1 Ti. 4:3 - Yaminahua

³ Askarafãfe fetsafo tãpimakĩ iskafakani ãa ato pãrakakĩ: “Niospa yoikĩ iskafamis: ‘Feronãfakefo ãfiyatirofoma. Askatari nami piyamakãfe,’ ixõ yoimis,” ato fatirofo. Akka Niospa keyokõi onifani nõ pinõ. A Nios Ifofamisfãfe pixikakĩ Nios kĩfiyotirofo. Nãskaxõ nõ pitiro afama mĩshti.

1 Ti. 4:3 ပူးပေါင်းရင်းမြစ်များ

Mateo 14:19

Nãskaxõ yorafã rasi yoini fasi ano tsaonõfo. Askata foe rafe yafi cinco pãa tsomaxõ nai foisinĩfofã Apa Nios kĩfini iskafakĩ: “Aicho, Epa, mĩõxõ ẽ ato pimai. Mĩ sharakõi,” fata, pãa kaxketa foe rafeya osixõ aõxõ tãpimisfo inãni a yorafo ato inãketsanõfo.

Mateo 15:11

Na mã piaito choshta keskara mato imatiroma. Askatamaroko yorafãfe ãto shinã mẽraxõ chaka shinãkani, askatari chakai mekaifono choshta keskara Niospa ato õi,” Jesús ato fani.

Mateo 15:36

Nãskata Jesús siete pãa yafi foeri tsomaxõ Apa Nios kĩfini: “Aicho Epa, mĩõxõ ẽ ato pimaikai. Mĩ fãsi sharafinakõiaki,” fata, pãa kaxketa, foeri tekenãfaxõ aõxõ tãpimisfo ato inãni nã yorafã rasi ato miniketsanõfo.

Lucas 24:30

Nãskata mã mĩsa ano tsaoafono pixakakĩ Jesús pãa tsomainĩfofã, Apa Nios kĩfikĩ. “Aicho,” fata, nãskaxõ pãa kaxkepakexõ ato inãni pinõfo.

Juan 6:23

Nãskatari Tiberias chaimaxõ kanõa rasi fenifo. A Jesús yorafã rasi ato pimaita ano fenifo.

Hch. 27:35

Ato yoikĩ askafata pãa tsomainĩfofã ãto ferotaifi, Epa Nios kĩfikĩ iskafani: “Aicho Epa Niosi, mĩ noko kexesharaki,” fata ato pãa pikĩni.

Romanos 14:17

A nõ piaito Niospa yora noko imatiroma. Askatari a nõ ayaito Niospa yora noko imatiroma. Akka Nios nõko xanĩfokõino ãfe Yõshi Sharaõnoax nõ sharakõi. Nõko õiti fekaxteima nõ inimakõitiro.

Romanos 14:3

Fẽtsafãfe nami pikĩ a nami pimisfoma ato mekafakĩ chakafatiroma. Ato yoikĩ iskafatirofoma: “Mã afaa tãpiama. Nõ nami pia shara, noko chakafatiroma. Nami shara,” ato fatirofoma. Nãskarifiakĩ nã nami pimismato a nami pimisfo ato mekafakĩ chakafatiroma. Ato yoikĩ iskafatiroma: “Nafãfe nami pikakĩ chakafakani,” ixokai atoõnoa yoitirofoma. Akka Epa Niospa keyokõi nãskarafo noko ifi nõ ãfe fakefo inõ. Nãskakẽ fetsafo mekafakĩ chakafayamakãfe.

Romanos 14:6

“Na judeofãfe tenetitĩa nõ ichanãtiro Jesús shinãi,” ixõ shinãifãfe, nãfãfe nõko Ifo Jesús Ifofasharapaikani. Akka a nã fatora penata nõ ichanãtiro Jesús shinãi ikaifãferi, nãfãfe nõko Ifo Jesús Ifofasharapaikani. Askatari fetsafãfe shinãkani: “Nõ nami pitiro. Aicho, Epa Niospa mĩ noko nami inã nõ pinõ,” ixõ shinãkani. Nãfãferi nõko Ifo Jesús Ifofasharapaikani. Akka fetsafãferi nã nami piyamaifãfe nãfãferi nõko Ifo Jesús, “Aicho,” fatirofo. Nãskaxõ nãfãfe Nios shinãsharapaikani.

