1 Ti. 5:17 - Yaminahua

¹⁷ A Nios Ifofaafãfe xanĩfofofãfe noko kexesharakaxõ noko ĩkisharamisfo Niospa meka noko tãpimanaifono nõ atoki inimakĩ nõ aicho fatiro. Askatari nõ ato inãsharatiro nã afara yopaifo keskara finõfo.

1 Ti. 5:17 ပူးပေါင်းရင်းမြစ်များ

Mateo 24:25

Mẽ mato yoikai iyoamano shinãsharakãfe.

Lucas 10:7

Nãskata pexe rasi mẽra nokoax pexe fetsa mẽra oxayamakãfe. Nã mã nokoa anoxõ mato pimayanã mato ayamanaifono pikãfe. Akka Niosxõ yonomisfo nã afara yopaifo ato inãtirofo. Nãskakẽ pexe fetsafo mẽra iki foa foayamakãfe.

Lucas 12:42

Jesús kemani: “Mã tãpinõ ẽ mato yoi afe keskaramãkĩ ina shara ãfe xanĩfãfe ãfe afama mĩshti kexemafaini mai fetsa ari kakĩ nã ãfe pexe anoafo ato kexesharaxonõ ato pimasharayanã, nã ãfe xanĩfo fena oyamaino.

Juan 4:38

Akka mã taefakĩ ato yoimisma iskaratĩa ẽ mato nĩchia mã ato chanĩmara famanõ. Taefakĩ fetsafãfe Niospa meka ato tãpimani, mã ato tãpimayoamano. Mã ato tãpimayoxoma koshikõi mã ato chanĩmara famatiro mãmãi taefakĩ ato yoiyomisfono,” ixõ Jesús ato yoini.

Hch. 11:30

Nãskakaxõ Bernabé yafi Saulo inãnifo ato foxotanõfo. Nãno a Jesús Ifofamisfo Judea ano xanĩfofo ikafo inifo. Nãfo ato kori inãnifo ato paxkaketsaxonõfo.

Hch. 20:35

Mẽ mato õimamiski afeskaxõ mã yonotiromãki, a omiskõiaifo ato axosharayanã. Nõko Ifo Jesús ãfe meka sharaõnoa shinãyanã fetsafãfe noko afara inãino nõ inimatiro keskai, ‘Nõri fetsafo afara inãsharai nõ inimaifinakõitiro,’ ixõ nõko Ifãfe noko yoini,” Pablo ato fani Efeso anoafo.

Hch. 28:10

Ato askafaito õi kakĩ anoxõ afama mĩshtifo noko inãketsanifo. Nãskata mã nõ ato makinoax kai kanõanãfã mẽra nõ naneikainaino, anã afama mĩshtifo noko inãnifo a nõ kakĩ pifoikai.

Romanos 12:8

Mato fetsafo katokẽ aõxõ fetsafo õiti ato fepeaxõfafãikãfe. Mato fetsafo katokẽ afara yopaifo inimayanã ato inãsharakãfe. Mato fetsafo katokẽ ãto xanĩfo mã inõ. Nãskakẽ Niospa shinãmana keskara ato yonomasharakãfe. Xanĩfo mẽsteshara ikãfe. Nã mato katokẽ ãfe shinãõxõ omiskõiaifo ato noikĩ inimayanã ato axosharakãfe.

Romanos 15:27

Inimayanã ato inãpaikakĩ ato yoinifo iskafakakĩ: “Jerusalén anoax Jesúsnoa yoimisfo nokoki fenifo Jesúsnoa meka shara noko yoi fekani. Akka nokoki feyamanifono na meka shara nõ nikakeranama. Nãskaxõ nõ afarayaxõ nõ ato inãpai ato sharafakĩ,” ixõ yoinifo.

Romanos 16:12

Trifena yafi Trifosari ea ato yoisharaxokãfe. Nã kẽro rafeta nõko Ifo yonosharaxomisfo. Nofe yora Pérsidari ea yoisharaxokãfe. Nã kẽromãri nõko Ifo yonosharaxomiski.

1 Corintios 15:10

Niospa ea noixõ ea katoni a apaiyai keskara ẽ anõ. Nãskakẽ nã ea amapaiyai keskara mẽ amis. Akka ea kaxpakõi katonima. Nã aõxõ yonoxomisfo keskafakĩ ẽ yonoxokĩ finakõimis. Akka ẽakõi ẽ yonoxomisma. Ea noikĩ Niospa ea katoni ẽ Jesús yonoxomis inõ.

1 Corintios 3:9

Efe yora mĩshtichi, ẽ meka fetsa mato yoipai. Tarepa ifo fistifiano fetsafãferi yonoxotirofo. Askatari pexe ifo fistifiano fetsafãferi yonoxotirofo. Nãskarifiai mãfi Niospa ãfe tare keskarafokĩ. Askatari mã ãfe pexe keskara. Nios fisti mãto Ifo. Akka nõri Apolos feta yonoxomiski. Noko yoiai keskara nõ mato tãpimasharani ãfe meka mã nikasharakõinõ.

2 Co. 6:1

Akka nõ Nios feta yonomis ãfe meka mato yoikĩ. Nãskakẽ nõ mato yoisharapai Epa Niospa mato noisharakõiaino, mã shinãmakiyamanõ, ãfe meka mã kachikiri fayamanõ. Fetsafãfe anorima mato yoiaito nikayamakãfe. Askatamaroko Jesús meka shinãmakiyamakãfe.

