1 Ti. 3:15 - Yaminahua

¹⁵ Akka ẽ mia ari fena kayamaino õikĩ na kene tãpixõ mĩ tãpitiro afeskax itirofomãkai a Jesús Ifofaifo. Akka Nios nĩpanaka. Nãskax a Ifofamisfo Niospa fakekõifo afe ipanakafo. Nãskaxõ Niospa meka mẽstekõi ato yoisharaifãfe fetsafãferi ato nikasharakõitirofo.

1 Ti. 3:15 ပူးပေါင်းရင်းမြစ်များ

Mateo 16:16

“Mĩfi Cristoki, nã Nios nĩpanakato Fakekõi,” fani.

Mateo 18:18

“Ẽ mato chanĩma yoi. Nã mã õiai fato sharakõimãkĩ mã ato yoitiro: ‘Nã sharakõi. Nãskara nõ atiro,’ ixõ ato yoitiro. Nãskara mã sharakõi õi Epa Niospari shara õi. Askata mã õikai fato chakamakĩ, mã ato yoitiro: ‘Na chaka. Nãskara nõ atiroma,’ ixõ ato yoitiro. Nãskara mã õikĩ chakamakĩ, ‘Na chaka nõ atiroma,’ ixõ mã yoiaino, Epa Niospari nã chaka õitiro.

Juan 1:17

Epa Niospa noko amapaiyai keskara Moisés yoini. Nãskakẽ Niospa noko yoini keskara Moisés noko tãpimani. Nãskakẽ Niospa noko õimapai noko noikõi afi chanĩmakĩ. Nãskaxõ Jesucristo nokoki nĩchini. Jesucristo noko keyokõi noimis. Nãskaxõ noko õimatiro Nios chanĩmakõi. Askatari Epa Niospa noko noi.

Juan 14:6

Jesús kemani: “Ẽfi nã fai keskaraki. Ẽfi chanĩmismaki. Eõnoax yorafo nĩpaxatirofoki. Tsoakai ẽfe Epa ika ano nokotiroma. Eõnoax fisti ẽfe Epa ari nokotirofo.

Juan 18:37

Pilato kemani: “¿Akka mĩ xanĩfo rakikĩa?” faito, “Nã ea mĩa yoiai keskarakĩa ẽ xanĩfo. Nãskakẽ ẽ yõra fakekõi kãini meka chanĩmakõi ato yoixikĩ. A meka chanĩmakõi fisti nikapaiyaifãfe nãfãfe ea nikamisfo,” Jesús faito,

Juan 6:69

Mĩfi mĩ Nios ariax nokoki oniki. Mĩfi sharakõi Cristokĩ. Nios nã nipanakato nãato ãfe Fakekõi mĩ. Nã nõ chanĩmara fai,” askafaito,

Hch. 1:2

Mã Jesús retefiafono oxa rafeta anã otoni. Mã otoxõ aõxõ tãpimisfo ato ifixõ ato tãpimani Niospa Yõshi Sharapa shinãmanaino akairi fetsafo tãpimanõfo. A metasitafo ato ispaketsani a aõxõ tãpimisfo. “Nafo ea metasitafokĩ õikapo,” ato fani õikakĩ tãpisharanõfo. Mã anã nia afia ipaoni keskara ixõ tãpinõfo ato yoisharani nai mẽra kayoxoma. Cuarenta nia oxata ato tãpimasharani chipo katãxiki ato yoipakeyoni a Nios xanĩfoõnoa ato yoisharapakeni. Nãskax Apa Nios ari kani nai mẽra.

Hch. 14:15

iskafakakĩ: “¿Afeskafakĩ mã noko na rafe niosra mã noko faimẽ? Nõkai niosma. Nõri mato keskara, nõ mato meka shara yoiyoi oa na afarafo nõko niosra mã famis a chakafo mã potanõ a chakafokai afama. Nãskaxõ nã Nioskõi nĩpanaka Ifokõi fakãfe, nai yafi mai fakafãri onifaniki. Nai mẽranoafo onifata, nono mai anoafo onifata fakafãri mẽranoafo onifani.