1 Corintios 6:13

Askatari mã yoiraka iskafakĩ: “Niospa nõko xãki noko onifaxoni a nõ piai nõ pinõ. Nãskaxori a nõ piai noko onifaxoni,” ixõ mã yoimis. Akka chipo Niospa a nõ piai yafi nõko xãki yamafaxoxii nãatomãi a nõ piai noko onifaxonixakĩ. Chanĩmakõi Niospa noko onifani nõ afe rafepakexanõ. Niospakai nõko ãfima fe nõ inõ noko onifanima. Kẽrofori ãto fenema fe inõ ato onifanima. Askatamaroko Niospa nõko yora noko onifaxoni nõ nõko Ifo fe nõ rafepakexanõ, Jesús ãfe ina nõ inõ, nãskata Jesús nõko Ifo inõ.

1 Corintios 7:28

Akka mã kẽroyaxõ mã chakafatiroma. Kẽrofori feneyakatsaxakĩma mã feneyaxõ mã chakafatiroma. Askata mã feneyax askatari feronãfake mã ãfiyax mato omiskõimanaifono mã omiskõitiro. Nãskaxõ mato omiskõimatirofo mã Jesús chanĩmara faino. Nãskakẽ ẽ mato yoisharapai mã omiskõiyamanõ.

1 Corintios 8:8

Anori shinãfiaifonokai a nõ afara piatokai Nios yafi noko rafemasharatiroma. Nios makinoa noko potatiroma. Afara onifakaxõ, “Na nõko niosra,” ikaxõ nami inãfo nã nami nõ piamanokai noko shara imatiroma. Askatari noko chakafatiroma. Nãskatari mã nõ pianori noko chakafatiroma. Nãskatari noko shara imatiroma.

Colosenses 2:16

Akka mãto xinifãfe ãto feyafati ipaoni xinia fena ikaino fista apaonifo. Askatari oxe rama kãiyaino fista apaonifo. Akka mato yoitirofo iskafakakĩ: “Afaa mã pitiroma askatari afaari mã ayatiroma. Askatari nõko pena tenetitĩa mãri tenetiro,” ixõ mato yoitirofo. Akka mã askayamaino fetsafãfe mato mekafakĩ ĩchatirofo. Mato askafaifono ato nikayamakãfe.

Colosenses 3:17

Nãskaxõ nã mã apaiyai keskafakĩ yoikãfe iskafakĩ: “Aicho, Epa Niosi. Nõko Ifo Jesucristoõxõ nã nõ apaiyai keskafakĩ keyokõi mĩ noko axõfafãimis,” ixõ yoifafãikãfe.

1 Ti. 2:4

Niospa keyokõi yorafo ifisharapai, keyokõi yorafo Jesús ato nãxoni ato chaka soaxoxikĩ a tãpikõinõfo.

1 Ti. 4:4

Keyokõi a nõ piaifo Niospa onifakĩ sharakõi fani. Nãskakẽ nõ inimakĩ yoitiro aicho fakĩ. Nãskakẽ nõ pikaspakĩ chakafatiroma a nõ piaifo Nioski inimakĩ.

1 Ti. 5:14

Askatamaroko kẽro ifomafa yõxafo famatai feneyatiro. Mã feneyaxõ fake fitiro. Fake fixõ ãfe pexe fisti anoxõ kexesharatiro. Askafasharaito õikĩ yorafãfe chakafakĩ mekafatirofoma.

Hebreos 13:4

Feronãfakefo, mãto ãfifo fe nõinãsharakãfe. Nãskax isharakãfe. Askatari mãto ãfima fe ipaiyamakãfe, mãto ãfi fisti fe ikãfe. Kẽrofori mãto fenema fe ipaiyamakãfe, mãto fene fisti fe ikãfe. Akka nã ãto ãfima fe ikaifono, kẽrofori ãto fenema fe ikaifono, nãskarafo Niospa ato omiskõimaxii.

Hebreos 13:9

Akka fetsafãfe mato anorima yoipaikani, a tsõa nikamisma keskara. Nãskakẽ ato nikayamakãfe mato iskafakĩ yoipai ani kiki: “Nõko xinifãfe noko yoinifo keskara nõ nami fetsa piaino nõko shinã mẽra noko shinãmasharatiro,” ixõ mato yoipai ani kiki. Akka a nõ piaitokai nõko shinã mẽra noko shinãmasharatiroma. Askatamaroko Niospa noko noixõ noko imasharatiro a keskara shara nõ inõ.