1 Pedro 3:4 - Yaminahua

⁴ Akka mã Cristo Ifofasharakõixõ mã ato õimasharakõitiro. Mãto õiti mẽraxõ shinãsharakõita, meka mitsisipato mã ato yoitiroma, tanaima sharakõi mã itiro. Fetsafo õikĩ ato yoisharakãfe, ato fe isharakãfe. Mã askaito õikĩ Niospa mato iskafatiro: “Na kẽrofo sharakõifo ẽ õi,” ixõ Niospa mato yoitiro matoki inimayanã.

1 Pedro 3:4 ပူးပေါင်းရင်းမြစ်များ

Mateo 11:29

Akka ea shinãkõikĩ eõxõ mã tãpisharakõitiro. Ẽ mato noikĩ fenãmãshta ẽ mato yonomamis tenemasharayanã. Nãskaxõ mã anã shinãchakatiroma.

Mateo 21:5

Iskafakĩ keneni: Pexe rasi Sión anoafo ato yoikãfe iskafakĩ: “Õikapo. Mãto xanĩfokõi mã matoki oi kiki. Xanĩfofiax afama keskara oi kikĩ. Burro fake kamaki tsaoa na feronãfakekai kakapaimisma,” ixõ Niospa meka yoimisto kirika keneni.

Mateo 23:26

Fariseofãfe, mãkai mẽstekõi shinãsharamisma. Akka iskaratĩa mãto shinã mẽraxõ shinãsharakãfe, isharakõixikakĩ. Anã afaa chaka shinãkakima. Nãskaxõ mã yorafo ĩkisharakõitiroki.

Mateo 5:5

“Fetsa kakapaimisma imisno Niospa inimamasharaxii. ‘Keyokõi maitio atonã ixii,’ ixõ Niospa yoiyoni keskara atonãri ixii.

Lucas 11:40

Akka mã anorima shinãmis. ¿Mã tãpiamamẽ tsõa nõko yora femãkĩa onifata, nõko õiti mẽrari onifanimẽ?

Lucas 16:15

Askafaifono Jesús ato yoini: “Mãfi nõ sharafora imiski yorafãfe ferotaifi, akka mã askafiaito Epa Niospa mato tãpikõia. Akka yorafo mã pãratiro nafo sharafoki mã ato fatiro, mã ato askafaino Niospa mã mato tãpixõ mato iskafai: ‘Nafo chakakõifo,’ ixõ mato yoi,” Jesús ato fani.

Romanos 1:23

Niosfi sharakõikĩ shara enenakama. Nãfi isharapakenakakĩ. Isharakõifiaito Ifofapaikanima. Askata yorafo isharayamaino yora fetsafãfe afara yora keskara onifakaxõ, “Na nõko Niosra,” ikaxõ kĩfimisfo Nioskõi kĩfikaspakakĩ. Yoinã keskara onifakaxõ, peya keskara onifakaxõ, rono keskarari onifakaxõ, nãskarafo onifakaxõ, “Na nõko Niosra,” ikaxõ kĩfimisfo.

Romanos 2:29

Moisés kirika kenekĩ yoini keskafakĩ judeofãfe ãto fakefo foshki repa xatemisfo ato tãpinõfo judeokõifokẽ. Akka judeofo atirifãfe Nios shinãkanima. Nãfofi judeomakõifo keskara. Nãfokai Niospa afe yorafoma. Akka judeofo atirifãfe Nios shinãkani. Nãfofi judeokõifokĩ. Nãfofi Niospa afe yorafokĩ. Niospa Yõshi Sharapa noko õiti fetsafaxõano Nios keskara shara ikafo. A Moisés kirika kenenito noko õiti fetsafaxotiroma. Niospa Yõshi Sharapa noko õiti fetsafaxotiro. Akka yorafãfe, “Mĩfi sharakĩ,” noko fayamafiaifono Niospa, “Mĩ sharakĩ,” noko fai.

Romanos 6:6

Jesús mastanifo nõko chaka noko soaxonõ. Nõri Jesús fe masta keskarakõi anã chakafapaima. Nãskarifiai nõ Jesús Ifofaax nõ afe naa keskara. Nãskaxõ nõ anã chaka shinãima. Afara chakafo nõko ifoma.

Romanos 7:22

Nõa nõ iskafai: “Aicho. Niospa noko yoiai keskara shara,” ixõ nõ shinãfi nõ nikayospamis afara chakapamãi noko fekaxtefaito. Niospa meka nõ tãpifiax nõ nikayospamis. Nõa nõ sharafapaiyai keskara nõ atiroma. Nõ chaka xatetiroma.

2 Co. 10:1

Iskaratĩari meka fetsari ẽ mato yoisharapai. Efe yora mĩshtichi, ea nikasharakãfe. Jesucristokai meka mitsisipato noko yoimisma. Noko yoikĩ fenãmãshta noko yoisharamis nõ ãfe meka nikasharakõinõ. Nãskarifiakĩ ẽri Cristoõxõ mato fenãmãshta yoisharapai mã tãpinõ. Akka eõnoa yoikĩ iskafamisfo: “Pablo nofe ixõ fenãmãshta noko yoiaito nõ õimis. Nãskafixõ noko kirika kenexoni mitsisipakai noko kirika kenexonaito nõ õimis,” ixõ ea yoimisfo.

