2 Co. 11:8 - Yaminahua

⁸ Akka ẽ mato fe ikano nã Nios chanĩmara faa fetsafãfe ea kori inãnifo aõ nã ẽ fichipaiyai keskara ẽ finõ. Õitsai, ẽ atoki yometsoa keskararaka nã kori fii mato Niospa meka yoi, ẽ mato yonoxomis keskaraxõ.

2 Co. 11:8 ပူးပေါင်းရင်းမြစ်များ

1 Corintios 4:12

Nãskaxõ nõ kerexkai yonotiro a nõ piai fixiki. Nãskatari yorafãfe noko mekafakĩ chakafaifono ato kopitamaroko nõ tenemis. “Jesús mato shara faxopainõ,” ixõ nõ yoimis. Noko omiskõimafiaifono nõ tenemis.

1 Corintios 9:6

¿Afeskakĩ ẽ Bernabé feta nõ mato Jesúsnoa yoifikĩ nõ yonoimẽ, a nõ yopai yafi a nõ piai fixikĩ? Akka fetsafãfe Jesúsnoa mato yoifikakĩ yonokanima nõ akai keskafakĩ. Akka afara yopaifono mã ato inãmis. Akka a nõ yopai kaxpa nõ fimisma, yonoxõ nõ fimis.

2 Co. 11:9

Ẽ mato fe imis chãikai ẽ afara yopafikĩ ẽ mato fekaxtefamisma. Akka Macedonia anoafãfe Nios chanĩmara faafo fẽkaxõ ea afarafo inãnifo. Akka ẽ mato fe imis chãikai ẽ tsoa afaa yõkamisma. Askatari ẽ tsoa afaa yõkapakenakama.

Filipenses 4:18

Nãskakẽ iskaratĩa ẽ anã afaa yopaima, mẽmãi ayaxõ. Ipafrodito ea fexoyamea a mã ea manamayamea tii. Nã ẽ fichipaiyai tiimaroko finõmainĩfofã mã ea femayamea. Nã mã Nios noiai keskafakĩ eari noikĩ mã ea femayamea. Mã ea askafaito õi matoki Nios inimakõixii.