2 Co. 8:9 - Yaminahua

⁹ Mã mã tãpia nõko Ifo Jesucristo nai mẽranoax nãmã fotoyoamax afama mĩshtifoya iyopaoni. Afaakai yopapaonima. Nãskafixõ noko noikõikĩ ãfe afama mĩshtifo keyokõi potãferani. Nãskax nokoõnoax afaamais iyopaoni nõ aõnoax isharapakexanõ.

2 Co. 8:9 ပူးပေါင်းရင်းမြစ်များ

Mateo 17:27

Akka nokoki õitifishkiyamanõfo ĩa ano kaxõ mĩshkimãtãfe. Nã mĩ fafĩ mĩshkimãna ãfe axfa mẽranoa mĩ kori exe fichikai. Nãskakẽ nã Nios kĩfiti pexefã kori fixomisfo nõ ato kopifaikai,” ixõ Jesús Pedro yoini.

Mateo 20:28

Akka ẽri anori shinãima, ẽfe Epa Nios ariax ẽ nãmã fotoni feronãfakekõi ixiki, ẽ Niospa Fakefekẽ ea afara axonõfo ẽ onima. Askatamaroko fetsafo ẽ ato afara sharafaxoxiki ẽ oni. Ẽ atoõnoax naxiki ẽ oni Satanás chaka ãto ifo inõma,” ixõ Jesús ato yoini.

Mateo 8:20

Jesús kemani: “Akka maxoteneroa kiniya, peyafori naayafo akka ẽkai pexe yama,” fani.

Marcos 6:3

“¿Akka namamẽ a mĩsa famis? María fake Santiagonõ Josénõ Judasnõ Simónnõ ãto ochi. ¿Akka mã õimamẽ afe chikofori nono nofe ikafo? Nãskakẽ nõ nikapaiyaitoroko,” fanifo.

Lucas 16:11

Akka nono mai anoxõ ãto afarafo kexesharayamaifono, Niospa ato afara sharakõifo inãpaifikĩ anã ato afaa inãtiroma.

Lucas 2:7

Mã fake kãiax fakeyai taeni. Ãfe fake feronãfake ini. Akka ãto fakka inafãfe piai mẽra fonifo. Anoax María fake kãini. Mã fake kãixõ sama faxte pishta rakoni. Askata ãfe fake rãtani a fakkafãfe piai kamaki.

Lucas 8:3

Nãskata Juanãri ato fe ipaoni, Cuzapa ãfi. Nã Cuzapa Herodes yonoxopaoni. Susanãri ato fe ipaoni. Nãskatari nã kẽro fetsafãferi Jesús yafi aõxõ tãpimisfo ato kori inãpaonifo.

Lucas 9:58

Jesús kemani iskafakĩ: “Maxoteneroa kiniya, peyafori naayafo. Akka ẽkai pexeyama,” fani.

Juan 1:10

Oaito yorafãfe tãpinifoma. Niospa Jesúsxõ ato onifafiano tsõa tãpinima Jesús.

Juan 1:14

Nãskakẽ na Meka aneya Apa Nios ika anoax mai ano oni yorakõi ixikĩ. Nonoax nofe iyopaoni. Apa Nios keskara sharakõi mã nõ õipaoni. Nãato yorafo noikõimis. Ãfe meka chanĩmakõi. Nã fisti Epa Niospa Fakekõi. Apa Nios imis keskara nãskakõiriai sharakõi imiski.

Juan 1:17

Epa Niospa noko amapaiyai keskara Moisés yoini. Nãskakẽ Niospa noko yoini keskara Moisés noko tãpimani. Nãskakẽ Niospa noko õimapai noko noikõi afi chanĩmakĩ. Nãskaxõ Jesucristo nokoki nĩchini. Jesucristo noko keyokõi noimis. Nãskaxõ noko õimatiro Nios chanĩmakõi. Askatari Epa Niospa noko noi.

Juan 12:30

Nãskaifono Jesús ato yoini: “Na meka nai mẽranoa mã nikai ea tãpimatama, mato tãpimaxikĩ yoia,” ato fani.

Juan 16:15

Nã ẽfe Epanãfori ẽfenãfori. Nãskakẽ nã ẽ yoiai keskara ẽfe Epa ãfe Yõshi Sharapa mato tãpimaxii,” ixõ Jesús ato yoini.

Juan 17:19

Mĩa ea yoia keskara ẽ akaino nãfãferi askari fanõfo.

Romanos 11:12

Ẽfe kaifãfe, afara chakafamisfo Jesucristo Ifofapaimisfoma. Akka Epa Niospa nã maitio anoafo Jesucristoõnoa ato tãpimanano chanĩmara fakanax afe ipanakafo. Nãskaxõ Niospa ato shara faxõi, inimakõinõfo. Askatari ẽfe kaifo judeofãferi chipo Jesucristo chanĩmara fakanax inimai finakõixikani Niospa ato sharafaxõano.

Romanos 15:3

Shinãkapo. Nõko Ifo Cristo aafi apaiyai keskara fisti shinãpaonima. Aõnoa Nios yoimisto kirika keneni iskafakĩ: “Epa, ẽ mia nikakõia. Akka mia chakafakakĩ eari chakafakani,” ixõ kirika keneni Cristoõnoa yoikĩ.

Romanos 5:8

Akka nõ chakafokẽ Niospa ãfe Fake nĩchini noko nãxonõ. Nãskakẽ nõ tãpitiro Niospa noko noikõiai.

