1 Ti. 5:7 - Yaminahua

⁷ Timoteo, keyokõi ẽ mia yoiai na kẽro ifomafa Jesús Ifofamisfo tãpimasharafe, askara tãpikaxõ nikasharakõinõfo, fetsafãfe, “Mã chakara,” ikaxõ yoitirofoma.

1 Ti. 5:7 ပူးပေါင်းရင်းမြစ်များ

Filipenses 2:15

mã isharakõiano tsõa matoõnoa afaa chaka yoiyamanõ. Askatamaroko yora chakafo mẽra ikax mã isharakõiaito mato õitirofo mãmãi Niospa fakekõiax afaa chakafamisma. Akka mã ato mẽra ixõ ato õimasharakãfe, oa fakishi fishifãfe chai chaxatiro keskafakĩ.

1 Ti. 1:3

Ẽ Macedonia ano kayamea taefakĩ, ẽ mia yoifaini kati. Ẽ mia anã yoiaito nikasharafe. A Efeso anoax fena kayamafe. Nãno ixõ mĩ efesofo ato yoisharafe. Atiixori Niospa meka anorima yoimisfokĩ. Niospa meka yoitamaroko ãto xinipao ipaoni fisti ato yoifafãikani. Askakani feratenãkani. Nãskakẽ ẽ mia yoi mĩ ato yoisharanõ iskafakĩ: “Niospa meka mẽstekõi yoisharakõikãfe. Mãto xinipaofãfe afeskax Epa Nios ari nõ nokotiromãki noko tãpimapaonifoma. Jesucristo noko nãxoni nõko chaka noko soaxoxiki. Epa Nios ano noko imaxiki nõ Jesús chanĩmara fakẽ. Nã fisti chanĩmara fakãfe, a fisti ato yoikãfe. A mãto xinipao ipaoni anori mã anã shinãnõma. Anorima chaka ato yoiyamakãfe. Niospa meka yoisharakãfe mẽstekõi,” ixõ ato yoife.

1 Ti. 4:11

Timoteo, na ẽ mia yoiai yonosharata ato tãpimafe.

1 Ti. 6:17

A kori ichapayafo ato yoife: “ ‘Ẽ kori ichapayaki tsoa ea keskarama,’ ixõ anori shinãyamakãfe. Mãto koriõnoax inimamis iyamakãfe. Askatari mãto kori mato afeskafatiroma, keyotiro samama. Askatamaroko Nios fisti shinãkãfe. A nõ afara fipaiyai noko inãi noko fĩshkoima.

2 Timoteo 4:1

Timoteo, ẽ mia kaxeta yoima, nikafe. Jesús oatĩa nõko xanĩfokõi ixii Apa Nios feta, keyokõi yorafo namisfo yafi niafori ato yoixii. Jesús chanĩmara fakanax afe nai mẽra nisharapakenakafo; akka a chanĩmara famisfoma chiifã mẽra Niospa ato potai omiskõipakexanõfo. Nãskakẽ ãfe Fake Jesucristo feta Niospa noko õiaino ẽ mia yoi iskafakĩ:

Tit. 1:13

Nã tãpiato ato yoikõini ato pãranima. Creta anoafo chakakõi ikafo. Nãskafiaifono ato yoisharafe Titopa, anã askanõfoma, Niospa yoiai keskara nikanõfo. Nãskaxõ Niospa meka chanĩmara fanõfo.

Tit. 2:15

Nãskakẽ ẽ mia yoiai keskafakĩ keyokõi yorafo ato tãpimafe, mia Niospa shinãmanaino. Afara chakafaifãfe ato yoisharafe, anã askanõfoma. Niospa yoiai keskafakĩ mĩri ato yoisharafe, inimanõfo. Mĩ ato askafaito mia nikasharanõfo Niospa mia yoiai keskarafakĩ akairi nikasharanõfo.