2 Co. 7:4 - Yaminahua

⁴ Mã nõ tãpikõia mã noko noikõiyanã, mã Jesús Ifo sharakõi fakẽ. Nãskakẽ nõ yorafo yoimis mã isharakõimiskẽ. Nãskatari nõ omiskõifi nõ inimakõimis.

2 Co. 7:4 ပူးပေါင်းရင်းမြစ်များ

Hch. 5:41

Nãskakẽ a Niosnoa yoimisfo xanĩfofo anoax tsekekani inimakõinifo, Niosnoaxmãi omiskõikanax Jesúsnoa meka shara ato yoikani.

Romanos 5:3

Askatari Jesúsnoax omiskõi nõko shinã mẽra nõ inimakõitiro. Askax nõ a keskara nõ itiro. Omiskõifiaito Jesús ãfe shinãmã nõko shinã mẽra noko mitsisfamaxotiro nõ tenenõ.

1 Corintios 1:4

Mẽ tãpia Jesucristo mato noikĩ afarafo mato tãpimani ãfe õiti keskara mã inõ. Nãskara tãpixõ ẽ Epa Nios kĩfikĩ iskafa fafafãini: “Aicho Epa Niosi, mĩ Corinto anoafo afara sharafo Jesucristoõxõ mĩ ato tãpimanaki,” ixõ ẽ kĩfifafãini.

2 Co. 10:8

Nõko Ifo Jesús ea yoimis keskara ẽ mato yoitiro. Mato afaa chakafamatama nõko Ifo ẽ mato Ifofamasharapai mato õiti fẽpeaxosharaxiki. Ẽ anori mato yoi ẽa kakapaitama, ẽroko mato yoisharapai. Ẽ anori mato yoikai ẽ rãfima.

2 Co. 11:21

Mato askafakakĩ shinãkaniraka nõ mitsisipakõira ikaxõ. Ooa. Nõkai mitsisipama oa ato akaifo keskafakĩ nõri mato askafapanã. Akka nõkai mato askafamisma nõkairoko ato keskaraxõ. Akka nãfo ãa yoimesharakakĩ mato afara yoimisfo keskafakĩ ẽari ẽ yoimesharatiro. Ooa. Nã afaa tãpiamafo keskaraxõ anã ẽ mato yoi.

2 Co. 2:14

Aicho Epa Niosi, mĩ Cristo Jesús afara chaka potamana anã afeskafanõma. Nãskakẽ nõri afe inimai nõmãi aõxõ ãfe meka yoikatsaxakĩ yorafãfe tãpinõfo. Akka pirofomã nakas shara nachikomea nõ keyokõichi xetetiro keskafaki, nãskafakĩri Niospa noko nĩchiano nokoõxõ keyokõichi tãpitirofo ãfe meka shara.

2 Co. 3:12

Nãskakẽ mã nõ tãpikõia Epa Niospa Jesúsnoa yoini keskara keyonakama. Nãskakẽ ranotama nõ Jesúsnoa yorafo yoitiro.

2 Co. 7:14

Akka Tito kayoamano ẽ yoiti iskafakĩ: “Na Corinto anoafo sharakõifo,” ixõ ẽ yoiti. Nãskakẽ Tito mato mẽra kaano mã ifisharakõiyamea. Nãskakẽ ẽ matoõnoax rãfiyameama. Akka chanĩma fisti nõ mato yoimis. Nã ẽ matoõnoa Tito yoia keskara chanĩmakõi Titopa mato õia.

2 Co. 8:24

Akka mato ari nokofaifãfe ato ifisharakõikãfe nã Nios Ifofaafo ato katonifo ato tãpinõfo mã ato ifisharaito. Mã ato askafaino nã ẽ matoõnoa yoisharamis keskara tãpitirofo chanĩmakõikẽ.

Filipenses 1:14

Ẽ karaxa mẽra ikano nã nõko Ifo Jesús Ifofaafãfe atirifãfe Niospa meka sharaõnoa ato yoikakĩ mesetamakõi inimakõikai nõko Ifoxõ ato yoikani.

Filipenses 1:20

Epa Niospa ea amapaiyai keskara akiki ẽ rãfitiroma. Ranotamakõi ẽ yoitiro. Ẽ askafakĩ yoiaito õikakĩ fetsafãfe Cristoõnoa shinãkõinõfo. Nãskakẽ ẽ nayoamax ẽ niyoa sharakĩ.

Filipenses 1:26

Nãskakẽ ẽ anã mato fe ikaino mã inimaifinakõixii Cristo Jesúsnoax.

Filipenses 2:17

Ẽ mato yoisharamis mã Jesús chanĩmara fakõinõ. Akka Epa Nios ẽ yoitiro iskafakĩ: “Epa Niospa, ea mĩa yoini keskafakĩ Filiposo anoafo mĩ Fake Jesúsnoa ẽ yoimis. Nã chanĩmara fakõinõfo, a mĩ ato yoiai keskara akõixikani. Ẽ mia ato chanĩmara famaõxõ ea retexikani rakikĩa,” ixõ ẽ Epa Nios yoitiro. Akka ea retefiafono eõxõ mã Jesús Ifofaano ẽ inimatiro. Nãskakẽ mãri efe inimakãfe Niospa ea sharafaino matoõnoax ẽ natiro.

Colosenses 1:24

Nãskakẽ ẽ inimai ẽ matoõnoax omiskõifi, mãri afara afeskaraino mã Cristo Ifosharakõi faano. Cristo nokoõnoax omiskõini keskai, ẽri nã afe rafemisfoõnoax nã Niospa fakefo atoõnoax ẽ omiskõimis. Ẽ matoõnoax omiskõita iskaratĩari ẽ Cristoõnoax omiskõimis.

1 Tesalonicenses 2:19

Nõ mato yoimis Jesús keskara shara mã inõ. Nãskakẽ Jesucristo oaino keyokõichi tãpitirofo Jesúsmãi Ifokõi fakaxõ. Nãskakẽ Jesús õiaino matoõnoax nõ inimakõixii, nõ mato yoipaoni keskaramãi mã nikakõimiskẽ.

1 Tesalonicenses 2:2

Mã mã tãpia nõ matoki kayoamano na Filiposo anoafãfe noko ĩchayanã noko omiskõimapaonifo. Nãskaxõ noko xatemapaiyaifono, Epa Niospa ãfe kerex shara noko inãno, nõ ratetama na meka sharaõnoa Jesúsnoa nõ mato yoimis keskara tsõa noko xatematiroma.

2 Tesalonicenses 1:4

Nãskakẽ Niospa mekaõnoa nõ ato yoifofãsafakĩ nã Nios Ifofaafo fe nõ ato fe ichanãitĩa nõ matoõnoa ato yoimis iskafakĩ: “Nã Nios Ifofafo Tesalónica anoafo ãto kaifo fetsafãfe ato omiskõimamisfo. Nãskakẽ afara chakafãfe ato afeskarafafiaino a shinãtamaroko Jesús Ifokõi fakaxõ tenekõimisfo,” ixõ nõ matoõnoa ato yoixomis.

Flm. 1:7

Ẽ mikiki inimasharakõi mĩ ato noisharakõiaito nikai. Nãskakẽ ẽ mikiki inimai, efe yorashta, a Nios Ifofaa fetsafo mĩ ato noikĩ mĩ ato inimamasharakõiaino.

Stg. 1:2

Efe yora mĩshtichi, afara chakafo nokoaino, inimasharakãfe, shinãchakakakima.