Romanos 9:26

Askata anã keneni iskafakĩ: Niospa judeofoma ato iskafani: “Mãkai efe yorafoma,” ato fayoni. Nãskata chipo anã Epa Niospa ato ifixii afe yora inõfo. Nãskakẽ yorafãfe ato yoixikani iskafakakĩ: “Nafo Niospa fakefo. Epa Nios finakõia afama mĩshti fatiro,” ixõ yoixikani.

1 Corintios 10:32

Nã mã akai keskafakĩ fetsafo shinãchakamayamakãfe. Nõko kaifo judeofo iyamai mani fetsafo Nios Ifofaafoya ato shinãchakamayamakãfe matoõxõ nõko Ifoõnoa shinãchakanõfoma.

1 Corintios 3:16

Akka, ¿mã tãpiamamẽ mã Niospa pexe keskarakõi? Ãfe Yõshi Shara mato mẽra ika.

2 Co. 3:3

Akka mã mã isharakõia anã mã imis keskarama a Niospa fichipaiyai keskaraino. Nã noko õimana Cristo mãto õiti fetsafaa fena keskara mã inõ. Nãskakẽ mã kirika kenea keskara. Mato õixõ fetsafãfe tãpitirofo nõ Niospa meka mato tãpimasharamiskẽ. Akka na kirika kene lapisi kenemeama, askatari tokiri sapaki kenemeama; Epa Nios nĩpanakato ãfe Yõshi Sharapa mato imashara mã isharakõinõ.

2 Co. 6:16

Nã Cristo chanĩmara faafãfe ichanãmisfo Epa Nios kĩfinõfo. Akka nã Ifofaafoma ato fe ichanãtirofoma afara nimofo fakaxõ kĩfitirofo na nõko niosra ikaxõ. Nãskakẽ nã rafe osinãtiroma. Akka afãfekai Epa Nioskõi kĩfipaikanima. Akka Epa Nios nõ mẽra ika. Nãskakẽ nõ Niospa pexe keskara. Nõko Nios nia. Epa Niospa yoini iskafakĩ: Ẽfi ato fe ikikai, ato fe rafexikĩ. Ẽ ãto Nios ikaino afo efe yora ikani, ixõ yoini.

Gálatas 2:9

Nãskakẽ Santiago ikaino Pedro ikaino Juan ikaino, afãfe a Nios Ifofaafo ato ĩkikaxõ ea tãpinifo Niospa ea nĩchinino nã meka sharaõnoa a judeofoma ẽ ato yoinõ. Nãskakaxõ ea yafi Bernabé noko metakaxanifo. Noko askafakãta nokoki inimakaki noko yoikĩ iskafanifo: “Aicho, judeofoma mẽra kaxõ Niosnoa meka shara mã ato yoitiro,” noko fanifo, judeofoma mẽra kaxõ Niospa meka sharaõnoa nõ ato yoikanõ, akka afãfemãi nã judeofo Niospa meka sharaõnoa ato yoikakĩ.

Gálatas 3:1

Efe yora mĩshtichi Galacia anoafãfe, mãfi oa yõra shinãsharaima keskarafoki. Akka, ¿tsõa mato paraimẽ oa mato parakani afianã mã shinãsharanõma? Akka nõ xafakĩakõi mato yoimis Jesucristo ifi cruz ikaki mastafono matoõnoax nani. Nõ mato yoisharafimisno meka fetsa nikakĩ mã anorima shinãmis.

Efesios 4:21

Jesús mato tãpimamis chanĩkĩ mato yoimisma.

