafinakõia.

1 Pedro 5:13

Jesús chanĩmara faafo ichanãmisfo mẽraxõ Babilonia anoafãfe mato yoisharakani. Ẽfe fake Marcosri mato yoisharapai. Nãfori Niospa katoni afe yora inõfo, noko akai keskafakĩ.

1 Juan 2:21

Nãskata Jesucristo mã tãpikĩ finakõiakĩ. Tãpixõ mã mã chanĩmara fakĩ. Nãskakẽ ẽ mato kenexoni. Nãskaxõ afara mato pãraifãfe mã chanĩmara faima. Mã tãpia Jesucristo ramashara anorima ato yoimisma, nãfi chanĩmakõikĩ.

1 Juan 3:18

Efe yorafãfe, ea nikakõikãfe, ẽ mato yoinõ. Fetsafo iskakani, ãa chanĩkani: “Ẽfi yorafo noikai,” ifiaxõ ato chakafakani, atokai noikanima. Akka nõfi askaramakĩ. Nõ yorafo noisharakõixõ nõ ato shara fatiro.

2 Juan 1:13

Nã efe yora mĩshtichi, Nios Ifofafo nonoax ichanãmisfo afãferi. Nã tii ẽ mato yoi kirika kenexõ. Ẽkĩa Juan

2 Juan 1:5

Ea nikakãfe ẽ mato yoisharanõ, mã ranã noinãkãfe. Mã mã nikamiskĩ nã mã Jesús Ifofakĩ taefanitĩa. Akka ẽa shinãxõ ẽ mato meka fena kenexonima, mã mã nikamis. Nãskakẽ mã ranã noinãsharakãfe.

3 Jn. 1:1

Efe yorashta Gayo, ẽkĩa Juan. Ẽ xini ichapa amis a Nios chanĩmara faafo ẽ ato kexekĩ. Ẽ mia kirika kenexõ fomai mĩ tãpinõ. Ẽ mia noikõi.