2 Co. 7:1 - Yaminahua

¹ Ẽfe yora mĩshtichi, Epa Niospa nã noko yoiyoni keskara shara. Nãskakẽ nõ isharanõ keyokõichi nõko chaka nõ xatenõ. Afarafãfe nõko yora iyamai nõko õiti mẽraxõ noko chakafamatiro nãfo nõ xatekõinõ sharakõi ixiki. Nõ Epa Nios noikõiax a keskara shara nõ ipai.

2 Co. 7:1 ပူးပေါင်းရင်းမြစ်များ

Mateo 12:33

Anã Jesús ato yoini iskafakĩ: “Akka shinãkapo. Ifi shara ãfe fimi sharakõi itiro. Akka ifi chaka ãfe fimiri chaka itiro. Ififo ãfe fimioxõ nõ tãpitiro afe keskaramãkĩ.

Mateo 5:48

Nãskakẽ Epa Nios nai mẽraxõ yorafo noiai keskafakĩ mãri yorafo keyokõi noikãfe. A Epa Niospa shinãsharamis keskafakĩ mãri askafakãfe,” ixõ Jesús ato yoini.

Mateo 5:8

“Fẽtsa Nios shinãsharakĩ, ãfe õiti mẽra afaa chaka shinãtama Nios fisti shinãkĩ chipo Nios õixii. Nãskax inimakõixii.

Hch. 9:31

Nãskakẽ a Jesús Ifofaafo Judea anoax ita Galilea anoax ita Samãria anoax ita isharakõinifo anã tsõa ato omiskõimanaimano. Anoxõ Nios nikasharakõinifo isharakõikaxõ Niospa Yõshi Sharapa ato axosharaino. Nãskakẽ a Nios Ifofaafo ichapakõi inifo.

Romanos 5:20

Moisés Niospa meka yoikĩ ato kirika kenexoni afara chakaõnoa tãpinõfo. Akka nã Moisés ato kenexoni mã õifikakĩ a Niospa ato yoia keskara tsõa nikakõikanima. Keyokõichi afara chakafamisfo. Mã chakafakĩ finafiafono Niospa ato noisharakõixõ ãfe Fake atoki nĩchini ato chaka soaxonõ.

1 Corintios 6:20

Jesucristo mato nãxoni mãto Ifo ixikĩ. Nãskax mã ãfe inakõifo. Nãskatari Nios mãto Ifokõi. Nãskax mãto yora Niosnã. Nãskakẽ Niosnã ixosharakãfe Niospa mato imapaiyai keskara. Mã askafaito õikakĩ fetsafãfe, “Nios sharara,” fatirofo.

2 Co. 1:20

Epa Niospa noko yoiyoa keskara keyokõi Cristo mã noko axomis. Nãskakẽ nõ keyokõichi yoimis iskafakĩ: “Epa Niosi, mĩ fãsi sharakõi. Jesúsxõ keyokõi mĩ afama mĩshti famis nã mĩ yoiyoa keskafakĩ. Nãskakẽ Jesús aneõxõ nõ mia aicho fai,” ixõ nõ yoimis.

Efesios 2:3

Nõri askafapaoni, nã nõ afara chakafapaiyaifo keskara nõ apaoni. Afara chaka shinãmiskõifo nõ ipaoni. Epa Niospa nã nikayospamisfo ato omiskõimanaitĩa ato omiskõimakõixii. Nõri ato keskaraxõ nõ afara chakafaito nã ato akai keskafakĩ nokori omiskõimakerana. Akka nõ afara chakafafiato noko omiskõimatama. Niospa noko fãsi noisharakõimis, noko shinãkõikĩ noko omiskõimapaima. Noko chakafapaimisma.

1 Tesalonicenses 3:13

Mã askaino Epa Niospa mãto õiti mẽraxõ mato shinãmasharai, Jesús Ifo sharafayanã mã afaa chakafayamanõ. Mã askaino nõko Ifo Jesús afe yorafoya oaitĩa mãri a keskara shara ixii, Epa Niospa õiaino.

1 Tesalonicenses 4:7

Epa Niospa noko katonima nõ afara chakafanõ. Askatamaroko noko katoni a keskara shara nõ inõ.

1 Tesalonicenses 5:23

Niospa mãto yorafoya, mãto fero mẽshofoya mãto yõshi sharafoya Niospa mato sharakõi fatiro mã fekaxtenõma. Nãato shara mato imatiro ãfe õiti keskara shara mã inõ. Mato kexesharata mãto õiti mẽraxori mato shinãmasharatiro. Askax mã sharakõi inõ. Epa Niospa mato askafaino nõko Ifo Jesucristo afianã oaitĩa mato shinãmasharaxii.