Colosenses 1:5

Na meka shara chanĩmakõi Jesucristoõnoa mã mã nikamis. Jesucristo chanĩmara faax Nios ika ari mã afe ipaxatiro ixõ yoinifo mã mã nikamis. Na meka chanĩmara fakõixõ fetsafo mã ato noikõimis.

1 Tesalonicenses 1:9

Askatamaroko fetsafãfe nokoõnoa ato yoimisfo iskafakãki: “Tesalónica anoafãfe nõko Ifo Nios Ifofakõinafo, nãskaxõ Pablo yafi a afe rafeafo ato sharafayanã a yoiaifo keskara ato nikakõimisfo. Nãskakaxõ afara fetsa onifakaxõ, ‘Na nõko niosra,’ ikaxõ anã kĩfimisfoma, Nioskõi Ifofakakĩ. Nãskakaxõ nã nipanaka Nioskõi yonoxomisfo.

1 Ti. 3:14

Timoteo, iskaratĩa ẽ mia kenexõ fomai, mia ari samama kapaikĩ.

1 Ti. 3:16

Fetsafãfe yoikĩ iskafatirofoma: “Niospa meka chanĩra,” ixõ yoitirofoma. Jesús Niospa Fake feronãfakekõi kãini. Niospa Yõshi Sharapa, “Jesús Niospa Fakekõi,” ixõ yoini. Askatari Niospa ãjirifãfe Jesús õinifo Niospa Fakekõikẽ. Askatari yorafãferi õinifo Jesús Niospa Fakekõikẽ. Nãskaxõ yorafo tãpimakõinifo ato yoisharakõikakĩ, akairi tãpisharakõinõfo. Askaifãfe yora fetsafãfe mai fetsafo arixõ nikakakĩ ato chanĩmara fanifo akairi Jesús shinãkakĩ. Nãskakẽ Jesús anã nai mẽra kani Apa Nios ano.

1 Ti. 3:2

Nãskakẽ nã isharakõimis ifife. Isharaito õikakĩ fetsafãfe yoitirofoma iskafakĩ: “Nato afara mẽxotaima chakafamis,” ixõ yoitirofoma. Askatari ãfi fistiya itiro. Kẽro fetsa kaxefamisma ikãi, shinãsharakõita isharakõimis ikãi, fãsi yonosharamis xanimisma ikãi, fetsafo sharafamiskõi ãfe pexe anoxõ yora pimamis ikãi, fẽtsa pexe yopaito ãfe pexe mẽra yora ikimamis ikãi, ato tãpimasharamis ikãi, nãskara feronãfake ifife.

1 Ti. 3:5

Akka askayamaito, afe yorafãfe a nikakaxoma askara yora Jesús Ifofamisfãferi a nikatirofoma.

1 Ti. 4:10

Nãskaxõ mitsiskai nõ Niospa meka yoifafãini. Nõ askafaito fetsafãfe noko omiskõimatirofo a Niospa meka õikaspaifãfe. Askai omiskõifikĩ nõ tãpikõimis Jesús iskaratĩamãi nikẽ. Nãskaxõ Jesúsmãi noko nãxonikẽ, keyokõi yorafoõnoax, nãskaxõ a Ifofamisfo ato ifixii.

1 Ti. 6:16

Akka tsõa onifanima, aakõi ares ika. Nãskax nanakama. A chaxasharai mẽra ika tsoa akiki nokotiroma. Askatari tsõa õimisma, tsõa õitiroma. Nãskakẽ keyokõichi nõ aõnoa yoisharatiro: “Nios fisti sharafinakõia. Nã fistichi afara sharafo ares atiroki,” ixõ yoipakenakafo. Askapainõ.

2 Timoteo 2:19

Akka Niospa meka chanĩmakõi. Tokirinĩfakai tsõa rafetiroma. Niospa meka nãskarari. Tsõakai ãfe meka fetsafatiroma. A chanĩma, nã yoimis keskara nãskarakõi. Tokirinĩfakĩ yõra keneakai tsõa soatiroma. Nãskarifiakĩ Niospa meka kenenifo iskafakĩ: “Nõko Ifãfe afe yorafo tãpikõia.” Nãskakaxõ, “Afe yorafãfe a afara chakafamisfo keskara potatirofo,” ixõ kenenifo.