2 Co. 4:16

Nãskakẽ nõ omiskõifikĩ nõ shinãchakaima. Nõko Ifokai nõ kachikiri faima. Akka nõko yorari anã kerexma nõ omiskõiaino. Askafixõ nõko shinã mẽra mẽxotaima noko kerex fafafãini.

Gálatas 5:23

Askatari isharakõita, fetsafo fe feratenãtama oi tsifaxõ ato yoimis ita, askatari a Niospa fichikaspai atama nõa nõ kexemetiro afaa chakafaxikima. Nãskaxõ Niospa ãfe Yõshi Sharaõxõ noko yoia keskara nõ atiro isharaxiki. Nãskakẽ anã meka fetsa nõ yoipaima Niospa Yõshi Sharaõnoax isharaxiki. Nãskakẽ anã noko tsõa yonomatiroma.

Efesios 4:2

Nãskax, “Ẽ finakõia,” iyamakãfe, anori shinãtama. Yora fetsafo noisharakãfe ato shinãkĩ. A fẽtsa tãpisharamato mato afeskarafaito, shinãchakatama ato noisharakãfe, õitifishkitama, isharakõita.

Colosenses 3:12

Niospa mato noikĩ mato katoni afe yorafo mã inõ. Aa keskara shara mato imaxiki. Nãskakẽ fetsafo noikĩ ato sharafa fafafãikãfe. Nãskakẽ fetsafo shinãki nã mã apaiyai keskara fisti shinãtama, fetsafãfe apaiyaifo keskarari shinãkãfe, oi tsii faxõ ato yoifafãikãfe.

Colosenses 3:3

Anã ẽ mato yoi Cristo noko nãxoni. Akka mã oa Cristo fe naa keskara iyoni, nãskakẽ iskaratĩa mã afe rafekakaini, Epa Nios feri mã askakakãini. Nãskariai Epa Niosri mato fe rafekakaini. Mã askaito tsõa mato tãpitiroma, a mã Cristo fe rafeai keskai ari askaxiki.

1 Tesalonicenses 4:11

Nãskakẽ isharakãfe mãto õiti mẽraxõ afanã mato fekaxtefanõma. Fẽtsa afara afeskarafaino aõnoa shinãchakayamakãfe. Nã Niospa mato amapaiyai keskara fisti akãfe. Askatari mã yonotiro xanikima. Nãnori nõ mato yoimiski.

2 Tesalonicenses 3:12

Nãskakẽ nõ mato yoi iskafakĩ, nõko Ifo Jesucristoõxõ mã tanaima yonosharakõinõ anã xanikima a mã fichipaiyai keskara fixiki.

1 Ti. 2:2

A xanĩfokõi fe afe rafeafo keyokõi xanĩfofo ato Nios yoixokãfe mato yonoxosharanõfo isharaxikãkĩ. Nãskakẽ afanã mato fekaxtefayamanõ, mã Nios shinãsharanõ, Nios Ifofasharaxiki.”

2 Timoteo 2:25

Fẽtsa Niospa mekakõi nikakaspakĩ meka anorima fisti shinãito, fenãmãshta ato tãpimasharafe. Mĩ ato askafaino ãto chaka xatetirofo Niospa mefeta akaino. Askaxõ Jesús chanĩmara fakõinõfo.

Tit. 3:2

Askatari ato mekafakĩ chakafayamakãfe. Fẽtsa mato yoipaiyaito ferateyamakãfe. Akiki õitifishkiyamakãfe. Ato shinãsharakãfe. Fenãmãshta ato yoikãfe,” ixõ ato yoisharafe, Titopa.

Stg. 1:21

Nãskakẽ afara chakafo mã famis xatekãfe. Mã mã chaka xatexõ mã Niospa meka nikakõisharatiro. Nãskaxõ mã yoikĩ iskafatiro: “Epa, mĩ meka shara emẽra nanefe ẽ mia Ifofasharapaikai. Ẽ mia nikapaisharakõikai,” ixõ anori yoikãfe. Ãfe meka shara mato mẽra naneano, a mato yoiyoni keskai mã afe nĩpanaka.

1 Pedro 1:23

Nãskakẽ nã mã rama fake kãia keskara shara mã. Akka mãto epa feta mãto ẽfa mato fake fifiakanax chipo natirofo. Akka Niospa ãfe meka sharaõxõ fena keskara shara noko ima, nã keyonakama.

1 Pedro 3:15

Askatamaroko nõko õiti mẽraxõ nõko Ifo kĩfikĩ iskafakãfe: “Cristo, mĩfi ẽfe Ifokõiki. Mĩkai afaa chakafamisma, mĩ sharakõi,” ixõ yoikãfe. Askatari fetsafãfe mato iskafaifãfe: “¿Afeskaxõ mĩ tãpiamẽ mĩ Nios fe ipanaka?” ixõ mato yoiaifãfe ato yoixikakĩ ĩkisi itipinĩsharakãfe ato tãpimasharaxikakĩ.