Hebreos 12:23

Nãnori nõ keyokõi a Jesús chanĩmara faafo afe ixii. Akka nã Nios ika ari ãto anefo kenea afe ĩpaxanõfo. Nãskakẽ nõri nõ Nioski nokoa. Nãskakẽ noko yoixii fatofãfe Ifofakanax afe ipanakafomãki. Nã Ifofaafos a keskara shara ato nai mẽraxõ imai afaa chakafamisfoma keskara inõfo.

Hebreos 12:28

Nãskatari a Nios ika ariax mai naya naya itiroma. Nãskakẽ nãno nõ afe isharapakexatiro. Nãskakẽ aõnoa nõ shinãsharayanã nõ kĩfifafãinõ. Nãskaxõ a noko amapaiyai keskara nõ axõaino nokoki Epa Nios inima sharakõixii.

Hebreos 4:1

Akka Epa Niospa noko yoiyoni iskafakĩ: “Mã ea Ifofaino ẽ mato anã inimamatiro. Akka mã ea Ifofayamakẽ ẽ mato inimamatiroma,” ixõ noko yoiniki. Nãskakẽ keyokõichi nõ Ifofanõkãfe.

Hebreos 6:9

Efe yora mĩshtichi, mẽ matoõnoa tãpisharakõia. Mãkai ato keskarama. Akka Jesús Ifofaax oa mã fãi kai keskara mã Nios ari kai.

Stg. 4:8

Nios Ifofasharakãfe. Mã Nios Ifofasharaino mato fe rafei. Nãskakẽ mãto chaka xatekãfe afaa chakafapaikakima. Akka fẽtsa Nios Ifofasharapaifikĩ, Satanásri ifofapai, askatamaroko, Nios fisti Ifofasharakãfe.

1 Pedro 1:15

Askatamaroko afaa fetsa shinãtama isharakõikãfe. Akka Nioskai afaa chakaya osiama. Niospa mato katoni a keskara shara mã inõ.

1 Pedro 1:17

Shinãkapo. Mã Epa Nios kĩfikĩ Epa mã famis. Nãskax nõ ãfe fakefokẽ noko õi. Akka a ãfe meka nikamisfo Niospa ato shara fai. Akka a nikamisfoma ato omiskõimatiro. Ares fisti Epa Niospa noko õimis mẽstekõi. Nãskakẽ isharakõikãfe nono nãmãnoax. Nãskaxõ Nios shinãsharakãfe meseyanã.

1 Pedro 1:22

Akka mã mã Jesucristoõnoa meka shara nikakõixõ anã afaa chaka shinãyamakĩ. Mã mã isharakõixõ mã fetsafo noikõi. Nãskakẽ mãa ranã nõinã faatanãsharakõikãfe mãto shinã sharafoyaxõ shinãsharakõita.

1 Pedro 2:11

Efe yora mĩshtichi, ẽ mato yoisharapai ea nikasharakãfe. A Nios Ifofaafomafo fe nõ ato fe ikax oa yora fetsa keskara nõ iki. Askafiax nõkai ato fe ipanakama. Akka nõroko Epa Nios fe ĩpanaka. Nãskakẽ nã Epa Nios Ifofaafoma keskara iyamakãfe. A mato shinãmapaiyaifo keskara shinãyamakãfe. Mã ato keskara itiroki, Satanás mato chakafamapai kiki.

1 Pedro 5:10

Niospa mato noikõikĩ mato katoni, Cristo ika ari mã afe isharakõipakexanõ nã sharafinakõia ano. Nono mai ano mã iyoax mã aõnoax omiskõiyoi. Mã askaino Epa Niospa mãto õiti mato kerex faxõi. Nãskaxõ afara afeskara afiaino mã tenekõixõ mã Jesucristo Ifofasharakõixii.

1 Juan 1:7

Nios xafakĩakõi ikakĩ, afaa pishta chakafamisma. Ãfe õiti mẽra oa fakish keskarama, xafakĩa sharakõi ika. Akka nõri afe rafekõixõ, nõ ãfe meka nõ mẽra nanekõixõ, Niospa shinãi keskafakĩ nõri nõ shinãtiro. Nõ askara shinãx, nã Ifofaafo fe nõ ato fe rafetiro. Nãskax nõ xafakĩakõi nitiro, Niospa Fake Jesúsmãi noko nãxonikẽ. Ãfe imĩ nõko chaka noko soaxõfafãini keyokõi.

1 Juan 1:9

Akka nõ afara chakafaxõ nõko chaka nõ soapaikĩ, nõ Nios yoiaito nõko chaka noko soaxotiro. Keyokõi noko soaxotiro noko raefakĩ, Niosmãi mẽstekõi isharakõixõ.

1 Juan 3:3

Niospa fakekẽ nonori nõ yoi: “Ẽ Jesucristo fe ipanaka. Ẽ Jesús fe ikaino ãfe õiti keskarakõi ẽ ixii,” ixõ shinãkĩ nõ anã chaka shinãpaima. Jesucristo shinãi keskarari nõ shinãtiro, anã chaka shinãyamakĩ.