2 Timoteo 2:20

Feronãfãke ãfe pexe efapa sharakõi faxõ a mẽra kecho sharakõifo faa, askaxõ a kecho sharafo mẽra afara sharafo fatiro. Akka a kecho chakafo mẽra afara chakafori fatiro.

Hebreos 10:21

Nõko Ifo Jesús nokoõxõ Apa Nios kĩfixomis xanĩfokõi. Nãskakẽ keyokõi Niospa fakefãfe ãto Ifokõi.

Hebreos 12:22

Akka nõkai machi Sión ano nõ kaima. Askatamaroko machi Sión fetsa ano nõ kai, ãfe ane fetsa nã Jerusalén Fena ano a Nios ika ari. Nãskakẽ nãnoax ãfe ãjirifo ichanãkaxõ, “Nios sharara,” fafafafãikani. Akka nã ãfe ãjiri ichapakõifo tsõa ato tanãtiroma.

Hebreos 3:12

Efe yora mĩshtichi, õisharakãfe. Nõko xinifo keskara iyamakãfe. Mãto shinã mẽraxõ mã Jesús chanĩmara fayamax chakakõi mã itiro. Mã askaikai nã Nios nĩpanakãfe mã ipanakama.

Hebreos 9:14

Akka Cristokai afaa chakafamisma. Nãfi sharafinakõia. Niospa Yõshi Shara a nĩpanakato Jesús shinãmani. Nãskakẽ Apa yoini iskafakĩ: “Epa, ẽ atoõnoax naikai. Nãskakẽ ẽfe imi foano eõxõ mĩ ãto chaka soaxotiro mefe yorafo inõfo,” ixõ Apa yoini. Akka a nõ Nios inimamapaikĩ nõ shinãpaoni keskara nõ anã shinãima. Akka iskaratĩa nõ Nios inimamapaikĩ nõ nikasharakõitiro. Nã Nios nĩpanaka sharafinakõia.

1 Pedro 2:5

Nãskarifiakĩ Niospa mato tokiri pexefã keskara faxii mã afe yorafokẽ. Askatari mã ato Epa Nios kĩfixomis inõ mato imaxii afaaya osiama sharakõi mã inõ Jesúsnoax, Jesúsmãi noko nãxonikẽ. Nãskakẽ Nios aicho fakãfe akiki inimakõikãfe, “Epa Niosi, mĩ fasi sharakõi,” fayanã.

1 Pedro 4:17

Akka Epa Niospa yorafo keyokõi tãpimaniyoi afe keskara ikafomãkĩ. Taefakĩ noko õikĩ taefaiyoi nõmãi afe yorafokẽ. Akka chipo nã Jesús chanĩmara faafomafori ato yoixii afe keskara ikafomãkĩ. Akka iskaratĩa nõ omiskõiyoi, anãkai nõ omiskõinakama nõ isharakõipakenaka, Epa Nios fe nai mẽra. Akka chipo nã Niospa meka nikakaspamisfo omiskõi finakõixikani, afokai anã nĩpanakafoma.

Apocalipsis 7:2

Nã cuatro Niospa ato yoiaito mai yafi fakafã chakafatirofo. Askata Epa Nios nipanakato ãfe ãjiri fetsa ẽ õia xini oaikirinoax oaito, nõko Epa Nios ãfe marakka fati feaito, a afe yorafo aõ marakka faxii keyokõichi tãpinõfo Niospa afe yorafokẽ. Nã Niospa ãjiri okĩ nã cuatro Niospa ãjiri fetsafori fãsikõi ato yoia iskafakĩ: