1 Ti. 6:6 - Yaminahua

⁶ Akka anori shinãtamaroko nõ afaamaisfixõ nõ Nios Ifofaax, nõ inimasharakõitiro.

1 Ti. 6:6 ပူးပေါင်းရင်းမြစ်များ

Lucas 12:15

Nãskaxõ anã yoini: “Mã kexemesharakãfe afarafo ato fichipaiyamakãfe, ayafixõ finõmafãi fipaiyamakãfe. Nã nõ yopaifo shinãyamakãfe, afama mĩshtiõnoaxkai nõ isharatiromaki. Nõko afama mĩshtifãfekai nõko õiti noko inimamaxotiromaki,” ixõ Jesús ato yoini.

Lucas 3:14

Nãskatari sorarofãferi yõkanifo: “Akka, ¿nõ afeskatiromẽ?” ixõ yõkanifo. Askafaifono ato yoini: “Ato kori fĩapiakĩ shinãyamakãfe. Askaxori ato ferateni mitsisipayamakãfe. Ato askafayamakãfe. Mãto xanĩfori pãrayamakãfe. Nã xanĩfãfe mato inã tiiya inimakãfe,” ixõ ato yoini.

Romanos 8:28

Akka nõ tãpia Epa Niospa noko katoni a apaiyai keskara nõ anõ. Nõ Epa Nios noiaino afarafãfe noko afeskarafafiaino afoxõ Epa Niospa noko axosharai.

2 Co. 4:17

Akka a nõ niyoax nõ omiskõiyoai akai afaama, samamashta keyoi. Akka nõ Jesúsnoax omiskõiaito a noko sharakõi imai a keskarakai tsõa õiyomisma. Nãfori keyonakama.

Filipenses 1:21

Akka Cristo fistiõnoax ẽ ĩpanaka, akka ẽ nairi sharafinakõia, ẽ inimakõi ẽmãi Cristo fe nĩpaxakĩ.

1 Ti. 4:8

Akka afaa meeyamai rakatsax nõko yora xokenãtiro. Nõ anã afaa yonopaitiroma. Akka nõ mẽxotaima yonoi nõ mitsisipakõi itiro. Nãskara shara. Nãskafakĩri nõ mẽxotaima Niospa meka nõ õirifakĩ, Nios kĩfirifai nõ mitsisipakõi itiro nõmẽra sharafinakõia. Nãskax nõ shara itiro. Nãskatari nõ naax, nai mẽra kaax, ariaxri nõ mitsisipakõi itiro sharafinakõimãi niax Nios anoax, nõmãi Nios Ifofakatsaxakĩ.

1 Ti. 6:8

A nõ piai yafi a nõ rapatiyax nõ inimatiro, afaa anã ichapafo fichipaitama.

Hebreos 13:5

Akka kori ichapa noiyamakãfe. Askatamaroko inimakãfe afe tii mã ayamakĩ. Epa Niospa yoinikĩ iskafakĩ: “Ẽkai mato makinoax paxkanakama. Askatari ẽ mato potanakama. Nãskakẽ a mã yopai ẽ mato inãxii,” ixõ yoini.