Gálatas 6:6

A Niospa meka mato yoimisto afara yopaito inãsharakãfe.

Filipenses 2:16

Nãskaxõ Niospa meka sharaõnoa ato yoifofãfofãikãfe afe ĩpaxanõfo. Nãskakẽ mã Cristo oaino ẽ matoõnoax inimaifinakõitiro, ẽakairoko kaxpa Niospa meka ẽ mato tãpimanax, askatari ẽa ẽ kaxpa yonomisma.

Filipenses 2:29

Nãskakẽ matoki nokoaito inimayanã ifisharakõikãfe nõko Ifoõxõ. Nãskakẽ nã mã Ipafrodito noiai keskafakĩ nã keskarafori fetsafo noikõikãfe.

Filipenses 4:3

Yamã, mĩ efeta Nios yonoxomiskĩ, ẽ mia yoinõ nã kẽro rafe ato yoisharafe isharanõfo. Nã rafeta efeta Niosnoa meka shara yoimisfoki afe ĩpaxanõfo. Clementeri nofeta yoimis. Fetsafãferi efeta Niosnoa yoipaonifo. Nãskakẽ ãto anefo Niospa mã kirikaki kenea afe ĩpaxanõfo.

1 Ti. 3:5

Akka askayamaito, afe yorafãfe a nikakaxoma askara yora Jesús Ifofamisfãferi a nikatirofoma.

1 Ti. 4:10

Nãskaxõ mitsiskai nõ Niospa meka yoifafãini. Nõ askafaito fetsafãfe noko omiskõimatirofo a Niospa meka õikaspaifãfe. Askai omiskõifikĩ nõ tãpikõimis Jesús iskaratĩamãi nikẽ. Nãskaxõ Jesúsmãi noko nãxonikẽ, keyokõi yorafoõnoax, nãskaxõ a Ifofamisfo ato ifixii.

1 Ti. 4:14

A Nios Ifofaafo ato kexemisfãfe mia mãmãkaxõ mia Epa Nios kĩfixonaifono Niospa mia amapaiyai keskara mia axoni a Nios Ifofaafo mĩ ato tãpimasharanõ ato kexesharayanã. Akka Epa Niospa mia kaxpa tãpimanimakĩ fetsafori sharafaxõfafãini xateyamafe.

1 Ti. 4:16

Nãskakẽ kexemesharafe. Niospa meka mẽstesharakõi ato yoife, isharakõita. Mĩ askafai Epa Nios fe mĩ isharakõipakenakaki. A mia nikaifori askapakenakafoki.

1 Ti. 4:6

Timoteo, na ẽ mia yoiai anori mĩ chanĩmara famis. Nãskakẽ Jesús Ifofamisfo ato tãpimasharafe, mĩ Cristo Jesús yonoxomis shara ixiki. Askatari Niospa meka mẽxotaima õife a mĩ piai keskafakĩ, fãsi shinãsharakõixiki, shara nixiki.

1 Ti. 5:19

A yora fistichi Nios Ifofamisto xanĩfoõnoa mia yoiaito, chanĩmara fayamafe. Akka feronãfake rafe iyamai trespa a afara chakafaito õikaxõ, mia yoiaifãfe mĩ ato nikatiro.

1 Ti. 5:3

Nã kẽro ifomafafo, askata fakemaisfo, askatari fafamaisfo, nãfo shinãmakiyamafe nã Jesús Ifofamisfãfe kexesharanõfo.

2 Timoteo 2:6

Askatari feronãfãke yonosharamiskõi ãfe tare efapafaxõ, ĩkisi ãfe yono fitiro pixikĩ. Nãskarifiakĩ mĩri Jesúsnoa yonoxosharamis Jesús mikiki inimakõinõ mia afara shara inãxii.

2 Timoteo 4:2

Niospa meka fena fenakima ato yoife fenãmãshta shara. A nikapaiyaifo askatari a nikakaspaifori ato yoisharafe, mĩ ato yoisharaino ãto chaka xatenõfo Jesús Ifofasharax isharanõfo. Shinãsharata, Niospa meka mẽstekõi yoife.

Hebreos 13:17

Akka nã ichanãti pexe anoxõ Niospa meka mato yoimisfo ato nikasharakõifafãikãfe. Nãskax nã mato yoiaifo keskakõikãfe. Nãfãfe mato kexesharamisfo mã Jesús nikasharanõ. Akka nãfãferi tãpiafo Nios ari nokoaifãfe ato yõkaxii iskafakĩ: “¿Mã ẽfe meka mã ato tãpimasharamismẽ?” ixõ ato yõkaxii. Nãskakẽ ato nikasharakãfe inimakõinõfo. Akka mã ato nikayamaino inimatirofoma, shinãchakatirofo. Nãskaxõ mato axosharatiroma.

Hebreos 13:24

Keyokõi ichanãkaxõ a mato Niospa meka yoixomisfo yafi a mato kexemisfori nõ ato yoisharai. Akka nono Italia anoxori nã Nios Ifofaafãferi mato yoisharakani.

Hebreos 13:7

Niospa meka yoimisfãfe mato yoinifo keskara atoõnoa shinãfafãikãfe. Nãfãfe mato shara famisfo. Nãskakaxõ nõko Ifo Jesús chanĩmara famisfo. Nãskakẽ ato keskara ikãfe nõ Jesús Ifofasharakõinõ.