1 Ti. 5:22 - Yaminahua

²² Õisharata ato katofe Niospa meka ato yoimis. A kaa fisti ato katoyamafe. Ato õisharayofe taefakĩ. Mĩ õisharaxoma ato ifitiroma. Mĩ askara ifikẽ chipo afara chakafaira ixõ, fetsafãfe mia mekafakĩ chakafatirofo. Nãskakẽ shinãsharafãi ife, Timoteo. Afaa chakafayamafe.

1 Ti. 5:22 ပူးပေါင်းရင်းမြစ်များ

Hch. 13:3

Nãskata foni teneyanã mã Epa Nios kĩfikaxõ Bernabé yafi Saulo ato mĩfi mãmãkaxõ Epa Nios ato kĩfixoyanã, ato nĩchinifo fetsafo ari fokaxõ Epa Niospa meka shara ato yoitanõfo.

Hch. 18:6

Ato askafaito nikakakĩ judeofãfe Pablo iskafanifo: “Jesúskai Cristoma. Mĩa mĩ chanĩ,” fakaxõ Pablo ĩchaketsanifo. Askafaifãfe nikakĩ Pablo ãfe rapatiõnoa atoki mapo taa taani mã anoax kakĩ ori fetsa ari ato iskafafãini: “Ẽ Niospa meka mato yoipaifiaito mã ea nikakaspai. Mãto shinãmã mã iki. Nãskax naax mã Nios fe nĩpanakama. Ẽ mato yoisharapaifiaito mã ea nikakaspai. Nãskakẽ na judeofoma ari ẽ kai ariafo ato yoixiki,” ixõ Pablo ato yoini.

Hch. 20:26

Nãskakẽ ẽ mato yoipai. Na fetsafãfe ea nikakaspamisfo ẽ ato yoipaifiaito tsõa ea nikamisma. Nãskax omiskõixikani. Nãskakẽ ẽ ato afeskafatiroma, mẽ ato yoimis.

Hch. 6:6

Ato askafakãta a ato Jesúsnoa yoimisfo ano ato iyonifo. Anoxõ ato Nios kĩfixoyanã ato mãmãnifo.

Efesios 5:11

Nã Nios Ifofakaspamisfãfe, afaa tãpiamafãfe afarafo chakafaifãfe õiki mãri ato feta chakafayamakãfe. Ato õitamaroko ato yoisharakõikãfe: “Anã afaa chakafayamakãfe,” ixõ ato yoikãfe.

1 Ti. 3:10

Nã Nios Ifofaafo ato kexemis ikimãkai mĩ õiyotiro. Askarato afe keskara yonosharaimãkai mĩ õiyotiro asharaimãkai. Askata asharakõiaito õikĩ, askara yora mĩ ifitiro a Nios Ifofaafo ato kexemis inõ.

1 Ti. 3:2

Nãskakẽ nã isharakõimis ifife. Isharaito õikakĩ fetsafãfe yoitirofoma iskafakĩ: “Nato afara mẽxotaima chakafamis,” ixõ yoitirofoma. Askatari ãfi fistiya itiro. Kẽro fetsa kaxefamisma ikãi, shinãsharakõita isharakõimis ikãi, fãsi yonosharamis xanimisma ikãi, fetsafo sharafamiskõi ãfe pexe anoxõ yora pimamis ikãi, fẽtsa pexe yopaito ãfe pexe mẽra yora ikimamis ikãi, ato tãpimasharamis ikãi, nãskara feronãfake ifife.

1 Ti. 3:6

Akka a rama Jesús Ifofaa a Niospa meka ato yoimis askara katoyamafe. Aato shinãki iskafatiro: “Ẽ fãsi sharakõi, ẽ Niospa meka ato tãpimani. Tsoa fetsa ea keskarama,” ixõ shinãi Jesús shinãyamafi ãa shinãi askatiro. Satanás anori mekani: “Ẽ Nios finõikai,” ini. Askaito Niospa nai mẽraxõ potani nãmã. Nãskari fakĩ a rama Jesús Ifofai, Satanás ani keskari fatiro. Nãskakẽ a ato Niospa meka yoimis askara katoyamafe a rama Jesús Ifofai.

