1 Ti. 1:12 - Yaminahua

^12-14 Ẽ anorima shinãyopaoni Niospa Fake tãpiaxma. Ẽ fãsi anorima shinãpaoni iskafakĩ: “Jesús Niospa Fakekẽroko. Ãa pãrakaninõ, yorakõifekẽ,” ixõ ẽ chakafapaoni, ẽ anorima shinãkĩ. Anori shinãki a Jesús Ifofamisfo ẽ fãsi ato chakafapaoni. Ẽ fãsi feronãfake mesekõi ipaoni ea omispaonifo ẽ tãpisharaxma. Anorima ẽ shinãkĩ ẽ noikaspapaoni, ares ea shinãfiaito Niospa ea noikĩ. Nãskaxõ ea ifisharani. Ẽ fãsi chakafafiamiskẽ ea noisharai. Nãatofi ea shinãmamiskĩ ẽ aõ noinõ. Ea askafaito ẽ nikasharakẽ nõko Ifo Cristo Jesús ea yora fetsafo fãsi noimasharai. Aicho, ẽ Jesúski inimasharakõi ea noisharaito. Jesucristo ea shinãmani iskafakĩ: “Mĩ ea noikĩ, ea shinãsharafe, mĩ ea tãpisharaxõ eõxõ mĩ yonoi ato tãpimakĩ,” ixõ ea yoia.

1 Ti. 1:12 ပူးပေါင်းရင်းမြစ်များ

Mateo 20:4

Askaifono tare ifãfe ato yoini: ‘¿Mãri ẽfe tare ano yonopaimẽ nã ẽ ato kopifamis keskafakĩ ẽ mato kopifanõ?’ ato faito nikakata atiri fonifo yonoi fokani.

Juan 5:23

Nãskaxõ yorafãfe Epa Nios yoixikani: ‘Mĩ fãsi shara. Tsõa mia finõtiroma,’ ixõ yoixikani. Nãskarifiakĩ eari yoixikani ẽmãi ãfe Fakekẽ. Ea nĩchini. Akka iskaratĩa ea tsõa yoisharaima. Ẽfe Epa Niosri askari fakani yoisharakima.

Hch. 16:15

Nãskaito õikĩ afe yorafoya maotisafanifo faka mẽra ikimakĩ. Nãskaxõ noko yoini iskafakĩ: “Mã ea iskafaikai, mĩ nõko Ifo ifofaki mã ea faikai, ẽfe pexe ano oxai fekãfe,” noko fani. Noko askafaino nõ nẽteyoni.

Hch. 9:15

anã nõko Ifãfe yoini iskafakĩ: “Mẽ na feronãfake katoa eõnoa meka shara ato yoinõ mai fetsafo anoafoya ãto xanĩfofoya israelifoya ato yoinõ.

Hch. 9:22

Akka taeyoi Saulo ratepishtakĩ yoiyoni. Nãskaxõ feyafani fãsikõi yoikĩ. Nãskaxõ mẽstekõi ato yoini Niospa ãfe Fake Jesús nokoki nĩchini. Nãskakẽ judeofãfe Damasco anoxõ tãpipaiketsanifo. “¿Fato nõ chanĩmara faimẽ?” ikaxõ, “Jesucristofi Niospa Fakekõikĩ,” ixõ ato yoiaito.

1 Corintios 15:10

Niospa ea noixõ ea katoni a apaiyai keskara ẽ anõ. Nãskakẽ nã ea amapaiyai keskara mẽ amis. Akka ea kaxpakõi katonima. Nã aõxõ yonoxomisfo keskafakĩ ẽ yonoxokĩ finakõimis. Akka ẽakõi ẽ yonoxomisma. Ea noikĩ Niospa ea katoni ẽ Jesús yonoxomis inõ.

1 Corintios 3:5

Akka askayamakãfe. Nõ afaama. Akka Apolos fetakai nõ afaa tãpiama. Nõkai Nios keskarama. Akka nõfi ãfe inaki. Nãskaxõ nõ mato Jesús chanĩmara famani. Nõko Ifo Niospa noko katoni noko yonomapaiyai keskara nõ yonoxonõ.

1 Corintios 7:25

Akka iskaratĩa afara fetsa anã ẽ mato yoipai mã ea yõkaita. Feronãfakefo ãfimaisfoya kẽrofo fenemaisfoõnoa ẽ mato yoi. Ẽ mato yoiai keskara nõko Ifãfe ea yoiyamafixõ ea noikĩ ea nĩchini ẽ ãfe ina inõ. Nãskakẽ ẽ mato yoiai keskara mã chanĩmara fatiro.

