2 Co. 10:14 - Yaminahua

¹⁴ Nãskakẽ ori fetsa ari ẽ kanima, nã ea nĩchini ano ẽ kani. Akka nã nõ mato yoiai keskara chanĩmakõi. Nõkai kakapaimisma. Nã Niospa noko yoiai keskara fisti nõ mato yoitiro. Akka nõ mato Niospa meka yoikĩ taefatani Jesucristoõnoa meka shara mã nikamiskẽma.

2 Co. 10:14 ပူးပေါင်းရင်းမြစ်များ

1 Ti. 1:11

Nãfãfe Niospa meka tãpisharafoma, nikakanima. Epa Niospa ea yoia ẽ ãfe meka mẽstesharakõi ato tãpimanõ. Ãfe Fake Jesucristo fãsi shara nokoõnoax nani nõko chaka noko soaxoxiki nõ afe nipaxanõ. Aicho, Nios fãsi sharakõi.

1 Corintios 4:15

Yora ichapato mato Cristoõnoa tãpimakani. Akka ẽ taefakĩ mato Cristoõnoa tãpimayoni. Nãskakẽ mã Cristo chanĩmara fani. Eõnoax mã Niospa fakekõifo. Nãskatari ẽ mãto epa keskarakõi. Fetsafãfe Cristoõnoa mato tãpimafiaifono afokai mãto epa keskarama. Akka ẽ fisti mãto epa keskarakõi.

Romanos 1:16

Jesúsnoa meka shara yoipaikai ẽ ranotiroma. Ãfe meka xafakĩa shara. Noko Niosnoa tãpimatiro a tsõa atiroma keskara Niospa atiro. Nõ chanĩmara faito Jesucristoxõ Niospa noko chaka soaxotiro nõ afe ĩpaxanõ, nõ fenoyamaino. Taefakĩ judeofãfe nikakõinifo. Akka iskaratĩari judeofomafãferi nikakani afe ipaxakakĩ.

Colosenses 1:5

Na meka shara chanĩmakõi Jesucristoõnoa mã mã nikamis. Jesucristo chanĩmara faax Nios ika ari mã afe ipaxatiro ixõ yoinifo mã mã nikamis. Na meka chanĩmara fakõixõ fetsafo mã ato noikõimis.

2 Co. 4:4

Nãfofi nã niafaka chaka ãto ifoxõ ato yoimis. Nãskaxõ nã õiti fẽstoa keskara ato faano na meka shara Jesúsnoa tãpitirofoma. Nã yora fẽxõ luz ota sharafiano õitiroma keskarafo. Nãskarakaxori Jesús finakõia tãpitirofoma. Nãskatari tsõa tãpitiroma Jesús Apa keskara sharafinakõifiano.

2 Co. 2:12

Akka ẽ mato eõnoa tãpimapai. Ẽ pexe rasi Troas ano kani meka shara Cristoõnoa ato yoikai. Cristoõnoa nikapaikõinifo. Nãskano nõko Ifãfe ea atoki nĩchini ẽ ãfe meka ato yoinõ.

1 Corintios 2:10

Nã kirika kenekĩ yoinifo keskarakõi Epa Niospa ãfe Yõshi Sharapa noko õimani. Ãfe Yõshi Sharapa keyokõi tãpikõia. Epa Niospa shinãi keskarari ãfe Yõshi Sharapari tãpikõia.

Romanos 2:16

Niospa nõko õiti mẽraxõ nõ shinãito noko tãpikõia. Jesucristori noko tãpia. Akka yorafãfe nõko õiti mẽraxõ nõ shinãito noko tãpiafoma. Nãskakẽ mã nõko mai keyoaino Niospa noko yoikĩ iskafaxii mãmãi noko tãpixõ: “Nafo sharafo. Akka nafori chakafo,” noko faxii. Nãskara ẽ yorafo yoimis.

Hch. 20:24

Akka ea askafafiaifono ẽ shinãchakaima. Nã Epa Niospa ea amapaiyai keskara fisti ẽ shinãi. Epa Niospa keyokõi yorafo noikõi na meka shara ato yoitãfe ea fani. Nã ea yoini keskara ẽ apai.

Marcos 1:1

Ẽ mato meka shara yoinõ Jesucristoõnoa. Nã Jesucristo Niospa Fakekõi.

1 Corintios 3:10

Ẽ mato yoinõ afeska faxõ pexe fatirofomãki. Taefakĩ ãfe kishi kerexkõi fikaxõ nĩchitirofo. Mã kishi nĩchikaxõ aõxõ yonotirofo. Nãskarifiai mãfi pexe keskaraki. Akka nõ mato Niospa meka tãpimani nã pexe faifo keskara. Cristofi pexe kishi keskaraki. Nã ãfe kishiõnoax pexe nitiro. Nãskarifiakĩ Cristo mato nimai. Ea Niospa tãpimashara keskarari taefakĩ ẽ mato yoiaito mã Cristo Ifofani. Askatari fetsafãferi nãnorikõi mato yoikani mã Cristo Ifofasharanõ. Nãskata nã fetsafo ẽ ato yoimis iskafakĩ: “Shinãsharata ato mẽstekõi yoisharakãfe,” ixõ ẽ ato yoimis.

Romanos 16:25

Epa Niospa mato kexesharanõ. Ẽ Jesucristoõnoa mato yoimis keskara ãfe shinãmã mato shinãmatiro mã Ifofasharanõ. A iyopaonifãfekai tsõa Jesucristoõnoa tãpiyopaonifoma. Akka iskaratĩa keyokõichi mã tãpiafo. Epa Niospa nã nipanakato noko nĩchini Jesucristoõnoa nõ ato yoinõ. A ixiainoa Epa Niospa ato yoini nãnorikõi kirika kenenifo. Nã maitio ikafãfe Jesús chanĩmara fayanã nikasharatirofo.