1 Ti. 2:2 - Yaminahua

² A xanĩfokõi fe afe rafeafo keyokõi xanĩfofo ato Nios yoixokãfe mato yonoxosharanõfo isharaxikãkĩ. Nãskakẽ afanã mato fekaxtefayamanõ, mã Nios shinãsharanõ, Nios Ifofasharaxiki.”

1 Ti. 2:2 ပူးပေါင်းရင်းမြစ်များ

Lucas 1:6

Zacarías ãfe ãfi feta Niospa meka nikasharakõipaonifo, nã Niospa meka yoikĩ kenenifo keskafakĩ. Akka nã Niospa yoiai keskafakĩ nikasharakõiaifono Niospa ato õini, shara shinãi ikafono.

Lucas 2:25

Nã Jerusalén anoa feronãfake Nios Ifokõi faa ini, ãfe ane Simeón. Nãato Nios Ifo sharakõi faxõ kĩfitaifapaoni. Niospa Yõshi Sharapa Simeón ĩkinãno, nãato Cristo manapaoni, ãfe kaifo israelifo ifinõ Niospa Yõshi Sharamãi afe ikano.

Hch. 10:22

Ato askafaino kemanifo: “Nõ oa nã sorarofãfe ãto xanĩfo Cornelio noko nĩchiano nã feronãfakefi sharakõiki. Nios nikakõimis. Judeofãfe aõnoa meka shara yoimisfo sharara famisfo, Niospa ãfe ãjirinĩ yoia mia kenanõ ãfe pexe ano mĩ kanõ, nãato mia nikasharai mĩ yoiaito,” fanifo.

Hch. 24:16

Nãskakẽ mẽxotaima ẽ isharapaikõimis, shinãsharakõita. Niospa mã ea õimis, yorafãferi mã ea õimisfo.

Romanos 12:18

Keyokõi yorafo fe rafepaisharakãfe. Mã aska sharafapaifiaino fetsafo mato fe rafesharapaikanima.

Filipenses 4:8

Efe yora mĩshtichi, ẽ kirika kenekĩ keyokerana. Afara nã chanĩmakõi fisti shinãkãfe, askatari afara sharafos shinãkãfe, askatari nã noko mẽstekõi shinãmatiro shinãkãfe, yorafãfe a afara sharafaifo keskarari shinãkãfe, a Niospa noko axõai keskarafori shinãkãfe. Askaxõ nõko Ifo aicho fakãfe.

1 Tesalonicenses 4:11

Nãskakẽ isharakãfe mãto õiti mẽraxõ afanã mato fekaxtefanõma. Fẽtsa afara afeskarafaino aõnoa shinãchakayamakãfe. Nã Niospa mato amapaiyai keskara fisti akãfe. Askatari mã yonotiro xanikima. Nãnori nõ mato yoimiski.

Hebreos 12:14

Nãskakẽ mẽenãpaitama keyokõi yorafo fe isharafafãikãfe. Nãskatari Jesús keskara shara ipaikãfe. Akka tsoa Jesús keskara shara iyamakani afãfekai nõko Ifo õinakafoma.