1 Ti. 1:7 - Yaminahua

⁷ Nãskaxõ a Moisés yoikĩ kirika keneni keskara ato tãpimapaikakĩ nãfãfe yoimisfo iskafakĩ: “A Moisés yoini keskara nõ fãsi tãpikõia,” ixõ yoifikatsaxakakĩ a yoiaifo keskara tãpikõiafoma.

1 Ti. 1:7 ပူးပေါင်းရင်းမြစ်များ

Mateo 15:14

Akka fariseofo nikayamakãfe. Nã fẽxo keskarafoki. Akka fẽxo afe fẽxo iyopai xato mẽra paketiro. Nãskarifiakĩ nã fariseofãfe Niospa meka tãpikaxoma fetsafo tãpimatirofoma. Nãskakẽ ato fe Nios ari nokotirofoma,” ixõ Jesús ato yoini.

Mateo 21:27

Nãskakaxõ Jesús yoinifo iskafakakĩ: “Nõ tãpiama,” faifono Jesúsri ato kemani iskafakĩ: “Ẽri mato yoima tsõa ea nĩchinimãkĩ ẽ iskafanõ,” Jesús ato fani.

Lucas 2:46

Nãskata mã tres nia oxakata fichinifo nã judeofãfe Nios kĩfiti pexefã mẽranoa nã ato tãpimamisfo fe tsaoxõ nikaino. Ato nikayanã ato yõkapakeni a ato tãpimamisfo.

Hch. 15:1

Nãskaifono feronãfakefo Judea anoax Antioquía ano fonifo. Mã nokokaxõ a Jesús Ifofamisfo ato yoinifo iskafakakĩ: “Moisés noko yoini iskafakĩ: ‘Foshki repa xateyamax nõ Nios ano katiroma,’ ixõ noko yoini. Nãskakẽ nã Moisés noko yoini keskai nõ askamis,” ixõ ato yoinifo.

Romanos 1:22

“Nõfi tãpikõiaki,” ifiakaxõ tsõa shinãsharaima.

Gálatas 3:2

Akka ẽ mato yõkapai mã ea yoinõ a Moisés noko yoini keskara tãpixõ mã Niospa Yõshi Shara fiamãki, askayamaki Jesucristoõnoa meka shara nikaxõ mã fiamãki.

Gálatas 3:5

A mã nikamis keskara mã mã chanĩmara fakõina. Nãskakẽ ãfe Yõshi Shara mato mẽra naneyanã, tsõa atiroma keskafakĩ afama mĩshti mato faxõfa. Moisés kenenioxokai mato askafaxõama.

Gálatas 4:21

Niospa shinãmanaino a Moisés kirika keneni keskaraõnoa mã anã nikapaimãkai Nios Ifofakaspakĩ ea yoikapo ẽ mato yoinõ. Akka, ¿a Moisés yoini keskara mã nikamismamẽ?

2 Timoteo 3:7

Nãskaxõ a ato yoimis fẽtsari ato yoiaito, nikatai fakaxõ Niospa meka sharakõi tsõa mẽstekõi tãpinakafoma. A rama ikai fẽtsari yoiaito, nikakãkiri aõxõ tãpisharapaifikakĩ, tsõa tãpinakama Niospa mekakõi.

Stg. 3:1

Efe yora mĩshtichi, ẽ mato afara fetsa yoinõ. Mã Niospa meka tãpifixõ nikasharaxoma mã ato tãpimapaiyamakãfe. Akka nõ Niospa meka nikasharaxoma nõ ato yoiaito noko nikakaxõ akairi afara chakafatirofo. Nãskakẽ Niospa ato omiskõimafiakĩ, ato omiskõimasharanima. Akka nokoroko omiskõimakĩ finai. Nãskakẽ Niospa meka nikasharaxoma nõ ato yoitiroma.

2 Pe. 2:12

Akka na yorafo yoinã keskarafo, afaa tãpiafoma. Afaa shinãima ikafo. Nãskakẽ achixõ retetirofo. Afãfe afara chaka yoimisfo õiyamafikakĩ, nãskakẽ afori naxikani na yoinãfo natirofo keskakani.