2 Co. 2:1 - Yaminahua

^1-2 Nãskakẽ ẽfe shinã mẽraxõ shinãkĩ ẽ iskafayamea: “Ẽ Corinto ari kapaifi ẽ kaima. Akka ẽ kaxõ ẽ ato yoikĩ iskafapaima: ‘A mã afara chakafamis keskara xatekãfe,’ ixõ ẽ ato yoikĩ ẽ ato inimamatiroma. Askakimaroko ẽ ato shinãmitsamatiro. Ẽ ato shinãmitsamanaino, ¿tsõa ea inimamatiromẽ? Akka ares fisti ea inimamatirofo,” ixõ ẽ shinãyamea.

2 Co. 2:1 ပူးပေါင်းရင်းမြစ်များ

Hch. 11:29

Nãskakẽ a Nios Ifofaafãfe Antioquía anoxõ shinãnifo a Nios Ifofaa fetsafo Judea anoafo ato kori manamaxikakĩ, afe tii ato fomakanimãkai.

Hch. 15:2

Ato askafaifãfe nikakĩ Pablo feta Bernabé, “Maa, askarakaima. Fanĩrira mã yoi,” ato fakanax ato fe feratenãnifo. Ato askafaifono Pablo yafi Bernabé a Jesús Ifofamisfo fetsafori ato katokaxõ Jerusalén ari ato nĩchinifo a Jesúsxõ ãfe meka ato yoimisfoya a Nios Ifofaafo ato kexemisfo ato yõkatanõfo chanĩmamakĩ.

Hch. 15:37

Bernabé Juan iyopaini ato fe kanõ, nã Juan ãfe ane fetsa Marcos ipaoni.

1 Corintios 2:2

Ẽ matoki oyoxoma ẽ shinãkĩ iskafani: “Jesucristo ifi cruz ikakinoax noko nãxoni, nã fisti ẽ ato yoixikai. Afaa fetsa ẽ ato yoitiromaki,” ixõ ẽ shinãyamea.

1 Corintios 4:21

Nãskakẽ nã ẽ matoki nokoaitĩa ãfe shinã sharaõnoax ẽ matoki nokoxii. Mẽ nokoxõ ẽ tãpixii afeskax mã ikamãkĩ. Mã chaka xateyamakẽ Niosxõ ẽ mato tãpimaxii omiskõimakĩ. Akka mãto chaka mã xatekẽ ẽ mato noikõikĩ fenãmãshta ẽ mato yoisharaxii. Nãskakẽ ẽ matoki nokoxõ ẽ mato omiskõimayamano fenãmãshta oi tsii faxõ ẽ mato yoixii ea yoikãfe fato mã fichipaimãkai.

1 Corintios 5:3

Ẽ mato fe iyamafiaxõ ẽ mato shinãkõi. Ẽ ano mato fe iyamafiaxõ nã feronãfake afeskaimãkai mẽ tãpikõia. Ẽ mato anoxõ yoikĩ iskafakerana: “Mã Jesucristo shinãyanã ichanãino Niospa ãfe Yõshi Sharaõxõ nã feronãfake ãpa ãfi fe imiskẽ mato makinoa potakãfe Satanás ifofaafo mẽra inõ. Nãskakẽ Satanás nã feronãfake omiskõimanõ. Nãskaxõ Satanás nã apaiyai keskara faxii nã feronãfake. Nãskafaino omiskõixii. Satanás omiskõimanaino ãfe chaka xatepaixii Jesús anã Ifofapaikĩ anã omiskõiyamaxiki. Mã ãfe chaka xateano nõko Ifo Jesucristo anã oaitĩa nã feronãfake ifixii afe ipaxanõ anã omiskõinõma,” ixõ ẽ mato yoikerana ẽ mato fe ixõ.

2 Co. 1:23

Ẽ mato ari kaira ixõ ẽ shinãfiitaxakĩ ẽ kaama. Epa Niospa ea tãpikõia ẽ chanĩkẽma. Ẽ mato ari kakerana. Nãskafiax ẽ kaama ẽ mato shinãkĩ. Ẽ ato ari kaxõ ẽ ato fasi yoikĩ ẽ ato shinãmitsamatirora ikax nãskax ẽ mato ari kaama.

2 Co. 13:10

Akka ẽ mato kirika kenexona mato ari kayoxoma mã ea nikanõ. Mẽ mato ari nokoxõ õia mã Cristo Ifo sharakõifaino ẽ mato õitoshinõ. Nãskakẽ mã isharakõiaino Niosxõ fãsi mekakai ẽ mato yoima mã isharakõinõ. Epa Niospa ea yoia ẽ mato yoisharanõ mã Nios Ifo sharakõifanõ isharakõixõ.

2 Co. 2:4

Ẽ mato kenexokĩ ẽ meyamea ẽfe õiti shinãmitsakõiaito oiayanã. Ẽkai mato shinãmitsamapainima. Askatamaroko ẽ mato kenexoni a ẽ mato noikõiai keskara mã tãpinõ.

Tit. 3:12

Askata ẽ mikiki Artemas iyamakĩ Tíquico ẽ mia nĩchixoni. Mikiki nokokẽ, ekeki ofe, Nicópolis ano. Na oi pakeaitĩa ẽ shinã ẽ nono Nicópolis ano itiroki, mechakaino.