2 Co. 4:1

Akka Epa Niospa noko shinãkĩ noko yoini ãfe meka shara Jesucristoõnoa nõ yoifofãfofãinõ. Nãskakẽ nõ shinãchakaima, nõ Niospa meka yoiki xateima.

Gálatas 3:26

Akka mã chanĩmara faax Niospa fakekõifo mã iki mãmãi Cristo Jesús Ifokõi faxõ.

Gálatas 3:28

Epa Niospa Cristoõxõ keyokõi nã maifo tii anoafo keyokõi nãskarafos noko õi. Judeofoya a judeofoma, a ato yonomatifoya a yonomatifoma, feronãfakefoya kẽrofo, nãskarafos noko õi. Jesucristo nõko Ifo ikano aõnoax yora fisti keskara nõ itiro. Akka keyokõichi nõ Ifofaax nõ afe yorafo.

Filipenses 2:11

Nãskafaifono keyokõichi tãpixikani, “Jesucristo nõko Ifora,” faifono. Askafakãki Apa Niosri inimamakõixikani.

Filipenses 4:13

Afara fetsafo ẽ atiro Cristo ãfe kerex shara ea inãno.

Colosenses 1:25

Akka Epa Niospa ea katoni, a mato yonoxomis keskara ẽ inõ, ãfe meka shara ẽ mato yoinõ. Nãskaxõ ea yoikĩ iskafani: “Na maniafo tii anoa ẽfe meka shara Jesucristoõnoa ato yoifofãsafafe,” ixõ ea yoini. Nãskaxõ ãfe kaifoma mẽra ea nĩchini.

1 Ti. 1:1

Ẽkĩa Pablo. Iskaratĩa ẽ mia kirika kenexõ fomai Timoteo, ẽ mia yoikĩ. Epa Niospa ea katoni ẽ ãfe meka Jesucristoõnoa ẽ ato tãpimanõ. Epa Nios noko ifimis, Jesucristo nõko Ifo feta ea yoini ẽ ato tãpimanõ. Jesucristo nokoõnoax nani ares noko Epa Nios ari iyoxii kiki.

1 Ti. 1:11

Nãfãfe Niospa meka tãpisharafoma, nikakanima. Epa Niospa ea yoia ẽ ãfe meka mẽstesharakõi ato tãpimanõ. Ãfe Fake Jesucristo fãsi shara nokoõnoax nani nõko chaka noko soaxoxiki nõ afe nipaxanõ. Aicho, Nios fãsi sharakõi.

1 Ti. 1:2

Nãskaxõ ẽ mia Jesucristo chanĩmara famaxõ, ẽ mia fakekõi faa, Timoteo. Nãskaxõ ẽ mia yoixõ Epa Nios, Cristo Jesús nõko Ifo feta mia shinãsharanõ mĩo noikĩ, mĩ shinã mẽra mia shinãmasharanõ, mĩ õiti fekaxtenõma.

1 Ti. 6:13

Ea nikasharafe Niospa keyokõi noko onifani noko nimaxiki. Jesucristo nã xanĩfo Poncio Pilato yoini: “Ẽfi Niospa Fakekõi,” ixõ ratekima yoini. Iskaratĩa Nios feta Jesús mia õi.

2 Timoteo 2:2

Ẽ yorafo Jesúsnoa yoiaito mĩri ea nikafafãini. Nãskarifiai mĩ ato chanĩmara fasharatiro. Nãskaxõ a feronãfakefãfe a shinã sharaifo ifife mĩ ato tãpimaxikĩ afãferi fetsafo tãpimanõfo.

2 Timoteo 4:17

Ea askafafiaifono ẽfe Ifãfe Jesús ea potayameama, ea kexexõ. Ea askafaifono ẽ ratetima ẽfe Ifãfe ea kexeano ãfe kerex ea inãno ẽ ato yoinõ. A judeofomafãfe ea yõkaifãfe keyokõi nikanõfo ẽ Niospa meka Jesúsnoa ato yoiyamea. Ẽ askaito ea retepaikakĩ, oa poomãnã noko pipaiyai keskara ea fatifo ea retepaikakĩ. Ea askafafiaifono ea Niospa kexesharayamea ea tsõa retenõma.

Tit. 1:4

Tito, ẽ mia kirika kenexõ fomai. Mĩfi ẽfe fake keskarakõikĩ, eõxomãi mĩ Nios chanĩmara fakẽ. Epa Nios mĩ Ifofakẽ mia imasharakõipakenaka mia noikĩ mia shinãsharamani. Nõko Ifo Jesucristori mia askafai.

Flm. 1:9

Ẽ mia askafatamaroko ẽ mia noikõiyanã ẽ mia yoipai. Ẽkĩa Pablo mẽ anifokõia ẽ Cristo meka ato yoiaito ea nikakaspakakĩ karaxa mẽra ea ikimatifo.