2 Co. 11:4 - Yaminahua

⁴ Ooa. Fetsafãfe mato pãrapaikani. Nõ Jesúsnoa mato yoimis keskara anori mato yoikõiyamafiaifono mãkai ato xatematama mã ato chanĩmara fai. Nõ Niospa Yõshi Sharaõxõ meka shara Jesúsnoa nõ mato yoimis keskara anorikai afãfe yoikanima. Jesúsnoa anorima mato yoifiaifono mã ato xatemanama. Mã ato nikayanã mã yoimis iskafakĩ: “Aicho, mã nofe isharapainõ,” ixõ mã ato yoimis.

2 Co. 11:4 ပူးပေါင်းရင်းမြစ်များ

Marcos 7:9

“Nã mã shinãpaiyai keskara fisti mã shinãpai. Nãskakẽ a Niospa mato yoini keskara mã anã nikapaima.

Hch. 4:12

Anã fato yora fetsakai nãmã ikama noko shara fatiro. Jesús fistichi nõko õiti noko shara faxotiro nõ afe nĩpaxanõ,” ixõ Pedro ato yoini.

Romanos 8:15

Ãfe Yõshi Sharapa noko shinãmasharapai nõ anã mesenõma. Mã nõfi Niospa Yõshi Shara fĩaki. Nã ãfe Yõshi Sharaõxõ ãfe fakefo noko ima. Aõxõ nõ yoitiro iskafakĩ: “Epa Nios, mĩ ẽfe Epa,” ixõ nõ yoitiro.

1 Corintios 3:11

Ẽ mato taefakĩ Cristoõnoa yoini mã Ifofanõ. Akka tsõakai mato yoikĩ iskafatiroma: “Ẽ mato meka fetsa tãpimanõ mã chanĩmara faax Nios fe ĩpaxanõ,” ixõ tsõa mato anori yoitiroma. Jesucristo fistichi noko nimasharatiro nõ Nios fe ĩpaxanõ.

2 Co. 11:1

Iskaratĩa ẽ mato yoinõ, nã yora shinãsharayamaito yoiai keskara nãnorikõi ẽ mato yoifikĩkai askarakõi ẽ mato yoima. Nã mã ea nikamis keskafakĩ iskaratĩa ea nikasharakãfe.

2 Co. 2:12

Akka ẽ mato eõnoa tãpimapai. Ẽ pexe rasi Troas ano kani meka shara Cristoõnoa ato yoikai. Cristoõnoa nikapaikõinifo. Nãskano nõko Ifãfe ea atoki nĩchini ẽ ãfe meka ato yoinõ.

Gálatas 3:2

Akka ẽ mato yõkapai mã ea yoinõ a Moisés noko yoini keskara tãpixõ mã Niospa Yõshi Shara fiamãki, askayamaki Jesucristoõnoa meka shara nikaxõ mã fiamãki.

1 Ti. 1:3

Ẽ Macedonia ano kayamea taefakĩ, ẽ mia yoifaini kati. Ẽ mia anã yoiaito nikasharafe. A Efeso anoax fena kayamafe. Nãno ixõ mĩ efesofo ato yoisharafe. Atiixori Niospa meka anorima yoimisfokĩ. Niospa meka yoitamaroko ãto xinipao ipaoni fisti ato yoifafãikani. Askakani feratenãkani. Nãskakẽ ẽ mia yoi mĩ ato yoisharanõ iskafakĩ: “Niospa meka mẽstekõi yoisharakõikãfe. Mãto xinipaofãfe afeskax Epa Nios ari nõ nokotiromãki noko tãpimapaonifoma. Jesucristo noko nãxoni nõko chaka noko soaxoxiki. Epa Nios ano noko imaxiki nõ Jesús chanĩmara fakẽ. Nã fisti chanĩmara fakãfe, a fisti ato yoikãfe. A mãto xinipao ipaoni anori mã anã shinãnõma. Anorima chaka ato yoiyamakãfe. Niospa meka yoisharakãfe mẽstekõi,” ixõ ato yoife.

1 Ti. 2:5

Nios fistikõi, anã fato Nios fetsama. Nã Nios fisti ares shara. Akka na yorafo chakakõifo. Afara chakaya shara nõ ositiroma. Akka yõra ato mẽraxõ afara chakafamisto Nios õikaspai, nikakaspakĩ. Akka nã yora chaka askara Nios ari katiroma. Nãskakẽ Cristo Jesús nãmã na mai ano oni yorafo nãxoxiki nõko chaka noko soaxoxiki. Askafakĩ, yorafo chaka soaxonano isharanõfo, ato askafaano, Nios ari nokotirofo. Nãskakẽ nõ tãpia Jesucristo fistichi noko Nios ari iyotiro. Nãskakẽ keyokõi yorafo ifipai. Nãskakẽ noko õimani Jesucristo keyokõi yorafo ifipai.