2 Co. 13:9 - Yaminahua

⁹ Akka fetsafãfe nõ afama noko askafakĩ shinãfiaifono nõ shinãchakaima. Akka mã Jesúsnoax isharakõikẽ nõ fãsi inimakõitiro. Akka nõ mato Epa Nios kĩfixona mã a keskara sharakõi inõ.

2 Co. 13:9 ပူးပေါင်းရင်းမြစ်များ

1 Corintios 1:10

Efe yora mĩshtichi, ẽ mato yoisharapai. Nõko Ifo Jesucristo ea yoiaino ẽ mato yoi nãnorifos mã shinãnõ, mã fetsa shinãnõma. Jesucristo mato shinãmapaiyai keskara fisti shinãkãfe.

1 Corintios 2:3

Askata mẽ nokoax ẽ matoki ratekõiyamea. Nãskakĩ rateyanã ẽ shinãyamea iskafakĩ: “Ẽ mitsisipama ea õikakĩ ea nikakaspatirofo,” ixõ ẽ shinãyamea.

1 Corintios 4:10

Nãskakẽ ẽ Jesucristo Ifofamis. Akka mã ea yoimis: “Pablo afaa tãpiamara,” mã ea famis. Askatari, “Nõ Jesús Ifofakĩ nõ tãpisharakõia,” mã imis. Askafixõ mã tãpisharakõiama. Nãskaxori mã ea yoimis, “Na Pablo afaa afeska fatiroma. Akka nõ afarafo nõ atiro,” mã imis. Askafixõ mã askafatiroma. Mã shinãkĩ sharakõi mã meei. Akka ea mã õia ẽ afaamakõi mã ea õimis.

2 Co. 11:30

Akka nã ẽ mato rama yoiai keskara kakapaikĩ ẽ mato yoima. Ẽ mato yoi mã tãpinõ ẽa ẽ afaa atiroma.

2 Co. 13:11

Mẽ mekai xatekĩ ẽ mato yoisharai. Jesús keskara isharakãfe. Ea nikasharakãfe. Nãnori fisti shinãkãfe. Isharakãfe. Mã askaino Niospa mato noikõikĩ mato inimamasharai ãfe Yõshi Sharaõxõ mato fe ixõ.

2 Co. 13:4

Chanĩma, Jesucristo nokoõxõ ifi cruz ikakĩ mastaifono nã feronãfake pachikõi keskara ini. Nokoõnoax nai ãakai ifimenima. Nãskafinixakĩ iskaratĩa Niospa sharaõnoax nia. Nãskarifiai nõri mitsisipama. Nãskafixõ Jesús feta nã Niospa apaiyai keskara nõ atiro Epa Niospa sharaõxõ.

2 Co. 4:12

Nãskakẽ Jesúsnoa nõ mato yoimis fetsafãfe noko retepaifiaifono mã chanĩmara faax mã afe ĩpaxanõ.

2 Co. 7:1

Ẽfe yora mĩshtichi, Epa Niospa nã noko yoiyoni keskara shara. Nãskakẽ nõ isharanõ keyokõichi nõko chaka nõ xatenõ. Afarafãfe nõko yora iyamai nõko õiti mẽraxõ noko chakafamatiro nãfo nõ xatekõinõ sharakõi ixiki. Nõ Epa Nios noikõiax a keskara shara nõ ipai.

Colosenses 1:28

Nõ Cristoõnoa yoimis, keyokõi nõ ato yoifofãsafamis keyokõi nõ ato yoimis nikakõinõfo. Mã isharakõiano nõ keyokõi Niospa ferotaifi nõ õimasharapai a keskara shara ixii.

Colosenses 4:12

Na feronãfake Ipafrasri meka shara mato fomai, nãatori Cristo yonoxomis, nã mato mẽra iyopaoni. Nãato mẽxotaima matoõxõ Epa Nios kĩfikĩ iskafa fafafãini: “Epa Niosi, mĩ ato amapaiyai keskafakĩ ato amafe afaa fetsa shinãnõfoma. Nãskakanax mĩ Fake Jesús õiti keskara shara inõfo,” ixõ mato kĩfixõfafãini.

1 Tesalonicenses 3:10

Nãskakẽ penata yoita fakishi yoita nõ Nios kĩfifafãini matoõxõ, noko mato ari nĩchiaino nõ mato õikanõ a mã tãpiamafo nõ mato yoixiki mã Jesús Ifofakõinõ.

2 Timoteo 3:17

Akka Nios Ifofamisfãfe ãfe meka nikasharakõikaxõ, Nios yonoxosharakõitirofo.

Hebreos 12:23

Nãnori nõ keyokõi a Jesús chanĩmara faafo afe ixii. Akka nã Nios ika ari ãto anefo kenea afe ĩpaxanõfo. Nãskakẽ nõri nõ Nioski nokoa. Nãskakẽ noko yoixii fatofãfe Ifofakanax afe ipanakafomãki. Nã Ifofaafos a keskara shara ato nai mẽraxõ imai afaa chakafamisfoma keskara inõfo.

Hebreos 6:1

Akka nõkai fakefo keskarama. Fakefãfekai afaa tãpisharafoma. Akka nõroko tãpisharakõia. Akka fetsa ẽ mato yoipai a ẽ mato yoiyomis keskara anã ẽ mato yoima. Mã nõ tãpia a nõ afara chakafamis. Nãskakẽ nõ rãfikõiyanã nõko chaka shinãmakitiro. Nãskaxõ nõ Nios Ifofaino noko chaka soaxotiro nõ afe ĩpaxanõ.

1 Pedro 5:10

Niospa mato noikõikĩ mato katoni, Cristo ika ari mã afe isharakõipakexanõ nã sharafinakõia ano. Nono mai ano mã iyoax mã aõnoax omiskõiyoi. Mã askaino Epa Niospa mãto õiti mato kerex faxõi. Nãskaxõ afara afeskara afiaino mã tenekõixõ mã Jesucristo Ifofasharakõixii.