Romanos 8:32

Epa Niospa noko noikĩ ãfe Fake Jesús timamanima noko naxonõ. Nãskanixakĩ noko axosharatiro nã apaiyai keskara nõ anõ.

1 Corintios 1:4

Mẽ tãpia Jesucristo mato noikĩ afarafo mato tãpimani ãfe õiti keskara mã inõ. Nãskara tãpixõ ẽ Epa Nios kĩfikĩ iskafa fafafãini: “Aicho Epa Niosi, mĩ Corinto anoafo afara sharafo Jesucristoõxõ mĩ ato tãpimanaki,” ixõ ẽ kĩfifafãini.

1 Corintios 15:47

Niospa nã feronãfake Adán onifakĩ taefani. Mai yorafaxõ onifani. Akka Cristo nai mẽranoax nokoki fotoni. Tsõakai Cristo onifanima.

2 Co. 13:14

Nõko Ifo Jesucristo mato axosharapai. Epa Niospari mato noikõi. Niospa Yõshi Shara mato fe rafepakexanõ. Nã tii. Ẽkĩa Pablo

2 Co. 6:10

Akka nõ shinãmitsafiaito nõko Ifo Niospa noko inimamamis. Akka afaamaisfixõ nõ Niosxõ nõ fetsafo imasharakõimis, Nios Ifo shara faifono. Nõ afaamais keskarafiax nõ aya a Niospa noko inãi. Akka nã keyokõi Niosnã nõkonãri.

Efesios 2:7

Epa Nios xanĩfokõixõ Jesús yafi noko otoani noko noikõikĩ nõ afe nai mẽra ĩpaxanõ, nã chipo fakeaifãferi tãpinõfo Epa Niospa noko noikõiaito.

Efesios 3:8

Ẽ fãsikõi Jesús chakafakĩ finakõipaoni, na fetsafãfe chakafakĩ finayamafiaifono. Ẽ askafafiaito, ares fisti Niospa ea noikĩ ea nĩchini aõxõ na yora fetsafo judeofoma ẽ ãfe meka shara ato yoikĩ tãpimanõ Niospa ato noisharakõiaito. Ato noikĩ ato shinãmakõipai. Nios fisti tsoa keskaramakõi. Ãfe Fake Jesúsnoa keyokõi nõ tãpitiroma.

Colosenses 1:24

Nãskakẽ ẽ inimai ẽ matoõnoax omiskõifi, mãri afara afeskaraino mã Cristo Ifosharakõi faano. Cristo nokoõnoax omiskõini keskai, ẽri nã afe rafemisfoõnoax nã Niospa fakefo atoõnoax ẽ omiskõimis. Ẽ matoõnoax omiskõita iskaratĩari ẽ Cristoõnoax omiskõimis.

1 Ti. 6:18

Nãskakẽ mãto korioxõ fetsafo aõ noisharakãfe. Fishkomĩtsayamakãfe. Afaamaisfo ato inãkãfe. Fishkoyamakãfe. Inãkõikãfe.

Hebreos 1:2

Akka iskaratĩa noko yoia ãfe Fakeoxõ. Nãskakẽ nõ tãpitiro Nios afe keskaramãki. Ãfe Fakeoxõ keyokõi nai mẽranoafoya mai anoafoyari onifani. Nãskafata ãfe Fake katoni nai mẽranoafoya mai anoafoyari nõko xanĩfo finakõia inõ.

Stg. 2:5

Efe yora mĩshtichi, ẽ mato noikõi. Akka ẽ mato yoiai keskara ea nikasharakãfe. Yorafãfe afaamaisfikaxõ, Jesús chanĩmara faifãfe ato noixõ Niospa ato katoni afe yorakõifo inõfo. Ato yoiyoni iskafakĩ: “Mã ea chanĩmara fakĩ, mã ea noikõi. Nãskakẽ mã efe ipanaka ẽ xanĩfo ika ano. Nãskatari nã ẽfenãfo mãtonãri ixii,” ixõ Niospa ato yoiyoni.

Apocalipsis 2:9

Mã omiskõiaito mẽ õi. Askatari mã afaayafoma. Mã askafiaino ẽ mato fe ikano, ea keskarari mã shara itiro. Mẽ tãpia matoõnoa yora fetsafãfe meka chakayoiaifãfe. “Nõ judeofo, nõ Nios Ifofamis,” ikaxõ yoiaifo afokai efe yorafoma. Afofi Satanás yorafoki.

Apocalipsis 21:7

Fẽtsa ea kachikiri fatamaroko nã naitĩa ea Ifofasharaxõ nãato keyokõi nã ẽ mia yoia keskara fixii. Ẽ kaxpa inãxii. Ẽ ãfe Nios ixii. Akka ẽfe fake ixii.

Apocalipsis 3:18

Akka ẽ mato yoisharapai mã afara chakafamis keskara mã anã anõma. Ea yõkakãfe ẽ mato tãpimanõ afeskax mã ea keskara itiromãkĩ. Eres fisti ẽ mato imasharatiro. Akka mã chitoria keskara. Akka ẽ mato rapati safemasharatiro mã anã rãfinõma. Akka rapati ẽ mato yoitamaroko mã afara chakafamis ẽ mato yoi. Akka ẽ mãto õiti fetsafaxotiro ea keskara shara mã inõ. Akka a afara mã chakafamis ẽ xafakĩa õia. Mã fẽxo keskarakõi imis. Nãskakẽ ea yõkakãfe ẽ mato sharafanõ, ẽfe meka ẽ mato tãpimasharanõ.