1 Ti. 4:12

Nios Ifofafãi isharakõife. Mĩ isharakõiaito mia õinõfo, ato õimasharakõife. Askax mĩ isharakõixiki Nios Ifokõi faax, ato yoisharakõife mĩ meka pachi faxõ, ato noikõisharata, nãskax isharaito õikakĩ yorafãfe mia chakafakĩ yoinõfoma iskafakĩ: “Na naetapa Timoteo fanĩrira noko yoi kiki nikayamakãfe,” ixõ mia tsõa yoitiroma.

1 Ti. 4:14

A Nios Ifofaafo ato kexemisfãfe mia mãmãkaxõ mia Epa Nios kĩfixonaifono Niospa mia amapaiyai keskara mia axoni a Nios Ifofaafo mĩ ato tãpimasharanõ ato kexesharayanã. Akka Epa Niospa mia kaxpa tãpimanimakĩ fetsafori sharafaxõfafãini xateyamafe.

2 Timoteo 1:6

Anã shinãmakiyamafe ẽ mia mãmãxõ ẽ mia Nios kĩfixoni. Nãskakẽ Niospa mia katoni Jesús yoimis mĩ inõ. Mã chii nokakẽ nõ anã xofisa fatiro anã xofisanõ. Nãskarifiakĩ mĩ anã yorafo ato yoipaima mã mĩ xokenãifinaxõ askara meekĩ mĩ Nios kĩfitiro anã mia õiti fepeaxosharanõ, mĩ anã ato yoisharanõ inimayanã a mĩ taefakĩ ato yoini keskafakĩ.

2 Timoteo 2:2

Ẽ yorafo Jesúsnoa yoiaito mĩri ea nikafafãini. Nãskarifiai mĩ ato chanĩmara fasharatiro. Nãskaxõ a feronãfakefãfe a shinã sharaifo ifife mĩ ato tãpimaxikĩ afãferi fetsafo tãpimanõfo.

Hebreos 6:2

Mã nõ tãpia noko fẽtsa maotisafaino keyokõi tãpitirofo mã nõmãi Nios Ifofaino. Askatari nõ tãpia noko Nios kĩfixoyanã ãto mifi noko mãmãtirofo Niospa Yõshi Sharapa noko imasharanõ. Nãskatari mã nõ tãpia nõ Jesús Ifofaax nõ naax nõ anã otoxiai. Akka a Jesús nikakaspamisfo Niospa a omiskõipakenakafo mẽra ato potaxii. Nãskakẽ nãfo mã nõ tãpikõia.

2 Juan 1:11

Nãskakẽ askara yora mã chanĩmara fakĩ afe rafexõ afeta mã anorima yoitiro chaka shinãkĩ.

Apocalipsis 18:4

Yoikĩ askafatanaino nai mẽranoax mekaito ẽ meka fetsa nika iskai mekaito: Babilonia ano ikafãfe fãsi afara chakafakĩ finakõiafo. Nã afara chakafamisfo Epa Niospa ato õia chakakõifaifãfe. Nãskakẽ ato omiskõimaxii. Nã Babilonia anoafãfe fetsafo afara chakafamamisfono afori. Epa Niospa ato omiskõimakĩ finakõixii omiskõinõfo. Nã Babilonia ano ikafãfe ãto shinã mẽraxõ mã shinãfo iskafakakĩ: “Nõ Nios yopaima. Afara fetsafori nõ yopaima. Nõ isharakõimis. Oa xanĩfokõi isharamis keskara nõri nãskamis, xanĩfo keskara. Nõkai oa kẽro ifomafa keskarama. Nõ omiskõitiroma. Askatamaroko nõ isharapakenaka,” ixõ kakapaimisfãfe yoimisfo. Akka Epa Niospa ato fãsi omiskõimani omiskõikakĩ tenẽnõfoma. Akka nã ea chanĩmara faafãfe, ea nikasharakãfe. Epa Niospa mã ato samamashta omiskõimani anã isharayamanõfo. Atiri ẽ ato namai, atiri ẽ ato omiskõimani, a piaifori ato kẽyoi. Nãskakẽ fonãikani. Nãskatari atiri ẽ ato koofaxii kooi fetsenõfo. Tsõa atiroma keskara Epa Niospa afama mĩshti atiro. Nãskakẽ Epa Niospa mato yoi iskafakĩ: “Efe yora mĩshtichi, Babilonia anoafo keskara iyamakãfe. Ato fe rafeyamakãfe. Ato feta chakafayamakãfe ẽ ato omiskõimanai keskafakĩ, matori ẽ omiskõimanõma,” ixõ Epa Niospa ato yoixii kiki, ãjirinĩ faito ẽ nika.